ನೀಟ್ ಕೀ ಉತ್ತರ ಪ್ರಕಟ!!

ದೆಹಲಿ:

      ವೈದ್ಯಕೀಯ ಮತ್ತು ದಂತವೈದ್ಯಕೀಯ ಕೋರ್ಸ್‌ಗಳಿಗೆ ಸಾಮಾನ್ಯ ಪ್ರವೇಶ ಪರೀಕ್ಷೆ ನೀಟ್‌ ಯುಜಿ 2019 ಕೀ ಉತ್ತರ ನ್ಯಾಷನಲ್‌ ಟೆಸ್ಟ್‌ ಏಜೆನ್ಸಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟವಾಗಿದೆ. ಪರೀಕ್ಷೆ ಬರೆದ ಅಭ್ಯರ್ಥಿಗಳು ಕೀ ಉತ್ತರ ಮತ್ತು ತಾವು ಬರೆದ ಉತ್ತರದೊಂದಿಗೆ ತಾಳೆ ಮಾಡಿ ಪರಿಶೀಲನೆ ಮಾಡಬಹುದಾಗಿದೆ. 

      ನೀಟ್‌ ಪರೀಕ್ಷೆ 2019ರ ಉತ್ತರಕ್ಕೆ ಸಂಬಂಧಿಸಿ ಯಾವುದೇ ಆಕ್ಷೇಪಣೆಗಳು ಇದ್ದಲ್ಲಿ ಎನ್‌ಟಿಎ ನೀಟ್‌ (ntaneet.nic.in) ಅಧಿಕೃತ ವೆಬ್‌ಸೈಟ್‌ ಮೂಲಕ ಆಕ್ಷೇಪಣೆಗಳನ್ನು ಸಲ್ಲಿಸಬಹುದಾಗಿದೆ. ಇದಕ್ಕೆ ಕೊನೆಯ ದಿನಾಂಕ 31 ಮೇ, 2019 ಆಗಿದೆ. ನೀಟ್‌ ಅಭ್ಯರ್ಥಿಗಳು ವೆಬ್‌ಸೈಟ್‌ನಲ್ಲಿ ಲಾಗ್‌ಇನ್‌ ಆಗುವ ಮೂಲಕ ಪರಿಶೀಲನೆ ಮಾಡಬಹುದು. 

      ಪರಿಷ್ಕರಣೆ/ಆಕ್ಷೇಪಣೆ ಸಲ್ಲಿಕೆಗೆ ಮೇ 31, 2019 ಶುಕ್ರವಾರ ಮಧ್ಯಾಹ್ನ 11.50ರ ವರೆಗೆ ಸಮಯಾವಕಾಶವಿದೆ. ನೀಟ್‌ ಯುಜಿ 2019 ಪರೀಕ್ಷೆ ರಾಷ್ಟ್ರಾದ್ಯಂತ ಮೇ 5 ಮತ್ತು ಮೇ 20, 2019ರಂದು ನಡೆದಿತ್ತು. 15,19,375 ಅಭ್ಯರ್ಥಿಗಳು ನೀಟ್‌ ಪರೀಕ್ಷೆಗೆ ದಾಖಲಾತಿ ಮಾಡಿಕೊಂಡಿದ್ದರು. 

 ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ