ಹೈದರಾಬಾದ್ :
ಗೋ-ಕಾರ್ಟ್ ಚಲಾಯಿಸುತ್ತಿದ್ದ ವೇಳೆ ಯುವತಿಯ ಕೂದಲು ಚಕ್ರಕ್ಕೆ ಸಿಲುಕಿ, 23 ವರ್ಷದ
ಎಂಜಿನಿಯರಿಂಗ್ ವಿದ್ಯಾರ್ಥಿನಿಯೊಬ್ಬಳು ಸಾವನ್ನಪ್ಪಿರುವ ಘಟನೆ ಹೈದರಾಬಾದ್ನ ಹೊರವಲಯದಲ್ಲಿ ನಡೆದಿದೆ.
ಮೃತ ವಿದ್ಯಾರ್ಥಿನಿ ಶ್ರೀವರ್ಣಿನಿ ರಂಗ ರೆಡ್ಡಿ ಜಿಲ್ಲೆಯ ಗುರ್ರಾಮ್ ಗುಡಾದಲ್ಲಿರುವ ಮನೋರಂಜನಾ ಉದ್ಯಾನವನದಲ್ಲಿ ತನ್ನ ಸ್ನೇಹಿತರೊಂದಿಗೆ ಗೋ-ಕಾರ್ಟಿಂಗ್ಗಾಗಿ ಹೋಗಿದ್ದರು ಈ ವೇಳೆ ಈ ದುರಂತ ಸಂಭವಿಸಿದೆ.
ಚಾಲನೆ ಮಾಡುವಾಗ ಅವಳ ಕೂದಲು ಸಿಲುಕಿಕೊಂಡಿತ್ತು. ಇದರಿಂದ ಕೆಳಗೆ ಬಿದ್ದ ಆಕೆಯ ಹೆಲ್ಮೆಟ್ ಹಾರಿಹೋಗಿ, ತಲೆಗೆ ಗಂಭೀರ ಗಾಯಗಳಾಗಿತ್ತು.
ತಕ್ಷಣ ಆಕೆಯನ್ನು ಸ್ಥಳೀಯ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ ತಲೆಗೆ ಗಂಭೀರ ಗಾಯಗಳಾಗಿದ್ದರಿಂದ ಆಕೆ ಗುರುವಾರ ಮೃತಪಟ್ಟಿದ್ದಾಳೆ. ತಮ್ಮ ಕಣ್ಣೆದುರೇ ಮಗಳು ಸಾವನ್ನಪ್ಪಿದ್ದನ್ನು ಕಂಡು ಆಕೆ ಅಪ್ಪ-ಅಮ್ಮ ಆಘಾತಕ್ಕೀಡಾಗಿದ್ದರು.
ಆಕೆಯ ಪೋಷಕರು ಈ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಗೋ-ಕಾರ್ಟಿಂಗ್ ಆಯೋಜಕರ ನಿರ್ಲಕ್ಷ್ಯದಿಂದ ತಮ್ಮ ಮಗಳು ಸಾವನ್ನಪ್ಪಿದ್ದಾಳೆ. ಅಲ್ಲಿ ಯಾವುದೇ ಸುರಕ್ಷತಾ ಕ್ರಮಗಳನ್ನು ತೆಗೆದುಕೊಂಡಿರಲಿಲ್ಲ ಎಂದು ಆರೋಪಿಸಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
![](https://prajapragathi.com/wp-content/uploads/2020/10/Go-kart-women-died.jpg)