ನವದೆಹಲಿ
ಭಾರತದಲ್ಲಿ ಟಿಕ್ ಟಾಕ್ ನಿಷಧದ ಬೆನ್ನಲ್ಲೇ ಬ್ಯಾನ್ ಮಾಡುವ ನಿರ್ಧಾರಕ್ಕೆ ಬಂದಿದ್ದ ಅಮೇರಿಕ ಸರ್ಕಾರದ ವಿರುದ್ಧ ಕಾನೂನು ಹೋರಾಟ ನಡೆಸುವುದಾಗಿ ಟಿಕ್ ಟಾಕ್ ಕಂಪನಿ ಹೇಳಿದೆ. ಮೆಸೇಜಿಂಗ್ ಅಪ್ಲಿಕೇಶನ್ ವೀಚಾಟ್(WeChat) ಮತ್ತು ವೀಡಿಯೊ ಹಂಚಿಕೆ ಅಪ್ಲಿಕೇಶನ್ ಟಿಕ್ಟಾಕ್ (TikTok) ವಿರುದ್ಧ ಅಮೆರಿಕಾ ಕೈಗೊಂಡ ಕ್ರಮದ ಕುರಿತು ಚೀನಾ ಕಿಡಿಕಾರಿದೆ , ಅಮೆರಿಕ ದೇಶ ತನ್ನ ಕಂಪನಿಗಳ ಆ್ಯಪ್ ಗಳ ವಿರುದ್ದ ದಮನಕಾರಿ ಕ್ರಮ ಕೈಗೊಳ್ಳುತ್ತಿದೆ ಎಂದು ಚೀನಾ ಆರೋಪಿಸುತ್ತಿದೆ.
ನಿಷೇಧದ ಬಗ್ಗೆ ಯುಎಸ್ ಅಧ್ಯಕ್ಷರ ಕಾರ್ಯನಿರ್ವಾಹಕ ಆದೇಶದಿಂದ ಇದು ಆಘಾತಕ್ಕೊಳಗಾಗಿದೆ ಎಂದು ಕಂಪನಿ ಹೇಳಿದೆ. ಅಲ್ಲದೆ ಕಾನೂನಿನ ನಿಯಮವನ್ನು ತ್ಯಜಿಸಲಾಗುವುದಿಲ್ಲ ಎಂದು ಟಿಕ್ ಟಾಕ್ ಹೇಳಿದೆ. ವೀಚಾಟ್ ಜೊತೆಗೆ, ಟೆನ್ಸೆಂಟ್ ಸಹ ಪ್ರಮುಖ ಗೇಮಿಂಗ್ ಕಂಪನಿಯಾಗಿದೆ ಮತ್ತು ಅದರ ಹೂಡಿಕೆಗಳಲ್ಲಿ ಎಪಿಕ್ ಗೇಮ್ಸ್ನಲ್ಲಿ ಶೇ. 40ರಷ್ಟು ಪಾಲನ್ನು ಒಳಗೊಂಡಿದೆ. ಇದು ಅತ್ಯಂತ ಜನಪ್ರಿಯ ಫೋರ್ಟ್ನೈಟ್ ವಿಡಿಯೋ ಗೇಮ್ನ ಹಿಂದಿನ ಕಂಪನಿಯಾಗಿದೆ.
ಚೀನಾ ಸರ್ಕಾರದ ಪ್ರಕಾರ, ಟ್ರಂಪ್ ಆಡಳಿತವು ತನ್ನ ಅನಿಯಂತ್ರಿತ ಮನೋಭಾವದಿಂದ ಕಾನೂನುಬದ್ಧ ಚಟುವಟಿಕೆಗಳನ್ನು ನಿಗ್ರಹಿಸಲು ರಾಜಕೀಯ ತಂತ್ರಗಳನ್ನು ಬಳಸುತ್ತಿದೆ. ಅಮೆರಿಕಾದ ಅಧ್ಯಕ್ಷರಿಂದ ಬಂದಿರುವ ಪ್ರಸ್ತುತ ಆದೇಶದ ಬಳಿಕ ಚೀನಾ ತನ್ನ ಪ್ರತಿಕ್ರಿಯೆಯಲ್ಲಿ, ಸ್ವರಕ್ಷಣೆಗಾಗಿ ಕಾನೂನು ಮಾರ್ಗಗಳನ್ನು ಆಶ್ರಯಿಸುವ ಬಗ್ಗೆ ಹೇಳಿಕೊಳ್ಳಲಾಗಿದೆ.ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟಿಕ್ ಟಾಕ್ ಕಂಪನಿಯನ್ನು ಸೆಪ್ಟೆಂಬರ್ 15ರೊಳಗೆ ಅಮೆರಿಕಾದ ಕಂಪನಿಗೆ ಮಾರಾಟ ಮಾಡಬೇಕು ಇಲ್ಲವೆ ಬ್ಯಾನ್ ಮಾಡುವುದಾಗಿ ಹೇಳಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
![](https://prajapragathi.com/wp-content/uploads/2020/07/Tiktok.gif)