ಮುಂಬೈ:
ಮುಂಬೈನ ವರ್ಲಿಯಲ್ಲಿ ಈ ಬಾರಿಪುಲ್ವಾಮಾ ದಾಳಿಯ ಮಾಸ್ಟರ್ ಮೈಂಡ್, ಜೈಷೆ ಮೊಹಮ್ಮದ್ ಸಂಘಟನೆಯ ಮುಖ್ಯಸ್ಥ ಮಸೂದ್ ಅಜರ್ನ ಪ್ರತಿಕೃತಿಯನ್ನು ದಹನ ಮಾಡಿ ಹೋಳಿ ಹಬ್ಬ ಆಚರಣೆ ಮಾಡಲು ಮುಂದಾಗಿದ್ದಾರೆ.
Mumbai: 'Holika Dahan' effigy of Jaish-e-Mohammed's Masood Azhar and an effigy depicting PUBG, in Worli, ahead of #Holi . pic.twitter.com/UINHOchp9C
— ANI (@ANI) March 20, 2019
ಮುಂಬೈನ ಸಿನಿಯಾ ಕೊಲಿವಾಡಾ ಪ್ರದೇಶದ ಇಬ್ಬರು ಸಹೋದರರು, ಮಸೂದ್ ಅಜರ್ ಹಾಗೂ ಯುವ ಸಮೂಹಕ್ಕೆ ಮೊಬೈಲ್ ಗೇಮ್ ಹುಚ್ಚು ಹಿಡಿಸಿರುವ ಪಬ್‍ಜಿ ಗೇಮ್ ಪ್ರತಿಮೆಯನ್ನು ನಿರ್ಮಿಸಿ, ಸಾರ್ವಜನಿಕರು ಹಾಗೂ ವಿದ್ಯಾರ್ಥಿಗಳಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ. ಮಸೂದ್ ಅಜರ್ ಪ್ರತಿಮೆಯ ಕೆಳಗೆ ಭಯೋತ್ಪಾದನೆ ಎಂದು ಬರೆಯಲಾಗಿದ್ದು, ಈ ಮೂಲಕ ಭಯೋತ್ಪಾದನೆ ಮಾಡುವ ಉಗ್ರರನ್ನು ಹತ್ಯೆ ಮಾಡಬೇಕು ಎನ್ನುವ ಸಂದೇಶವನ್ನು ಯುವಕರು ನೀಡಿದ್ದಾರೆ.
ಪ್ರತಿಕೃತಿಯನ್ನು ಈಗಾಗಲೇ ನಿರ್ಮಿಸಿದ್ದು, ಇಂದು ಸಂಜೆ ನಡೆಯುವ ಹೋಳಿ ಆಚರಣೆ ನಂತರ ಅದನ್ನು ಸುಟ್ಟುಹಾಕಲಿದ್ದಾರೆ. ಈ ಮೂಲಕ ಹಿರಣ್ಯ ಕಶಿಪು ಸಹೋದರಿ ಹೋಲಿಕಾಳನ್ನು ಸುಟ್ಟು ಆಚರಿಸುವ ಹೋಳಿ ಹಬ್ಬ ಈ ಬಾರಿ ಮುಂಬೈನಲ್ಲಿ ಇನ್ನಷ್ಟು ಕಳೆಗಟ್ಟಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ
