ಲಕ್ನೋ:
ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಕ್ಕೆ ಪತಿಯೊಬ್ಬ ತನ್ನ ಪತ್ನಿಗೆ ತ್ರಿವಳಿ ತಲಾಖ್ ನೀಡಿದ ಘಟನೆ ಶುಕ್ರವಾರ ಉತ್ತರ ಪ್ರದೇಶದ ಅಯೋಧ್ಯೆಯಲ್ಲಿ ನಡೆದಿದೆ.
ಹೈದರ್ ಗಂಜ್ ತೆಹ್ಸಿಲ್ನ ಜನ ಬಝಾರ್ ನಿವಾಸಿಯಾಗಿರೋ 23 ವರ್ಷದ ಝಾಫ್ರಿನ್ ಅಂಜುಮ್ಗೆ, ಕಳೆದ ಅಗಸ್ಟ್ 18ರಂದು ಪತಿ ಅಸ್ತಿಖರ್ ಅಹ್ಮದ್ ತಲಾಖ್ ನೀಡಿದ್ದಾನೆ. ಝಾಫ್ರಿನ್ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಳು. ಮಗು ಹೆಣ್ಣು ಎಂಬ ಕಾರಣಕ್ಕೆ ರೋಷಗೊಂಡ ಪತಿ ತಲಾಖ್ ನೀಡಿದ್ದಾನೆ.
ಇದಕ್ಕೂ ಮುಂಚೆ ಝಾಫ್ರಿನ್ ಪತಿಯಿಂದ ದೌರ್ಜನ್ಯಕ್ಕೊಳಗಾಗಿದ್ದಳಂತೆ. ಅಲ್ಲದೆ ಝಾಫ್ರಿನ್ ಪತಿಯ ವರದಕ್ಷಿಣೆ ಬೇಡಿಕೆಯನ್ನು ಝಾಫ್ರಿನ್ ತಂದೆ ಪೂರೈಸಿಲ್ಲವೆಂದು ತಲಾಖ್ ನೀಡಲಾಗಿದೆ ಎನ್ನಲಾಗಿದೆ. ಸದ್ಯ ಜಾಫ್ರಿನ್ ತಲಾಖ್ ನೀಡಿದ ಪತಿಯ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
