ರೈಲ್ವೆ ಖಾಸಗೀಕರಣ :ಈ ವರ್ಷ ರೈಲ್ವೆ ಮಾರ್ಗಗಳ ಹಾರಾಜು..!

ನವದೆಹಲಿ

   ಕಳೆದ ವರ್ಷ ಕೇಂದ್ರ ಸರ್ಕಾರ ರೈಲ್ವೆ ಉದಾರೀಕರಣದ ನಿಮಿತ್ತ ಸುಮಾರು 50 ರೈಲ್ವೆ ಸ್ಟೇಷನ್ ಗಳು ಮತ್ತು ಸುಮಾರು 150 ರೈಲುಗಳ ಖಾಸಗೀಕರಣಕ್ಕೆ ಮುಂದಾಗಿತ್ತು ಇದಕ್ಕೆ ಕೊಂಚ ವಿರೋಧ ವ್ಯಕ್ತವಾದರೂ ನಂತರದಲ್ಲಿ ಎಲ್ಲವೂ ಸರಿಹೋಗಿತ್ತು. ಈಗ ಿದಕ್ಕೆ ಮರುಜೀವ ಬಂದಿದೆ ಹೇಗೆಂದರೆ ದೇಶದೆಲ್ಲೆಡೆ ಖಾಸಗಿ ಪ್ರಯಾಣಿಕ ರೈಲುಗಳು ಓಡಾಡಲಿಕ್ಕಾಗಿ  ಭಾರತೀಯ ರೈಲ್ವೆ ಸಿದ್ಧತೆ ನಡೆಸಿದ್ದು ಸುಮಾರು 150 ಖಾಸಗಿ ಪ್ರಯಾಣಿಕ ರೈಲುಗಳ ಸಂಚಾರಕ್ಕೆ 100 ಮಾರ್ಗಗಳನ್ನು ರೈಲ್ವೆ ಅಯ್ದುಕೊಂಡಿದೆ. ಈ ಮಾರ್ಗಗಳಿಗೆ ಮುಂದಿನ ತಿಂಗಳು ಬಿಡ್ ನಡೆಸುವ ಸಾಧ್ಯತೆ ಇದೆ ಎಂದು ರೈಲ್ವೆ ಸಚಿವಾಲಯ ತಿಳಿಸಿದೆ.

   ಹಣಕಾಸು ಸಚಿವಾಲಯದ ಸಾರ್ವಜನಿಕ ಖಾಸಗಿ ಸಹಭಾಗಿತ್ವದ ನಿರ್ಧಾರಣಾ ಸಮಿತಿ  ಈ ಪ್ರಸ್ತಾಪಕ್ಕೆ ಡಿ. 19ರಂದು ಅಧಿಕೃತ ಅನುಮೋದನೆ ನೀಡಿದ್ದೂ  ಈ ಮೂಲಕ 166 ವರ್ಷಗಳ ನಂತರ ಭಾರತದ ರೈಲ್ವೆ ಮಾರ್ಗಗಳಲ್ಲಿ ಖಾಸಗಿ ಪ್ರಯಾಣಿಕ ರೈಲುಗಳು ಸಂಚರಿಸಲಿವೆ ಇದರಿಂದಾಗಿ ಖಾಸಗಿ ಸಂಸ್ಥೆಗಳಿಗೆ ರೈಲು ಸಾರಿಗೆಯಲ್ಲಿ ತೊಡಗಿಸಿಕೊಳ್ಳಲು ಅವಕಾಶ ನೀಡುವ ಹಾದಿ ಸುಗಮವಾಗಿದೆ. 

   ಬೆಂಗಳೂರಿಗೆ ದೇಶದ ವಿವಿಧ ಪ್ರಮುಖ ನಗರಗಳಿಂದ ಒಟ್ಟು ಎಂಟು ಖಾಸಗಿ ರೈಲು ಮಾರ್ಗಗಳ ಪ್ರಸ್ತಾಪ ಇದರಲ್ಲಿದೆ. ಈಗಿರುವ ಸರ್ಕಾರಿ ಸ್ವಾಮ್ಯದ ರೈಲುಗಳ ಜತೆಗೆ ಖಾಸಗಿ ರೈಲುಗಳು ಸಹ ಕಾರ್ಯನಿರ್ವಹಿಸಲಿವೆ. ಇದರಿಂದ ರೈಲ್ವೆ ಸಾರಿಗೆ ವ್ಯವಸ್ಥೆ ಹೆಚ್ಚು ಸುಗಮವಾಗಲಿದೆ. ಇನ್ನು ಸುಧೀರ್ಘ ರೈಲು ಮಾರ್ಗಗಳೆಂದರೆ  ನವದೆಹಲಿ-ಬೆಂಗಳೂರು, ಮುಂಬೈ-ಕೋಲ್ಕತಾ, ಮುಂಬೈ-ಚೆನ್ನೈ, ಮುಂಬೈ ಗುವಾಹಟಿ, ನವದೆಹಲಿ-ಮುಂಬೈ, ತಿರುವನಂತಪುರಂ-ಗುವಾಹಟಿ, ನವದೆಹಲಿ-ಕೋಲ್ಕತಾ, ನವದೆಹಲಿ- ಚೆನ್ನೈ, ಕೋಲ್ಕತಾ-ಚೆನ್ನೈ ಮತ್ತು ಚೆನ್ನೈ-ಜೋಧಪುರ.