ನವದೆಹಲಿ:
ಕೆಲವರಿಗೆ ಎಷ್ಟೇ ಉಚಿತ ಸವಲತ್ತು ಕೊಟ್ಟರೂ ಇನ್ನಷ್ಟು ಮತ್ತಷ್ಟು ಪಡೆದುಕೊಳ್ಳುವ ಆಸೆ. ಅದಕ್ಕಾಗಿ ಎಂತೆಂಥ ವೇಷಗಳನ್ನು ಹಾಕಿಕೊಳ್ಳಲೂ ಅವರು ಹಿಂಜರಿಯುವುದಿಲ್ಲ. ಅಂಥದ್ದೇ ಒಂದು ಘಟನೆ ದೆಹಲಿಯಲ್ಲಿ ನಡೆದಿದೆ.
ಇಲ್ಲಿ ಸರ್ಕಾರ ಮಹಿಳೆಯರಿಗೆ ಉಚಿತ ಬಸ್ ಸೇವೆ ಆರಂಭಿಸಿದೆ.ಬಸ್ನಲ್ಲಿ ಉಚಿತವಾಗಿ ಪ್ರಯಾಣಿಸುವ ಉದ್ದೇಶದಿಂದ ಯುವಕನೊಬ್ಬ ಹಿಜಾಬ್ ಧರಿಸಿ ಲೇಡೀಸ್ ಸೀಟ್ನಲ್ಲಿ ಬಂದು ಕುಳಿತಿದ್ದಾನೆ.
ತಲೆಯನ್ನು ಬಟ್ಟೆಯಿಂದ ಮುಚ್ಚಿಕೊಂಡು, ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ಬಸ್ನಲ್ಲಿ ಪ್ರಯಾಣಿಸುತ್ತಿದ್ದ. ಹುಡುಗಿಯರಂತೆ ವರ್ತಿಸಲು ಸಾಕಷ್ಟು ಪ್ರಯತ್ನಿಸಿದ್ದಾನೆ. ಆದರೆ ಆತನ ನಡವಳಿಕೆ ನೋಡಿ ಕಂಡಕ್ಟರ್ಗೆ ಸಂದೇಹ ಬಂದಿದೆ. ಮಾಸ್ಕ್ ತೆಗೆಯಲು ಹೇಳಿದರೂ ಯುವಕ ಅದನ್ನು ಆರಂಭದಲ್ಲಿ ವಿರೋಧಿಸಿದ್ದಾನೆ. ನಂತರ ಕಂಡಕ್ಟರ್ ಬಲವಂತ ಮಾಡಿದಾಗ ನಿಜ ಬಣ್ಣ ಬಯಲಾಗಿದೆ. ಒಳಗೆ ಗಡ್ಡ-ಮೀಸೆ ಇರುವ ಯುವಕ ಕಾಣಿಸಿದ್ದಾನೆ. ಗಡ್ಡ-ಮೀಸೆ ಇದ್ದರೂ ಯುವಕ ಮಹಿಳೆಯ ದನಿಯಲ್ಲಿಯೇ ಮಾತನಾಡಲು ಯತ್ನಿಸಿದ್ದಾನೆ. ಕೊನೆಗೆ ಹಿಜಾಬ್ ಅನ್ನೂ ತೆಗೆಸಿದ ಕಂಡಕ್ಟರ್ ಇದರ ವಿಡಿಯೋ ಕೂಡ ಮಾಡಿದ್ದಾರೆ.
ಆರಂಭದಲ್ಲಿ ಹಿಜಾಬ್, ಮಾಸ್ಕ್ ತೆಗೆಸುತ್ತಿರುವುದನ್ನು ಕಂಡ ಇತರ ಪ್ರಯಾಣಿಕರು ಕಂಡಕ್ಟರ್ ಮೇಲೆಯೇ ಹರಿಹಾಯ್ದಿದ್ದರು. ಹುಡುಗಿಯ ಬಳಿ ಇದೆಂಥ ದುರ್ವರ್ತನೆ ಎಂದುಕೊಂಡವರು ಕೆಲವರು. ಕೊನೆಗೆ ಅವರೂ ಬೆಚ್ಚಿಬಿದ್ದಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
