ದೆಹಲಿ
ಸಾರಿಗೆ ಬಸ್ನಲ್ಲಿ ಭೂತದ ಪ್ರಯಾಣ ಮಾಡಿರುವ ವಿಚಿತ್ರ ಘಟನೆ ದೆಹಲಿಯಲ್ಲಿ ವರದಿಯಾಗಿದೆ. ರಾತ್ರಿ ವೇಳೆ ಈ ಘಟನೆ ನಡೆದಿದೆ. ಬಸ್ ನಿಲ್ಲಿಸಿದ ಬಳಿಕ ಕಂಡಕ್ಟರ್ ನಿತ್ಯದ ಕೆಲಸದಂತೆ ಸಂಪೂರ್ಣ ಬಸ್ ಪರಿಶೀಲಿಸಿದ್ದಾರೆ. ಈ ವೇಳೆ ಎಲ್ಲಾ ಸೀಟುಗಳು ಖಾಲಿ ಖಾಲಿಯಾಗಿತ್ತು.
ಆದರೆ ಡ್ರೈವರ್ ಪಕ್ಕದಲಿರುವ ಸಿಸಿಟಿವಿ ದೃಶ್ಯದಲ್ಲಿ ಸೀಟಿನಲ್ಲಿ ವ್ಯಕ್ತಿಯೊಬ್ಬರು ಕುಳಿತಿರುವು ದೃಶ್ಯ ಪತ್ತೆಯಾಗಿದೆ. ಮತ್ತೆ ಸೀಟಿನ ಬಳಿ ಬಂದರೆ ಯಾರೂ ಇಲ್ಲ. ಈ ವಿಡಿಯೋವನ್ನು ಕಂಡಕ್ಟರ್ ರೆಕಾರ್ಡ್ ಮಾಡಿದ್ದಾರೆ. ಇದೀಗ ಈ ವಿಡಿಯೋ ದೆಹಲಿ ಸಿಟಿ ಬಸ್ನಲ್ಲಿ ಭೂತ ಪ್ರಯಾಣ ಮಾಡುತ್ತಿದೆ ಅನ್ನೋ ಚರ್ಚೆ ಹುಟ್ಟು ಹಾಕಿದೆ.
ಬಿಇನ್ ಫಾರೆವರ್ ಅನ್ನೋ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಸಾರಿಗೆ ಬಸ್ನಲ್ಲಿ ಭೂತ ಪ್ರತ್ಯಕ್ಷ ಎಂದು ಉಲ್ಲೇಖಿಸಿದ್ದಾರೆ. ಘಟನೆ ಕುರಿತು ವಿವರಣೆಯನ್ನೂ ನೀಡಲಾಗಿದೆ. ದೆಹಲಿಯ ಸಾರಿಗೆ ಬಸ್ ದಿನದ ಕರ್ತವ್ಯ ಮುಗಿಸಿದ ಬಳಿಕ ನಿಲ್ದಾಣದಲ್ಲಿ ನಿಲ್ಲಿಸಲಾಗಿದೆ. ಮಧ್ಯ ರಾತ್ರಿಯಲ್ಲಿ ಬಸ್ ಪಾರ್ಕ್ ಮಾಡಿದ ಬಳಿಕ ಕಂಡಕ್ಟರ್, ಬಸ್ ಪರಿಶೀಲಿಸುತ್ತಾರೆ. ಇದು ಸಾಮಾನ್ಯ ಪ್ರಕ್ರಿಯೆ. ಇದೇ ರೀತಿ ಬಸ್ ಪರಿಶೀಲಿದ ಕಂಡಕ್ಟರ್ಗೆ ಭೂತದ ಅನುಭವವಾಗಿದೆ ಎಂದು ಹೇಳಲಾಗಿದೆ.
ಸಂಪೂರ್ಣ ಬಸ್ ಪರಿಶೀಲನೆ ವೇಳೆ ಎಲ್ಲಾ ಸೀಟುಗಳು ಖಾಲಿ ಖಾಲಿಯಾಗಿತ್ತು. ಆದರೆ ಡ್ರೈವರ್ ಸೀಟು ಬಳಿ ಬರುತ್ತಿದ್ದಂತೆ ಕಂಡಕ್ಟರ್ಗೆ ಅಚ್ಚರಿಯಾಗಿದೆ. ಕಾರಣ ಡ್ರೈವರ್ ಸೀಟಿನ ಬಳಿ ಇರುವ ಸಿಸಿಟಿವಿಯಲ್ಲಿ ವ್ಯಕ್ತಿಯೊಬ್ಬರು ಸೀಟಿನಲ್ಲಿ ಕುಳಿತಿರುವಂತೆ ಕಂಡಿದೆ. ಮತ್ತೊಮ್ಮೆ ಪರಿಶೀಲಿಸಿದಾಗ ಸೀಟಿನಲ್ಲಿ ಯಾರೂ ಇಲ್ಲ ಅನ್ನೋ ಖಾತ್ರಿಯಾಗಿದೆ. ಆದರೆ ಸೀಟಿನಲ್ಲಿ ನೀರಿನ ಬಾಟಲಿ ಇಡಲಾಗಿತ್ತು. ಸಿಸಿಟಿವಿಯಲ್ಲಿ ಬಿಳಿ ಶರ್ಟ್ ಧರಿಸಿದ್ದ ವ್ಯಕ್ತಿಯೊಬ್ಬರು ಕುಳಿತಿರುವ ದೃಶ್ಯ ಕಾಣುತ್ತಿದೆ.
