ನವದೆಹಲಿ :
ದೊಡ್ಡ ಪ್ರಮಾಣದಲ್ಲಿ ಹಿಮಪಾತ ಸಂಭವಿಸಿ ನಾಲ್ವರು ಯೋಧರು, ಇಬ್ಬರು ಪೋರ್ಟರ್ ಸೇರಿ 6 ಮಂದಿ ಸಾವನ್ನಪ್ಪಿರುವ ದುರ್ಘಟನೆ ಲಡಾಖ್ ನ ಸಿಯಾಚಿನ್ ನೀರ್ಗಲ್ಲು ಪ್ರದೇಶದಲ್ಲಿ ನಡೆದಿದೆ.
ಸೋಮವಾರ ಮಧ್ಯಾಹ್ನ 3:30 ರ ವೇಳೆಗೆ ಹಿಮಪಾತ ಸಂಭವಿಸಿದ್ದು, ಯೋಧರೂ ಸೇರಿ 8 ಮಂದಿ ಸಿಲುಕಿದ್ರು. ಈ ಪೈಕಿ ನಾಲ್ವರು ಯೋಧರು ಹಾಗೂ ಇಬ್ಬರು ಹಮಾಲಿಗಳು ಸೇರಿ 6 ಮಂದಿ ಮೃತಪಟ್ಟಿದ್ದಾರೆ. ಇನ್ನಿಬ್ಬರನ್ನ ರಕ್ಷಿಸಲಾಗಿದ್ದು, ಸಮೀಪದ ಸೇನಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
6 ಯೋಧರು ಹಾಗೂ ಇಬ್ಬರು ಹಮಾಲಿಗಳು ಒಂದು ಪೋಸ್ಟ್ನಿಂದ ಇನ್ನೊಂದು ಪೋಸ್ಟ್ಗೆ ಹೋಗುತ್ತಿದ್ದಾಗ ಸುಮಾರು 19 ಸಾವಿರ ಅಡಿಯ ಎತ್ತರದಲ್ಲಿ ಹಿಮಪಾತದಲ್ಲಿ ಸಿಲುಕಿದ್ರು. ಕೂಡಲೇ ಹತ್ತಿರದ ಪೋಸ್ಟ್ ಬಳಿ ಇದ್ದ ರಕ್ಷಣಾ ತಂಡ ಧಾವಿಸಿತ್ತಾದ್ರೂ, ಪ್ರಯೋಜನವಾಗಿಲ್ಲ.
ಸೇನೆಯ ಮೂಲಗಳ ಪ್ರಕಾರ 8 ಸೇನಾ ಸಿಬ್ಬಂದಿ ಗಸ್ತು ತಿರುಗುವ ವೇಳೆ ಈ ದುರ್ಘಟನೆ ಸಂಭವಿಸಿದೆ ಎಂದು ಹೇಳಲಾಗಿದೆ. ರಕ್ಷಣಾ ಕಾರ್ಯ ನಡೆಯುತ್ತಿದೆ ಎಂಬ ಮಾಹಿತಿ ಲಭ್ಯವಾಗಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
![](https://prajapragathi.com/wp-content/uploads/2019/11/IceSoldier.gif)