ಚೀನಾ :
ವಿಶ್ವದೆಲ್ಲೆಡೆ ತನ್ನ ರುದ್ರತಾಂಟವ ಆಡುತ್ತಿರುವ ಕೊರೋನಾ ವೈರಸ್ ದಿನದಿಂದ ದಿನಕ್ಕೆ ಹೊಸ ವಿಲಕ್ಷಣ ರೂಪ ತಳೆಯುತ್ತಿದೆ.ಗುಣಮುಖರಾದವರಲ್ಲೂ ಜೀವಂತ ವೈರಾಣುಗಳನ್ನು ವೈದ್ಯರು ಪತ್ತೆ ಮಾಡಿದ್ದಾರೆ ಎಂಬ ವರದಿ ಪ್ರಕಟಗೊಂಡ ಬೆನ್ನಲ್ಲೇ ರೋಗ ಲಕ್ಷಣಗಳೇ ಕಾಣಿಸಿಕೊಂಡಿಲ್ಲಾ , ಆದರು1541 ಕೊರೋನಾ ಸೋಂಕಿನ ಪ್ರಕರಣಗಳು ವರದಿಯಾಗಿವೆ.
ಚೀನಾದ ರಾಷ್ಟ್ರೀಯ ಆರೋಗ್ಯ ಆಯೋಗ ಈ ಬಗ್ಗೆ ಮಾಹಿತಿ ನೀಡಿದ್ದು, ರೋಗಲಕ್ಷಣಗಳು ಹೊರಗೆ ಕಾಣಿಸಿಕೊಳ್ಳದ ಆದರೆ ಜೀವಂತ ವೈರಾಣುಗಳ ಸೋಂಕು ತಗುಲಿರುವವರ ಅಂಕಿ-ಅಂಶಗಳನ್ನು ಬಿಡುಗಡೆ ಮಾಡುವುದಾಗಿ ಹೇಳಿದೆ. ಚೀನಾದ ಈ ಹೊಸ ಮಾಹಿತಿಯನ್ನು ಕೊರೋನಾ ವೈರಸ್ ಹರಡುವಿಕೆಯಯನ್ನು ’ಸೆಕೆಂಡ್ ವೇವ್’ (second wave) ಎಂದೇ ವಿಶ್ಲೇಷಿಸಲಾಗುತ್ತಿದೆ.
ರೋಗಲಕ್ಷಣಗಳಿಲ್ಲದ, ವೈರಾಣುಗಳಿರುವ 1,541 ಜನರನ್ನು ಚೀನಾದ ಆಸ್ಪತ್ರೆಗಳಲ್ಲಿ ನಿಗಾದಲ್ಲಿರಿಸಲಾಗಿದೆ. ಈ ನಡುವೆ ಹೊರಗಿನಿಂದ ಬಂದಿರುವ 205 ಕೊರೋನಾ ವೈರಸ್ ಪ್ರಕರಣಗಳು ಪತ್ತೆಯಾಗಿವೆ. ಒಂದು ದೇಶದಲ್ಲೇ ವರದಿಯಾಗಿದೆ ಎಂದು ಎನ್ ಹೆಚ್ ಸಿ ಹೇಳಿದೆ. ಚೀನಾದಲ್ಲಿ ಕಠಿಣ ಕ್ರಮಗಳನ್ನು ಕೈಗೊಂಡ ನಂತರವೂ ಹೊರಗಿನಿಂದ ಬಂದವರಿಂದ ಸೋಂಕು ಹರಡಿರುವ ಪ್ರಕರಣಗಳು 806 ಕ್ಕೆ ಏರಿಕೆಯಾಗಿದ್ದು, 7 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ಸಾವಿನ ಸಂಖ್ಯೆ 3,312 ಕ್ಕೆ ಏರಿಕೆಯಾಗಿದ್ದರೆ, ದೃಢಪಟ್ಟಿರುವ ಪ್ರಕರಣಗಳ ಸಂಖ್ಯೆ 81,554 ಕ್ಕೆ ಏರಿಕೆಯಾಗಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
