ನವದೆಹಲಿ:
ಭಾರತೀಯ ವಾಯು ಪಡೆ 86 ನೇ ವಾರ್ಷಿಕೋತ್ಸವವನ್ನು ಆಚರಿಸಿಕೊಳ್ಳುತ್ತಿದೆ. ಸಿಬ್ಬಂದಿಯ ನಿರಂತರ ಪರಿಶ್ರಮ, ಮಹೋನ್ನತ ತ್ಯಾಗಗಳಿಗೆ ಇದು ಸಾಕ್ಷಿಯಾಗಿದೆ ಎಂದು ರಕ್ಷಿಣಾ ಸಚಿವಾಲಯ ತಿಳಿಸಿದೆ.
ಏರ್ಫೋರ್ಸ್ ವಾರ್ಷಿಕೋತ್ಸವದ ನಿಮಿತ್ತ ಉತ್ತರ ಪ್ರದೇಶದ ಗಾಜಿಯಾಬಾದ್ನ ಹಿಂದೋನ್ನಲ್ಲಿರುವ ಏರ್ಪೋರ್ಸ್ ಸ್ಟೇಷನ್ನಲ್ಲಿ ಅದ್ದೂರಿ ಪರೇಡ್ ಹಮ್ಮಿಕೊಳ್ಳಲಾಗಿದೆ.
ಪರೇಡ್ನಲ್ಲಿ ವಾಯುಪಡೆಯ ವಿವಿಧ ವಿಮಾನಗಳು, ಜಾಗ್ವಾರ್, ಬಿಸನ್, ಮಿಗ್-29, ಮಿರಾಜ್-2000, ಸುಖೋಯ್-30 ಎಂಕೆಐ ಯುದ್ಧ ವಿಮಾನಗಳು, ರುದ್ರ ಹೆಲಿಕಾಪ್ಟರ್ಗಳು ಚಮತ್ಕಾರಿ ವಾಯುಯಾನ ಪ್ರದರ್ಶನ , ಹಾಗೇ ಶಸ್ತ್ರಾಸ್ತ್ರ, ರಾಡಾರ್, ಕ್ಷಿಪಣಿ ವ್ಯವಸ್ಥೆಗಳನ್ನೂ ಪ್ರದರ್ಶಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
ಭಾರತೀಯ ವಾಯುಪಡೆಯು 1932ರಲ್ಲಿ ರಾಯಲ್ ಇಂಡಿಯಾ ಏರ್ ಫೋರ್ಸ್ ಎಂಬ ಹೆಸರಿನಿಂದ ಹುಟ್ಟಿಕೊಂಡಿತು. ನಂತರ 1950ರಲ್ಲಿ ಇಂಡಿಯನ್ ಏರ್ಫೋರ್ಸ್ ಎಂದು ಬದಲಾಗಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ