ಇಸ್ಲಾಮಾಬಾದ್:
ಪಾಕಿಸ್ತಾನ ಸಂಸತ್ ನಲ್ಲಿ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ವಿರುದ್ಧವೇ ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದ ಘಟನೆ ವರದಿಯಾಗಿದೆ.
ಭಾರತೀಯ ವಾಯುಸೇನೆ ಮಂಗಳವಾರ ಪಾಕ್ ಗಡಿಯೊಳಗೆ ನುಗ್ಗಿ ಉಗ್ರರ ಅಡಗುತಾಣಗಳನ್ನು ನಾಶ ಮಾಡಿ, ಉಗ್ರರ ಕಮಾಂಡರ್ ಗಳನ್ನು ಹತ್ಯೆಗೈದ ಘಟನೆ ನಂತರ ಇಂದು ತುರ್ತು ಕಲಾಪ ಆರಂಭವಾಗುತ್ತಿದ್ದಂತೆಯೇ ಪಾಕ್ ಪ್ರಧಾನಿ ವಿರುದ್ಧ ಶೇಮ್, ಶೇಮ್ ಎಂದು ಪಾಕ್ ಸಂಸದರು ಘೋಷಣೆ ಕೂಗಿದ್ದಾರೆ.
ಪಾಕಿಸ್ತಾನದ ಮೇಲೆ ಭಾರತ ವಾಯುಸೇನೆ ದಾಳಿ ನಡೆಸಿರುವುದಕ್ಕೆ ಪ್ರತೀಯಾಗಿ ಪಾಕಿಸ್ತಾನ ತಕ್ಕ ಪ್ರತ್ಯುತ್ತರ ನೀಡಬೇಕು. ಈ ದಾಳಿ ನಮೆಗೆಲ್ಲಾ ಭಾರೀ ಅವಮಾನ ತಂದಿದೆ ಎಂದು ಪಾಕ್ ಸಂಸದರು ಆಗ್ರಹಿಸಿದ್ದಾರೆ. ಕಳೆದ 35 ವರ್ಷಗಳಲ್ಲಿಯೇ ಪಾಕ್ ಮೇಲೆ ಈ ರೀತಿಯ ದಾಳಿ ನಡೆದಿರಲಿಲ್ಲ ಎಂದು ಪಾಕ್ ಪ್ರಧಾನಿ ಖಾನ್ ಅವರನ್ನು ತರಾಟೆಗೆ ತೆಗೆದುಕೊಂಡಿದೆ ಎಂದು ವರದಿ ತಿಳಿಸಿದೆ.
ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ನೇತೃತ್ವದಲ್ಲಿ ನಡೆದ ತುರ್ತು ಸಭೆ ಅಂತ್ಯಗೊಂಡಿದೆ ಎಂದು ವರದಿ ಹೇಳಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ
