ಮಧ್ಯಪ್ರದೇಶ :
ಸೆಲ್ಫಿ ತೆಗೆಯಲು ಹೋಗಿ 33 ವರ್ಷದ ಮಹಿಳೆಯೋರ್ವರು ಜಲಪಾತದಲ್ಲಿ ಬಿದ್ದು ಸಾವನ್ನಪ್ಪಿರುವ ಘಟನೆ ಮಧ್ಯಪ್ರದೇಶದ ಭೋಪಾಲ್ನಲ್ಲಿ ನಡೆದಿದೆ.
ಮೃತ ಮಹಿಳೆಯನ್ನು ವಿದಿಷಾ ಪಟ್ಟಣದ ಕರರಿಯಾ ಪ್ರದೇಶದ ನಿವಾಸಿ ‘ಹಿಮಾನಿ ಮಿಶ್ರಾ’ ಎಂದು ಗುರುತಿಸಲಾಗಿದೆ. ಇವರು ಸೆಲ್ಫಿ ಕ್ಲಿಕ್ ಮಾಡುವ ವೇಳೆ ಹಲಾಲಿ ಜಲಪಾತಕ್ಕೆ ಜಾರಿ ಬಿದ್ದು, ನೀರಿನಲ್ಲಿ ಕೊಚ್ಚಿ ಹೋಗಿದ್ದಾರೆ.
ವಿಷಯ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ರಕ್ಷಣಾ ತಂಡ ತೆರಳಿದ್ದು, ಸುಮಾರು 16 ಗಂಟೆಯ ಬಳಿಕ ಆಕೆಯ ಶವವನ್ನು ಹೊರ ತೆಗೆಯಲಾಗಿದೆ. ಸ್ಥಳೀಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ಕೈಗೆತ್ತಿಕೊಂಡಿದ್ದಾರೆ.
ಭೋಪಾಲ್ನಿಂದ ಕುಟುಂಬವೊಂದು ‘ಹಲಾಲಿ ಡ್ಯಾಂ’ ವೀಕ್ಷಿಸುವ ಸಲುವಾಗಿ ಬಂದಿತ್ತು. ಮಹಿಳೆ ಸೆಲ್ಫಿ ತೆಗೆದುಕೊಳ್ಳುವ ವೇಳೆ ಕಾಲು ಜಾರಿ ನೀರು ಪಾಲಾದರು. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿಕೊಡಲಾಗಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಹೋಮ್ ಗಾರ್ಡ್ ಕಮಾಂಡೆಂಟ್ ಎಸ್.ಡಿ. ಪಿಳ್ಳೈ ಮಾಹಿತಿ ನೀಡಿದರು.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
