ಜಕಾರ್ತ:
ಇಂಡೋನೇಷ್ಯಾದ ಜಕಾರ್ತದಲ್ಲಿ ನಡೆಯಲಿರುವ ಏಷ್ಯನ್‍ಗೇಮ್ಸ್‍ನ ಬಾಕ್ಸಿಂಗ್ ವಿಭಾಗದಲ್ಲಿ ಭಾರತಕ್ಕೆ ಚಿನ್ನದ ಪದಕ ದೊರೆತಿದೆ. ಪುರುಷರ 49 ಕೆ.ಜಿ. ಬಾಕ್ಸಿಂಗ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಅಮಿತ್ ಪಂಗಲ್ ಅವರು ಉಜ್ಬೇಕಿಸ್ತಾನದೊಂದಿಗೆ ಸ್ಪರ್ಧೆಯೊಡ್ಡಿ ಚಿನ್ನದ ಪದಕ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಅಮಿತ್ ಸೆಮಿಫೈನಲ್ನಲ್ಲಿ 3-2ರಿಂದ ಫಿಲಿಪ್ಪಿನ್ಸ್ನ ಕಾರ್ಲೆ ಪಾಲಮ್ನು ಅವರನ್ನು ಸೋಲಿಸಿದ್ದರು. ಗೋಲ್ಡ್ಕೋಸ್ಟ್ ಕಾಮನ್ವೆಲ್ತ್ ಗೇಮ್ಸ್ನ ಬೆಳ್ಳಿ ಪದಕ ವಿಜೇತರಾಗಿದ್ದರು. ಈ ಮೂಲಕ ಏಷ್ಯನ್ ಗೇಮ್ಸ್ ಬಾಕ್ಸಿಂಗ್ನಲ್ಲಿ ಫೈನಲ್ಗೇರಿದ ಏಕೈಕ ಭಾರತೀಯ ಎಂಬ ಕೀರ್ತಿಗೆ ಪಾತ್ರರಾಗಿದ್ದ ಅಮಿತ್ ಇಂದು ಸ್ವರ್ಣ ಪದಕ ಜಯಿಸಿ ಇತಿಹಾಸ ಸೃಷ್ಟಿಸಿದ್ದಾರೆ.
ಭಾರತ ಇದುವರೆಗೆ 66 ಪದಕಗಳನ್ನು ಪಡೆದಿದ್ದು, ಇದರಲ್ಲಿ 14-ಚಿನ್ನ, 23-ಬೆಳ್ಳಿ, 29-ಕಂಚುಗಳ ಪದಕಗಳನ್ನು ಪಡೆದಿರುವ ಭಾರತವು 8ನೇ ಸ್ಥಾನದಲ್ಲಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
