ಲಂಡನ್:
ಜಗತ್ತಿಗೆ ಶೈಕ್ಷಣಿಕವಾಗಿ ಕೊಡುಗೆ ನೀಡುವ ಕಾರ್ಯದಲ್ಲಿ ಅತ್ಯುನ್ನತ ಸ್ಥಾನದಲ್ಲಿರುವ ಭಾರತಕ್ಕೆ ಇಂದು ಇನ್ನೊಂದು ಹೆಮ್ಮೆಯ ಗರಿ ಸಿಕ್ಕಿದಂತಾಗಿದೆ ಎಂಜಿನಿಯರಿಂಗ್ ಕ್ಷೇತ್ರದಲ್ಲಿ ಅತ್ಯುತ್ತಮ ಸಾಧನೆಗೈದ 50 ಶ್ರೇಷ್ಠ ಮಹಿಳೆಯರ ಪಟ್ಟಿಯಲ್ಲಿ ಬ್ರಿಟನ್ ಅಣುಶಕ್ತಿ ಪ್ರಾಧಿಕಾರದ ಚಿತ್ರಾ ಶ್ರೀನಿವಾಸನ್ ಸೇರಿದಂತೆ ಭಾರತ ಸಂಜಾತ ಐವರು ಎಂಜಿನಿಯರ್ಗಳು ಸ್ಥಾನ ಪಡೆದಿದ್ದಾರೆ.
2020ರ ಸಾಲಿಗೆ ಈ ಎಂಜಿನಿಯರ್ಗಳನ್ನು ಆಯ್ಕೆ ಮಾಡಲಾಗಿದೆ. ಸಾರಿಗೆ ಎಂಜಿನಿಯರ್ ರೀತು ಗರ್ಗ್, ಭೂಕಂಪದ ಕುರಿತು ಅಧ್ಯಯನ ಕೈಗೊಂಡಿರುವ ಎಂಜಿನಿಯರ್ ಬರ್ನಾಲಿ ಘೋಷ್, ಹವಾಮಾನ ಬದಲಾವಣೆ ಕುರಿತ ತಜ್ಞೆ ಅನುಷಾ ಶಾ ಮತ್ತು ಹಿರಿಯ ಎಂಜಿನಿಯರ್ ಕುಸುಮಾ ತ್ರಿಖಾ ಅವರು ಇತರ ಎಂಜಿನಿಯರ್ಗಳು. ಮಹಿಳಾ ಎಂಜಿನಿಯರಿಂಗ್ ದಿನಾಚರಣೆ ಅಂಗವಾಗಿ ಈ ಪ್ರಶಸ್ತಿಗಳನ್ನು ಘೋಷಿಸಲಾಗಿದೆ ಎಂದು ತಿಳಿದು ಬಂದಿದೆ.