ಹೊಳಲ್ಕೆರೆ;
ಏಕಾಗ್ರತೆಯನ್ನು ಯಾರು ಒಲಿಸಿಕೊಳ್ಳುತ್ತಾರೆ ಅಂಥವರು ಮಹಾನ್ ವ್ಯಕ್ತಿಗಳಾಗುತ್ತಾರೆ. ಏಕಾಗ್ರತೆ ಅಂದರೆ ಓದು, ಬರವಣಿಗೆ, ಕರ್ತವ್ಯ ಇವುಗಳನ್ನು ಅತ್ಯಂತ ಯಶಸ್ವಿಯಾಗಿ ಮಾಡಲು ಬೇಕಾಗಿರುವ ಸ್ಥಿತಿ ಎಂದು ಡಾ. ಶಿವಮೂರ್ತಿ ಮುರುಘಾ ಶರಣರು ಹೇಳಿದರು.
ಬಸವಕೇಂದ್ರ ಶ್ರೀಮುರುಘಾಮಠದ ಚಿತ್ರದುರ್ಗ ಇವರ ವತಿಯಿಂದ ಶ್ರಾವಣಮಾಸದ ಅಂಗವಾಗಿ ಹೊಳಲ್ಕೆರೆ ತಾಲ್ಲೂಕು ಚಿಕ್ಕಜಾಜೂರು ಗ್ರಾಮದಲ್ಲಿ ನಡೆದ ಕಲ್ಯಾಣ ದರ್ಶನ ಕಾರ್ಯಕ್ರಮದಲ್ಲಿ ಶ್ರೀಗಳು ಮಾತನಾಡಿದರು 2600 ವರ್ಷಗಳ ಹಿಂದೆ ಇದ್ದ ಬುದ್ಧನ ಹೆಸರು ಇಂದಿಗೂ ಉಳಿದಿದೆ. ನಿರಂತರವಾದ ಪರಿಶುದ್ಧ ಏಕಾಗ್ರತೆ ಬೇಕಾಗಿದೆ. ದೇಶವನ್ನು ಬಲಿಷ್ಠಗೊಳಿಸಬೇಕು. ರಾಜ್ಯವನ್ನು ಸಮೃದ್ಧಗೊಳಿಸಬೇಕು. ಅದಕ್ಕಾಗಿ ಎಲ್ಲರೂ ಯಶಸ್ವಿ ವ್ಯಕ್ತಿಗಳಾಗಬೇಕು.
ಅದಕ್ಕಾಗಿ ನಾವು ಈಗಿನಿಂದಲೇ ಪ್ರಯತ್ನಿಸಬೇಕು. ಸ್ಪರ್ಧಾತ್ಮಕ ಯುಗದಲ್ಲಿ ನಾವು ನಿತ್ಯ ನಿರಂತರ ಪ್ರಯತ್ನ ನಡೆಯಬೇಕಿದೆ. ನಮಗೆ ಇರುವ ಮೆದುಳು ಸಾಮಾನ್ಯವಾದುದಲ್ಲ. ಕೆಲವರು ತಮ್ಮನ್ನು ತಾವೇ ನಾವು ದುರ್ಬಲರು ಎಂದು ಹಿಂದಕ್ಕೆ ಎಳೆದುಕೊಳ್ಳುತ್ತಾರೆ. ಗಮನ ಮತ್ತು ಏಕಾಗ್ರತೆ ನಿಮ್ಮನ್ನು ದುರ್ಬಲರಾಗಲು ಬಿಡುವುದಿಲ್ಲ ಎಂದರು.
ಉಪನ್ಯಾಸಕರಾಗಿ ಆಗಮಿಸಿದ್ದ ಸಿದ್ದವ್ವನಹಳ್ಳಿ ವಿರೇಶ್‍ಕುಮಾರ್ ಮಾತನಾಡುತ್ತ, ಇಂದು ಮಾನವ ಉತ್ತಮನಾಗಲು ಶಿಕ್ಷಣ ವ್ಯವಸ್ಥೆಯನ್ನು ರೂಢಿಸಿಕೊಂಡಿದ್ದಾನೆ. ಇದು ಮಾನವನನ್ನು ಹೊರತುಪಡಿಸಿ ಇನ್ನಿತರೆ ಯಾವ ಜೀವಿಗಳಲ್ಲೂ ಇಲ್ಲ. ಆದರೂ ಮಾನವ ದುಷ್ಕøತ್ಯಗಳಲ್ಲಿ ತೊಡಗಿದ್ದಾನೆ.
ಒಳ್ಳೆಯ ವಿಚಾರಗಳಲ್ಲಿ ಮಾನವರಿಗೆ ಏಕಾಗ್ರತೆ ಇರಬೇಕು. ಅಲ್ಲಮಪ್ರಭು, ಅಕ್ಕಮಹಾದೇವಿ, ಬಸವಣ್ಣ ಸೇರಿದಂತೆ ಇನ್ನೂ ಹಲವಾರು ಹೆಸರನ್ನು ನಾವು ಸ್ಮರಿಸಲು ಕಾರಣ ಅವರ ಕಾಯಕ ಏಕಾಗ್ರತೆ, ಇಷ್ಟಲಿಂಗದಲ್ಲಿ ಅವರು ಏಕಾಗ್ರತೆಯನ್ನು ಕೇಂದ್ರಿಕರಿಸಿದ್ದು. ಹಾಗಾಗಿ ಏಕಾಗ್ರತೆ ಬದುಕಿಗೆ ಬದುಕಿನ ಸಾಧನೆಗೆ ಅವಶ್ಯವಾಗಿದೆ.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಡಿ.ಸಿ. ಮೋಹನ್, ಗ್ರಾ.ಪಂ. ಅಧ್ಯಕ್ಷರು, ಚಿಕ್ಕಜಾಜೂರು ಇವರು ಮಾತನಾಡುತ್ತ, ಜನರಲ್ಲಿ ಜಾಗೃತಿ ಮೂಡಿಸುತ್ತ ಅರಿವಿನ ಮಟ್ಟವನ್ನು ಹೆಚ್ಚಿಸುವ ಈ ಕಲ್ಯಾಣ ದರ್ಶನ ಕಾರ್ಯಕ್ರಮ ಅತ್ಯಂತ ಮಹತ್ವದ್ದು. ಶ್ರಾವಣಮಾಸದಲ್ಲಿ ದೇವರಲ್ಲಿ ನಮ್ಮ ಪ್ರಾರ್ಥನೆ ಹೆಚ್ಚು. ಈ ಮಾಸದಲ್ಲೇ ಶರಣರು ನಮ್ಮ ಬದುಕನ್ನು ಸುಧಾರಿಸಲು ತಿಳಿವಳಿಕೆಯನ್ನು ಮೂಡಿಸಲು ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದಾರೆ. ಇದರ ಯಶಸ್ಸು ಸಭಿಕರಾದ ನಿಮಗೆಲ್ಲ ಸೇರಬೇಕಿದೆ.
ಜನರು ಇಲ್ಲಿ ಜಾತ್ಯಾತೀತವಾಗಿ ಸೇರಿದ್ದಾರೆ. ಎಲ್ಲಾ ಜನಾಂಗದವರು ಇಲ್ಲಿ ಆಗಮಿಸಿರುವುದು ಹರ್ಷ ತಂದಿದೆ ಎಂದರು.ಚಿಕ್ಕಜಾಜೂರು ಗ್ರಾ.ಪಂ. ಅಧ್ಯಕ್ಷ ಎಂ. ಮೋಹನ್ ಅಧ್ಯಕ್ಷತೆ ವಹಿಸಿದ್ದರು. ಚಿಕ್ಕಜಾಜೂರು ತಾ.ಪಂ. ಸದಸ್ಯ ಪಿ.ಎಸ್.ಮೂರ್ತಿ, ಹೊಳಲ್ಕೆರೆ ಪೊಲೀಸ್ ವೃತ್ತ ನಿರೀಕ್ಷಕ ಕೆ.ಎನ್. ವೀರೇಶ್, ಪಿ.ಬಿ. ಮಧು, ಪೊಲೀಸ್ ಉಪ ನಿರೀಕ್ಷಕರು , ಆರ್.ಠಾಣೆ ಚಿಕ್ಕಜಾಜೂರು, ಎಸ್.ವಿ. ಪುನೀತ್, ಪಿಡಿಓ, ಚಿಕ್ಕಜಾಜೂರು, ಹೆಚ್.ಎಂ. ದಯಾನಂದ್ ಉಪಾಧ್ಯಕ್ಷರು, ಕಡೂರು ದೇವಸ್ಥಾನ, ಚಿಕ್ಕಜಾಜೂರು ಗ್ರಾ.ಪಂ. ಸದಸ್ಯರಾದ ಎಸ್.ಸಿದ್ದೇಶ್, ಜಿ.ಕೆ.ಯೋಗೀಶ್, ಹೆಚ್.ಜಯದೇವ ಮೂರ್ತಿ, ಷಣ್ಮುಖಪ್ಪ, ಶ್ರೀಮತಿ ಅಂಜಲಿ ಮೋಹನ್, ಕವಿತಾ ಗಂಗಾಧರ್, ಶ್ರೀಮತಿ ಮೀನಾಕ್ಷಿ, ಶ್ರೀಮತಿ ಗಿರಿಜಮ್ಮ, ಅಸ್ಮತ್‍ಉನ್ನೀಸಾ, ಮೇರಿರೋಸ್ಲಿಕುಮಾರ್, ಲಕ್ಷ್ಮೀದೇವಿ ಹಾಗೂ ಇನ್ನೂ ಹಲವಾರು ಸದಸ್ಯರು ಹಾಜರಿದ್ದರು
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ
