ಬೆಂಗಳೂರು:
ಜನರ ಮನಸಿಗೆ ಮುದ ನೀಡಿ ಸಿಹಿಯಾಗಿರಬೇಕಿದ್ದ ಈ ವರ್ಷದ ಮಾವಿನ ಋತು ಹವಾಮಾನ ವೈಪರೀತ್ಯದಿಂದಾಗಿ ಕಹಿಯಾಗಿ ಮಾರ್ಪಟ್ಟಿದೆ. ಈ ಸವಾಲುಗಳ ಹೊರತಾಗಿಯೂ, ನಿರ್ದಿಷ್ಟ ರೀತಿಯ ಮಾವು ಬಹಳ ಜನಪ್ರಿಯವಾಗಿದ್ದು, ಲಾಲ್‌ಬಾಗ್ ಉದ್ಯಾನದಲ್ಲಿ ನಡೆದ ಮಾವು ಮೇಳದಲ್ಲಿ ಹೆಚ್ಚಿನ ಗಮನ ಸೆಳೆದಿದೆ.
ಈ ವರ್ಷ ಮೇಳದಲ್ಲಿ ಮತ್ತೊಂದು ಆಕರ್ಷಣೆಯೆಂದರೆ ಕರಿ ಇಶಾದ್, ಈಗ ಜಿಐ ಟ್ಯಾಗ್ ಮಾಡಲಾದ ಮಾವು ಕೆಜಿಗೆ 300 ರೂ.ಗೆ ಮಾರಾಟವಾಗುತ್ತಿದೆ ಮತ್ತು ಗ್ರಾಹಕರ ಚೀಲ ಸೇರುತ್ತಿದೆ. ಗೋಕರ್ಣದ ಗಣೇಶ ಗುನಗಾ ಅವರು ಕಳೆದ 25 ವರ್ಷಗಳಿಂದ ಈ ತಳಿಯ ಮಾರಾಟ ಮಾಡುತ್ತಿದ್ದು, ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ವ್ಯಾಪಾರ ಉತ್ತಮವಾಗಿದೆ. ತಲಾ 10 ಕೆಜಿ ತೂಕದ ಬುಟ್ಟಿಯನ್ನಾಗಿ ಮಾಡಲಾಗುತ್ತದೆ. ಇದುವರೆಗೆ 300 ಬುಟ್ಟಿಗಳನ್ನು ಮಾರಾಟ ಮಾಡಿರುವುದಾಗಿ ತಿಳಿಸುತ್ತಾರೆ.
ಕೆಲವು ಮಾರಾಟಗಾರರು ಈ ಋತುವಿನಲ್ಲಿ ಲಾಭ ಅಥವಾ ನಷ್ಟವನ್ನು ಮಾಡುತ್ತಿಲ್ಲ. ಶೇ 50-70ರಷ್ಟು ಇಳುವರಿ ಕಡಿಮೆಯಾಗಿದೆ ಎಂದು ಕೋಲಾರದ ಶ್ರೀನಿವಾಸಪುರದ ರೈತ ನವ್ಯಶ್ರೀ ವಿವರಿಸಿದರು. ‘ಬರದಿಂದಾಗಿ ಇಳುವರಿ ಕುಂಠಿತವಾಗಿದೆ. ಓರ್ವ ಆಳಿಗೆ ದಿನಕ್ಕೆ 700 ರೂ. ಖರ್ಚು ಮಾಡುತ್ತಿದ್ದು, ಅವರು ಕೀಳುವ ಬಹುತೇಕ ಮಾವಿನ ಕಾಯಿಗಳು ಹಾಳಾಗಿವೆ ಮತ್ತು ಬಿಸಿಲಿಗೆ ಸುಟ್ಟು ಹೋಗಿರುತ್ತವೆ. ಸಾಗಣೆ ಸಮಯದಲ್ಲಿಯೂ ಹಲವಾರು ಟನ್‌ಗಳಷ್ಟು ಮಿತಿಮೀರಿದ ಮಾವಿನಹಣ್ಣುಗಳು ವ್ಯರ್ಥವಾಗುತ್ತಿವೆ’ ಎಂದು ಅವರು ಹೇಳಿದರು.
ಮತ್ತೊಬ್ಬ ಮಾರಾಟಗಾರ ಕಾರ್ತಿಕ್ ಎಂಎನ್, ತಡವಾದ ಸೀಸನ್ ಮೇಳಕ್ಕೆ ಹೆಚ್ಚಿನ ಜನರನ್ನು ಕರೆತರುತ್ತಿದೆ. ಆದಾಗ್ಯೂ, ಅನೇಕರು ಚೌಕಾಸಿ ಮಾಡುತ್ತಾರೆ. ಕಡಿಮೆ ಇಳುವರಿಯಿಂದಾಗಿ, ನಾವು ಮಾವಿನ ಹಣ್ಣನ್ನು ಸ್ವಲ್ಪ ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಿದ್ದೇವೆ. ಆದರೆ, ಗ್ರಾಹಕರು ಸ್ವಲ್ಪಮಟ್ಟಿಗೆ ಚೌಕಾಸಿ ಮಾಡುತ್ತಾರೆ. ಈ ದರದಲ್ಲಿ, ನಾವು ನಮ್ಮ ಒಟ್ಟು ವೆಚ್ಚವನ್ನು ಸಹ ಪಡೆಯಲು ಆಗುವುದಿಲ್ಲ ಎನ್ನುತ್ತಾರೆ.
