ತುಮಕೂರು
ತುಮಕೂರು ಜಿಲ್ಲೆಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ತ್ರಿಶತಕ ದಾಟಿದೆ. ಬುಧವಾರ ಮತ್ತೆ 27 ಪ್ರಕರಣಗಳು ದೃಢಪಟ್ಟಿವೆ. ಕೊರಟಗೆರೆ ತಾಲ್ಲೂಕಿನ 53 ವರ್ಷದ ವ್ಯಕ್ತಿ ಮೃತಪಟ್ಟಿದ್ದಾರೆ. ಜಿಲ್ಲೆಯಲ್ಲಿ ಕೊರೊನಾ ಸೋಂಕಿನಿಂದ ಮೃತರಾದವರ ಸಂಖ್ಯೆ 11 ಆಗಿದೆ. ಚಿಕ್ಕನಾಯಕನಹಳ್ಳಿ ತಾಲ್ಲೂಕಿನಲ್ಲಿ ಮಹಾಮಾರಿ ಆರ್ಭಟಿಸಿದೆ. ಬುಧವಾರ ವರದಿಯಾದ 27 ಸೋಂಕಿತ ಪ್ರಕರಣಗಳಲ್ಲಿ ಚಿಕ್ಕನಾಯಕನಹಳ್ಳಿ ತಾಲ್ಲೂಕಿನ 16 ಜನ ಸೇರಿದ್ದಾರೆ.
ಈ ತಾಲ್ಲೂಕಿನ ಗೋಡೆಕೆರೆಯ 7 ಹಾಗೂ ಕಾಡೇನಹಳ್ಳಿಯ 6 ಜನರಿಗೆ ಸೋಂಕು ಕಾಣಿಸಿದೆ. ಇದರೊಂದಿಗೆ ಈವರೆಗೆ ಜಿಲ್ಲೆಯಲ್ಲಿ ಕೊರೊನಾ ಪಾಸಿಟೀವ್ ದೃಢಪಟ್ಟವರ ಸಂಖ್ಯೆ 319ಕ್ಕೆ ಏರಿಕೆಯಾಗಿದೆ.ಬುಧವಾರದ ವರದಿಯಂತೆ ಚಿಕ್ಕನಾಯಕನಹಳ್ಳಿ ತಾಲ್ಲೂಕಿನಲ್ಲಿ 16, ಮಧುಗಿರಿ ತಾಲ್ಲೂಕಿನಲ್ಲಿ 5, ತಿಪಟೂರು ತಾಲ್ಲೂಕಿನಲ್ಲಿ 3, ತುಮಕೂರು ತಾಲ್ಲೂಕಿನಲ್ಲಿ 2 ಹಾಗೂ ಕೊರಟಗೆರೆ ತಾಲ್ಲೂಕಿನಲ್ಲಿ ಒಂದು ಕೊರೊನಾ ಪಾಸಿಟೀವ್ ಪ್ರಕರಣ ಖಚಿತವಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗೇಂದ್ರಪ್ಪ ತಿಳಿಸಿದ್ದಾರೆ.
ಜಿಲ್ಲೆಯಲ್ಲಿ ಕೊರೊನಾ ಸೋಂಕಿನಿಂದ ಇದೂವರೆಗೆ 11 ಜನ ಮೃತಪಟ್ಟಿದ್ದಾರೆ. 240 ಜನರಲ್ಲಿ ಸೋಂಕು ಸಕ್ರಿಯವಾಗಿದೆ ಎಂದು ಹೇಳಿದ್ದಾರೆ.
ಚಿಕ್ಕನಾಯಕನಹಳ್ಳಿ
ಚಿಕ್ಕನಾಯಕನಹಳ್ಳಿ ತಾಲ್ಲೂಕಿನ ಗೋಡೆಕೆರೆ ಗ್ರಾಮದ 22 ವರ್ಷದ ಗಂಡಸು, 45 ವರ್ಷ ಹೆಂಗಸು, 50 ವರ್ಷದ ಗಂಡಸು, 70 ವರ್ಷದ ವೃದ್ಧೆ, 47 ವರ್ಷದ ಪುರುಷ, 32 ವರ್ಷದ ಮಹಿಳೆ, 18 ವರ್ಷದ ಯುವತಿಗೆ ಸೋಂಕು ತಗುಲಿದೆ. ಇದೇ ತಾಲ್ಲೂಕಿನ ಕಾಡೇನಹಳ್ಳಿಯ 19 ವರ್ಷದ ಯುವಕ, 45 ವರ್ಷದ ಗಂಡಸು, 19 ವರ್ಷದ ಯುವಕ, 62 ವರ್ಷದ ಮಹಿಳೆ, 60 ವರ್ಷದ ಮಹಿಳೆ, 20 ವರ್ಷದ ಯುವತಿ, ಚಿಕ್ಕನಾಯಕನಹಳ್ಳಿಯ 38 ವರ್ಷದ ಮಹಿಳೆ, 15 ವರ್ಷದ ಬಾಲಕಿ, ತಾಲ್ಲೂಕಿನ ಹಸರೇಹಳ್ಳಿಯ 6 ವರ್ಷದ ಬಾಲಕಿಗೆ ಕೊರೊನಾ ದೃಢಪಟ್ಟಿದೆ.
ಮಧುಗಿರಿ
ಮಧುಗಿರಿ ತಾಲ್ಲೂಕಿನ ಕಡಗತ್ತೂರಿನ 60 ವರ್ಷದ ಗಂಡಸು, ತೆರೆಯೂರಿನ 56 ವರ್ಷದ ಹೆಂಗಸು, ಮುತ್ತುರಾಯಮ್ಮನಹಳ್ಳಿಯ 42 ವರ್ಷದ ಮಹಿಳೆ, ಮುದ್ದೇನಹಳ್ಳಿಯ 75 ವರ್ಷದ ವೃದ್ಧ, ಟಿ.ಡಿ.ಹಳ್ಳಿಯ 39 ವರ್ಷದ ಹೆಂಗಸಿಗೆ ಸೋಂಕು ಖಚಿತವಾಗಿದೆ.
ತಿಪಟೂರು
ತಿಪಟೂರು ತಾಲ್ಲೂಕಿನ ಬಲ್ಲೇನಹಳ್ಳಿಯ 45 ವರ್ಷದ ಹೆಣ್ಣು, ಚಟ್ಟೇನಹಳ್ಳಿಯ 20 ವರ್ಷದ ಯುವತಿ, ತಿಪಟೂರು ಪೊಲೀಸ್ ಠಾಣೆಯ 56 ವರ್ಷದ ಪುರುಷರಿಗೆ ಕೋವಿಡ್ ಸೋಂಕು ದೃಢಪಟ್ಟಿದೆ.
ತುಮಕೂರು
ತುಮಕೂರು ನಗರದ ದೇವರಾಯಪಟ್ಟಣದ 37 ವರ್ಷದ ಗಂಡಸು, ತಾಲ್ಲೂಕಿನ ಹೆಗ್ಗೆರೆಯ 62 ವರ್ಷದ ಪುರುಷರಿಗೆ ಪಾಸಿಟೀವ್ ವರದಿ ಬಂದಿದೆ.
ಕೊರಟಗೆರೆಯ 5 ವರ್ಷದ ಬಾಲಕನಿಗೆ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ.
ಇದೂವರೆಗೆ ಜಿಲ್ಲೆಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 319ಕ್ಕೆ ಏರಿಕೆಯಾಗಿದ್ದು, ಇವರಲ್ಲಿ ಅತಿ ಹೆಚ್ಚು ತುಮಕೂರು ತಾಲ್ಲೂಕಿನಲ್ಲಿ 75 ಜನರಿದ್ದಾರೆ. ಉಳಿದಂತೆ, ಪಾವಗಡ ತಾಲ್ಲೂಕಿನಲ್ಲಿ 47, ಮಧುಗಿರಿ ತಾಲ್ಲೂಕಿನಲ್ಲಿ 38, ಕೊರಟಗೆರೆ ತಾಲ್ಲೂಕಿನಲ್ಲಿ 31, ಚಿಕ್ಕನಾಯಕನಹಳ್ಳಿ ತಾಲ್ಲೂಕಿನಲ್ಲಿ 28, ಗುಬ್ಬಿ ತಾಲ್ಲೂಕಿನಲ್ಲಿ 27, ಶಿರಾ ತಾಲ್ಲೂಕಿನಲ್ಲಿ 27, ಕುಣಿಗಲ್ ತಾಲ್ಲೂಕಿನಲ್ಲಿ 23, ತಿಪಟೂರು ತಾಲ್ಲೂಕಿನಲ್ಲಿ 14, ತುರುವೇಕೆರೆ ತಾಲ್ಲೂಕಿನಲ್ಲಿ 9 ಜನರಿಗೆ ಸೋಂಕು ತಗುಲಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
