ಭುವನೇಶ್ವರ್:
ಒಡಿಶಾದ ಪುರಿ ಪೊಲೀಸ್ ವಸತಿ ಗೃಹದ ಸಮೀಪದಲ್ಲೇ ಬಾಲಕಿಯೊಬ್ಬಳ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆದಿದೆ. ಇಲ್ಲಿನ ನಿಮಾಪಾರ ಬಸ್ ಟರ್ಮಿನಲ್ನಿಂದ ಬಾಲಕಿಯನ್ನು ಅಪಹರಿಸಿದ ದುರುಳರ ಗುಂಪು, ಪೊಲೀಸ್ ವಸತಿ ಗೃಹಗಳ ಪಕ್ಕದಲ್ಲೇ ಇರುವ ಝಡೇಶ್ವರಿ ಕ್ಲಬ್ನಲ್ಲಿ ಸಾಮೂಹಿಕ ಅತ್ಯಾಚಾರ ನಡೆಸಿದ್ದಾರೆ ಎಂದು ತಿಳಿದು ಬಂದಿದೆ.
ಅತ್ಯಾಚಾರಕ್ಕೆ ಒಳಗಾದ ಬಾಲಕಿ ಹೇಳಿಕೆ ನೀಡಿದ್ದು, ತಾನು ಕಾಕಟಪುರ ತೆರಳಲು ಬಸ್ಗಾಗಿ ಕಾಯುತ್ತಿದೆ. ಬಸ್ ಮಿಸ್ ಆಗಿದ್ದರಿಂದ ಬಸ್ ಟರ್ಮಿನಲ್ನಲ್ಲಿ ಕಾಯುತ್ತಿದ್ದೆ, ಆಗ ವ್ಯಕ್ತಿಯೊಬ್ಬ ತಾನು ಪೊಲೀಸ್ ಎಂದು ಹೇಳಿಕೂಂಡು ಸಹಾಯ ಮಾಡುವುದಾಗಿ ಹೇಳಿದ.
ಬಳಿಕ ನಾಲ್ವರು ವ್ಯಕ್ತಿಗಳು ಕ್ಲಬ್ಗೆ ಕರೆದುಕೊಂಡು ಹೋಗಿ ಅತ್ಯಾಚಾರ ಎಸೆಗಿದ್ದಾರೆ ಎಂದಿದ್ದಾಳೆ. ಬಾಲಕಿ ಹೇಳಿಕೆ ದಾಖಲಿಸಿಕೊಂಡಿದ್ದು, ತನಿಕೆ ನಡೆಸಲಾಗುತ್ತಿದೆ ಎಂದು ಎಸ್ಪಿ ಉಮಾಶಂಕರ್ ದಾಸ್ ಮಾಹಿತಿ ನೀಡಿದ್ದಾರೆ. ಈ ಸಂಬಂಧ ಕುಂಭ್ರಪಡ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಪೊಲೀಸರು ಜಿತೇಂದ್ರ ಸೇಠಿ ಎಂಬುವವನ್ನು ವಶಕ್ಕೆ ಪಡೆದಿದ್ದಾರೆ. ಈ ನಡುವೆ ಅತ್ಯಾಚಾರ ನಡೆದ ಜಾಗದಲ್ಲಿ ವ್ಯಾಲೆಟ್ ದೊರೆತಿದ್ದರಿಂದ ಒಬ್ಬ ಪೊಲೀಸ್ನನ್ನು ಅಮಾನತು ಮಾಡಲಾಗಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ