ನವದೆಹಲಿ:
ಯುನೈಟೆಡ್ ಸ್ಟೇಟ್ಸ್ ಮತ್ತು ಕೆನಡಾವನ್ನು ಹಿಂದಿಕ್ಕಿ ಭಾರತ ದೇಶ ಈಗ ಜಾಗತಿಕ ಮಟ್ಟದಲ್ಲಿ ಮೊಬೈಲ್ ಮಾಲ್ವೇರ್ ದಾಳಿಯ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ, ಈ ಹಿಂದೆ ಭಾರತ ಮೂರನೇ ಸ್ಥಾನದಲ್ಲಿತ್ತು.
ಐಒಟಿ, ಮತ್ತು ಒಟಿ ಬೆದರಿಕೆ ವರದಿಯು ಜೂನ್ 2023 ರಿಂದ ಮೇ 2024 ರ ನಡುವೆ 20 ಶತಕೋಟಿ ಬೆದರಿಕೆ-ಸಂಬಂಧಿತ ಮೊಬೈಲ್ ವಹಿವಾಟುಗಳು ಮತ್ತು ಸಂಬಂಧಿತ ಸೈಬರ್ ಬೆದರಿಕೆಗಳನ್ನು ಒಳಗೊಂಡಿರುವ ದಾಖಲೆಗಳನ್ನು ವಿಶ್ಲೇಷಿಸಿದೆ.
ಭಾರತವು ಮೊಬೈಲ್ ಮಾಲ್ವೇರ್ ದಾಳಿಗೆ ಅತಿ ಹೆಚ್ಚಿನ ಮಟ್ಟದಲ್ಲಿ ಗುರಿಯಾಗುತ್ತಿದೆ, ಯುನೈಟೆಡ್ ಸ್ಟೇಟ್ಸ್ (ಶೇ.27.3 ಶೇಕಡಾ) ಮತ್ತು ಕೆನಡಾವನ್ನು (15.9 ಪ್ರತಿಶತ) ಮೀರಿ ಭಾರತ ಶೇಕಡಾ 28ರಷ್ಟು ದಾಳಿಗೊಳಗಾಗುತ್ತಿದೆ. ಕಳೆದ ವರ್ಷ 3ನೇ ಸ್ಥಾನದಿಂದ ಮೊದಲ ಸ್ಥಾನಕ್ಕೆ ಏರಿಕೆಯಾಗಿದ್ದು, ಭಾರತೀಯ ಉದ್ಯಮಗಳು ದೃಢವಾದ ಭದ್ರತಾ ಕ್ರಮಗಳನ್ನು ಅಳವಡಿಸಿಕೊಳ್ಳಲು, ವಿಶೇಷವಾಗಿ ತ್ವರಿತ ಡಿಜಿಟಲ್ ರೂಪಾಂತರ ಮತ್ತು ಹೆಚ್ಚುತ್ತಿರುವ ಸೈಬರ್ ಬೆದರಿಕೆಗಳ ನಡುವೆ ಇದು ಆತಂಕಕಾರಿ ಅಂಶವಾಗಿದೆ.
ಸುಮಾರು ಅರ್ಧದಷ್ಟು ಮೊಬೈಲ್ ದಾಳಿಗಳು ಟ್ರೋಜನ್‌ಗಳಾಗಿರುವುದರಿಂದ (ಮಾಲ್ವೇರ್ ಬಳಕೆದಾರರನ್ನು ಡೌನ್‌ಲೋಡ್ ಮಾಡಲು ಮತ್ತು ದುರುದ್ದೇಶಪೂರಿತ ಸಾಫ್ಟ್‌ವೇರ್ ನಿಂದ ವಂಚನೆ), ಹಣಕಾಸಿನ ವಲಯವು ವಿಶೇಷವಾಗಿ ದುರ್ಬಲವಾಗಿರುತ್ತದೆ. ಬ್ಯಾಂಕಿಂಗ್ ಮಾಲ್ವೇರ್ ದಾಳಿಯಲ್ಲಿ ಶೇಕಡಾ 29ರಷ್ಟು ಹೆಚ್ಚಳವಾಗಿದ್ದರೆ ಮೊಬೈಲ್ ಸ್ಪೈವೇರ್ ದಾಳಿಯಲ್ಲಿ ಶೇಕಡಾ 111ರಷ್ಟು ಏರಿಕೆಯಾಗಿದೆ.
ಹೆಚ್ಚಿನ ಆರ್ಥಿಕ ಪ್ರೇರಿತ ಮಾಲ್ವೇರ್ ದಾಳಿಗಳು ಮಲ್ಟಿಫ್ಯಾಕ್ಟರ್ ಅಥೆಂಟಿಕೇಶನ್ (MFA) ಗಳಿಂದಾಗುತ್ತವೆ. ವಿವಿಧ ಹಣಕಾಸು ಸಂಸ್ಥೆಗಳು, ಸಾಮಾಜಿಕ ಮಾಧ್ಯಮ ಸೈಟ್‌ಗಳು ಮತ್ತು ಕ್ರಿಪ್ಟೋ ವ್ಯಾಲೆಟ್‌ಗಳಿಗೆ ನಕಲಿ ಲಾಗಿನ್ ಪುಟಗಳಂತಹ ಫಿಶಿಂಗ್ ವೆಕ್ಟರ್‌ಗಳನ್ನು ಆಗಾಗ್ಗೆ ನಿಯಂತ್ರಿಸುತ್ತವೆ.
ಹಿಂದೆ, ನಕಲಿ ಕಾರ್ಡ್ ನವೀಕರಣ ಸೈಟ್‌ಗಳ ಮೂಲಕ ಆಂಡ್ರಾಯ್ಡ್ ಆಧಾರಿತ ಫಿಶಿಂಗ್ ಮಾಲ್ವೇರ್ ನ್ನು ಹರಡಲು ಇದೇ ರೀತಿಯ ತಂತ್ರಗಳನ್ನು ಬಳಸಲಾಗುತ್ತಿತ್ತು, ಇದು ವ್ಯಾಪಕವಾದ ಆರ್ಥಿಕ ವಂಚನೆಗೆ ಕಾರಣವಾಗಿತ್ತು. ಭಾರತೀಯ ಅಂಚೆ ಸೇವೆಯೂ ದಾಳಿಕೋರರ ಗುರಿಯಾಗಿದೆ.
ಎಸ್ ಎಂಎಸ್ ಸಂದೇಶಗಳನ್ನು ಬಳಸಿಕೊಂಡು ಮೊಬೈಲ್ ಬಳಕೆದಾರರನ್ನು ಫಿಶಿಂಗ್ ಸೈಟ್‌ಗಳಿಗೆ ನಿರ್ದೇಶಿಸುತ್ತಾರೆ, ಅದು ಕ್ರೆಡಿಟ್ ಕಾರ್ಡ್ ವಿವರಗಳನ್ನು ಇನ್‌ಪುಟ್ ಮಾಡಲು ಪ್ರೇರೇಪಿಸುತ್ತದೆ.ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ 200 ಕ್ಕೂ ಹೆಚ್ಚು ವಂಚನೆಯ ಅಪ್ಲಿಕೇಶನ್‌ಗಳು ಪತ್ತೆಯಾಗಿವೆ ಮತ್ತು IoT ಮಾಲ್ವೇರ್ ವಹಿವಾಟುಗಳಲ್ಲಿ ವರ್ಷದಿಂದ ವರ್ಷಕ್ಕೆ ಶೇಕಡಾ 45ರಷ್ಟು ಹೆಚ್ಚಳವಾಗುತ್ತಿದ್ದು, ಇದು ಇಂದು ಸೈಬರ್ ಬೆದರಿಕೆಗಳ ವ್ಯಾಪಕ ಸ್ವರೂಪವನ್ನು ಒತ್ತಿಹೇಳುತ್ತದೆ.
