ತುಮಕೂರು:
ನಗರದಲ್ಲಿ ಗೂಳಿಯೊಂದಕ್ಕೆ ದುಷ್ಕರ್ಮಿಗಳು ಆ್ಯಸಿಡ್ ಎರಚಿದ ಪರಿಣಾಮ ಸದರಿ ಗೂಳಿ ತೀವ್ರವಾಗಿ ಗಾಯಗೊಂಡು ನರಳುತ್ತಾ ಬಿದ್ದಿದೆ. ಇದನ್ನು ಕಂಡ ಅರಳೇಪೇಟೆ ನಾಗರಾಜು, ಬಿ.ಜಿ.ಪಾಳ್ಯದ ಅಣ್ಣಿ ಎಂಬುವವರು ಗೂಳಿಯ ನರಳಾಟ ನೋಡಲಾಗದೆ ಅದನ್ನು ಪಶು ಆಸ್ಪತ್ರೆಗೆ ಸಾಗಿಸಿ ಅಲ್ಲಿ ಚಿಕಿತ್ಸೆ ಕೊಡಿಸಿದರು.
ಸುಮಾರು ದಿನಗಳಿಂದ ನಗರದ ವಿವಿಧೆಡೆ ಗೂಳಿ ಸಂಚರಿಸುತ್ತಿದ್ದು, ಯಾರೋ ಕೆಲವರು ಗೂಳಿಯ ಬೆನ್ನಿನ ಹಿಂಭಾಗಕ್ಕೆ ಆ್ಯಸಿಡ್ ಎರಚಿದ್ದಾರೆ. ಇದರಿಂದ ತೀವ್ರ ನರಳಾಟ ಅನುಭವಿಸುತ್ತಿದ್ದನ್ನು ಕಂಡ ನಾಗರಿಕರು ಸದರಿ ಗೂಳಿಯನ್ನು ಶ್ರಮಪಟ್ಟು ಹಿಡಿದು ಪಶು ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಿ ಮಾನವೀಯತೆ ಮೆರೆದರು. ಗೂಳಿ ಈಗ ಚೇತರಿಸಿಕೊಳ್ಳುತ್ತಿದ್ದು, ಇದನ್ನು ಕಂಡ ಸಾರ್ವಜನಿಕರು ಆ್ಯಸಿಡ್ ಎರಚಿದ ದುಷ್ಕರ್ಮಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
