ತುಮಕೂರು
ಜಿಲ್ಲೆಯಲ್ಲಿ ಗುರುವಾರ 15 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟ ವರದಿಯಾಗಿದೆ. ಇವರಲ್ಲಿ ಗುಬ್ಬಿ ತಾಲ್ಲೂಕಿನ ಯಲಚಿಹಳ್ಳಿಯ 72 ವರ್ಷದ ಪುರುಷರೊಬ್ಬರು ಸೋಂಕಿನಿಂದ ಮೃತಪಟ್ಟಿದ್ದಾರೆ. ಇವರು ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದು, ಇವರ ಗಂಟಲು ದ್ರವವನ್ನು ಪರೀಕ್ಷೆಗೆ ಒಳಪಡಿಸಲಾಗಿದ್ದು, ಪಾಸಿಟೀವ್ ವರದಿ ಬಂದಿದೆ. ಇದರೊಂದಿಗೆ ಜಿಲ್ಲೆಯಲ್ಲಿ ಮೃತರ ಸಂಖ್ಯೆ 18ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಂಟುಂಬ ಕಲ್ಯಾಣಾಧಿಕಾರಿ ಡಾ. ನಾಗೇಂದ್ರಪ್ಪ ತಿಳಿಸಿದ್ದಾರೆ.
ಗುರುವಾರದ 15 ಜನರು ಸೇರಿದಂತೆ ಕೋವಿಡ್ ಸೋಂಕಿತರ ಸಂಖ್ಯೆ 612ಕ್ಕೆ ಏರಿದೆ. ಇದರಲ್ಲಿ ತುಮಕೂರು ತಾಲ್ಲೂಕಿನ 12 ಜನರಲ್ಲಿ ಕೋವಿಡ್ ವೈರಸ್ ಖಚಿತವಾಗಿದೆ. ಗುಬ್ಬಿ, ಶಿರಾ ಹಾಗೂ ತಿಪಟೂರು ತಾಲ್ಲೂಕುಗಳಲ್ಲಿ ತಲಾ ಒಬ್ಬರಿಗೆ ಸೋಂಕು ಕಾಣಿಸಿದೆ.
ಈವರೆಗೆ ಜಿಲ್ಲೆಯಲ್ಲಿ ವರದಿಯಾಗಿರುವ ಒಟ್ಟು 612 ಸೋಂಕು ಪ್ರಕರಣಗಳಲ್ಲಿ ತುಮಕೂರು ತಾಲ್ಲೂಕಿನಲ್ಲಿ ಅತಿಹೆಚ್ಚು ಪ್ರಕರಣಗಳಿವೆ, ಇದೂವರೆಗೆ ತುಮಕೂರು ತಾ. 267, ಪಾವಗಡ ತಾ. 61, ಶಿರಾ 53, ಮಧುಗಿರಿ ತಾ. 53, ಕೊರಟಗೆರೆ ತಾ. 36, ಚಿಕ್ಕನಾಯಕನಹಳ್ಳಿ ತಾ. 36, ಗುಬ್ಬಿ ತಾ. 31. ಕುಣಿಗಲ್ ತಾ. 29, ತಿಪಟೂರು ತಾ. 24, ತುರುವೇಕೆರೆ ತಾ. 22 ಪ್ರಕರಣ ವರದಿಯಾಗಿವೆ.
ಗುರುವಾರ ಜಿಲ್ಲಾಸ್ಪತ್ರೆಯಿಂದ 5 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದು, ಈವರೆಗೆ 222 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಜಿಲ್ಲೆಯಲ್ಲಿ ಒಟ್ಟು 372 ಸಕ್ರಿಯ ಪ್ರಕರಣಗಳಿದ್ದು, ಈವರೆಗೆ 18 ಮಂದಿ ಕೋವಿಡ್-19 ಸೋಂಕಿತರು ಸಾವನ್ನಪ್ಪಿದ್ದಾರೆ ಎಂದು ಡಿಹೆಚ್‍ಓ ಡಾ. ನಾಗೇಂದ್ರಪ್ಪ ತಿಳಿಸಿದ್ದಾರೆ.
ತುಮಕೂರು
ತುಮಕೂರು ನಗರದ ಎಸ್‍ಐಟಿ ಮುಖ್ಯ ರಸ್ತೆಯ 40 ವರ್ಷದ ಮಹಿಳೆ, ಮಹಾಲಕ್ಷ್ಮೀನಗರದ 60 ವರ್ಷದ ಪುರುಷ, ವಿನಾಯಕ ನಗರದ 42 ವರ್ಷದ ಪುರುಷ, ಶಿರಾಗೇಟ್ ಮಹಾಲಕ್ಷ್ಮೀನಗರದ 67 ವರ್ಷದ ಗಂಡಸು, ಮಾರುತಿನಗರದ ಕೆಎಸ್‍ಆರ್‍ಪಿ ಪೊಲೀಸ್ 31 ವರ್ಷದ ಪುರುಷ, ಶ್ರೀನಗರದ 31 ವರ್ಷದ ಪುರುಷ, ವಿನಾಯಕನಗರದ 52 ವರ್ಷದ ಗಂಡಸು, ಪಿ.ಹೆಚ್.ಕಾಲೋನಿಯ 65 ವರ್ಷದ ಗಂಡಸು, ಎಸ್‍ಐಟಿ 6ನೇ ಕ್ರಾಸಿನ 29 ವರ್ಷದ ಮಹಿಳೆ, ತಾಲ್ಲೂಕಿನ ಮಲ್ಲಸಂದ್ರದ 27 ವರ್ಷದ ಮಹಿಳೆ, ಇದೇ ಗ್ರಾಮದ 27 ವರ್ಷದ ಮಹಿಳೆ, ಕಲ್ಕೆರೆಯ 41 ವರ್ಷದ ಹೆಂಗಸಿಗೆ ಕೊರೊನಾ ಸೋಂಕು ಖಚಿತವಾಗಿದೆ.ಇದಲ್ಲದೆ, ತಿಪಟೂರು ತಾಲ್ಲೂಕು ನೊಣವಿನಕೆರೆಯ 28 ವರ್ಷದ ಪುರುಷ, ಶಿರಾ ತಾಲ್ಲೂಕು ಕಳ್ಳಂಬೆಳ್ಳದ 44 ವರ್ಷದ ಗಂಡಸು ಹಾಗೂ ಗುಬ್ಬಿ ತಾಲ್ಲೂಕು ಯಲಚಿಹಳ್ಳಿಯ 72 ವರ್ಷದ ಪುರುಷರಿಗೆ ಪಾಸಿಟೀವ್ ಇರುವ ವರದಿ ಬಂದಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
