ಬೆಂಗಳೂರು
ಸಿಲಿಕಾನ್ ಸಿಟಿಯಲ್ಲಿ ಜಾಗದ ಸಮಸ್ಯೆ ಇರುವುದು ಗೊತ್ತೆ ಇದೆ. ಇದರ ಜೊತೆಗೆ ಪಾರ್ಕಿಂಗ್‌ಗಾಗಿ ಪುಟ್‌ಪಾತ್‌ಗಳನ್ನೇ ಬಳಸುವುದನ್ನು ನಾವು ನೋಡುತ್ತಿದ್ದೇವೆ. ಇನ್ನು, ಪುಟ್‌ಪಾತ್, ಚರಂಡಿಗಳನ್ನು ಆಕ್ರಮಿಸಿಕೊಂಡಿರುವುದು, ನಿರ್ಬಂಧಿಸಿರುವುದರ ಬಗ್ಗೆ ನಾಗರಿಕರು ದೂರುಗಳನ್ನು ದಾಖಲಿಸುತ್ತಿದ್ದಾರೆ.
ಬೆಂಗಳೂರು ನಿವಾಸಿಗಳಿಂದ ಮತ್ತು ನಾಗರಿಕ ಸಂಸ್ಥೆಗಳ ಕಾರ್ಯಕರ್ತರಿಂದ ನಿರಂತರ ದೂರುಗಳು ಬರುತ್ತಿರುವ ನಂತರ ಎಚ್ಚೆತ್ತುಕೊಂಡಿರುವ ಬಿಬಿಎಂಪಿಯು ಆರೋಪಿಗಳ ವಿರುದ್ಧ ರೂ 5,000 ರಿಂದ ರೂ 10,000 ವರೆಗೆ ದಂಡವನ್ನು ಹಾಕಲು ಯೋಜನೆ ರೂಪಿಸುತ್ತಿದೆ. ಚರಂಡಿಗಳು ಅಥವಾ ಫುಟ್‌ಪಾತ್‌ಗಳನ್ನು ನಿರ್ಬಂಧಿಸುವ ಅಥವಾ ಹಾನಿ ಮಾಡುವ ಕಟ್ಟಡದ ಮಾಲೀಕರಿಗೆ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ನಿಂದ 5,000 ರೂ.ನಿಂದ 10,000 ರೂ.ವರೆಗೆ ದಂಡ ವಿಧಿಸುತ್ತದೆ.
ನಿರ್ಮಾಣ ಚಟುವಟಿಕೆಗಳ ಸಂದರ್ಭದಲ್ಲಿ ಫುಟ್‌ಪಾತ್‌ಗಳು ಮತ್ತು ಚರಂಡಿಗಳಿಗೆ ಹಾನಿ ಮಾಡುವ ಉಲ್ಲಂಘಿಸುವವರನ್ನು ಗುರುತಿಸಲು ಬಿಬಿಎಂಪಿ ಇತ್ತೀಚೆಗೆ 10 ದಿನಗಳ ಅಭಿಯಾನವನ್ನು ನಡೆಸಿದೆ. ಪಾಲಿಕೆಯವರು ಈ ನಿಯಮು ಉಲ್ಲಂಘಿಸುವವರಿಗೆ ದಂಡ ವಿಧಿಸಿದ್ದು, ಚರಂಡಿಗಳಿಗೆ ಉಂಟಾದ ಹಾನಿಯನ್ನು ಸರಿಪಡಿಸಲು ಅವರಿಗೆ ಆದೇಶಿಸಿದೆ.
ಮಹದೇವಪುರ ವಲಯದಾದ್ಯಂತ ಸಮಸ್ಯೆ ಇದ್ದು, ಹಲವು ರಸ್ತೆಗಳು ನೀರಿನಿಂದ ತುಂಬಿ ಹರಿಯುತ್ತಿವೆ. ಸಾಮಾನ್ಯವಾಗಿ ಫುಟ್‌ಪಾತ್‌ಗಳ ಕೆಳಗೆ ಇರುವ ಮಳೆನೀರು ಚರಂಡಿಗಳಿಂದ ನೀರು ರಸ್ತೆಗಳಿಗೆ ನೀರು ಬರುತ್ತಿದೆ. ಈ ಕುರಿತು ಮಹದೇವಪುರ ಕಾರ್ಯಪಡೆಗೆ ನಿವಾಸಿಗಳು ನಿತ್ಯ ದೂರು ನೀಡುತ್ತಿದ್ದರು. ಭಾರೀ ವಾಹನಗಳಿಗೆ ಸುಲಭ ಮಾರ್ಗಗಳನ್ನು ನಿರ್ಮಿಸಲು ನಿರ್ಮಾಣ ಸ್ಥಳಗಳ ಸುತ್ತಮುತ್ತಲಿನ ಚರಂಡಿಗಳನ್ನು ಮಣ್ಣಿನಿಂದ ನಿರ್ಬಂಧಿಸಲಾಗಿದೆ. ಫುಟ್ ಪಾತ್ ಸ್ಲ್ಯಾಬ್ ಗಳನ್ನು ತೆಗೆದು ಮಣ್ಣು ತುಂಬಿಸಲಾಗಿದೆ ಎಂದು ಆರೋಪಿಸಲಾಗಿದೆ.
“ದೊಡ್ಡ ಮಳೆನೀರಿನ ಚರಂಡಿಗಳಿಗೆ ಸಂಪರ್ಕಿಸುವ ಸಣ್ಣ ಚರಂಡಿಗಳನ್ನು ಮಣ್ಣು ಹಾಕಿ ಮುಚ್ಚಲಾಗಿದೆ. ಅಂತಹ ಸ್ಥಳಗಳನ್ನು ಗುರುತಿಸಿ ಮಾಲೀಕರಿಗೆ 5 ಸಾವಿರ-10 ಸಾವಿರ ದಂಡ ವಿಧಿಸಲು ಬಿಬಿಎಂಪಿ ನಿರ್ಧರಿಸಿದೆ. ಚರಂಡಿ ಬದಲು ರಸ್ತೆಗಳಲ್ಲಿ ನೀರು ತುಂಬಿ ಹರಿಯುತ್ತಿರುವ ಬಗ್ಗೆ ನಿವಾಸಿಗಳಿಂದ ದೂರುಗಳು ಬಂದಿವೆ” ಎಂದು ಮಹದೇವಪುರ ಟಾಸ್ಕ್ ಫೋರ್ಸ್ (ಮೊಬಿಲಿಟಿ) ಪ್ರಧಾನ ಕಾರ್ಯದರ್ಶಿ ಕ್ಲೆಮೆಂಟ್ ಜಯಕುಮಾರ್ ಹೇಳಿದ್ದಾರೆ.
“ದೂರುಗಳನ್ನು ಪರಿಶೀಲಿಸಲು ಬಿಬಿಎಂಪಿ ಅಧಿಕಾರಿಗಳನ್ನು ಕೇಳಿದಾಗ, ಅವರು ನಿರ್ಮಾಣ ಸ್ಥಳಗಳಿಂದ ಫುಟ್‌ಪಾತ್ ಸ್ಲ್ಯಾಬ್‌ಗಳನ್ನು ತೆಗೆದು ಮಣ್ಣು ತುಂಬುತ್ತಿರುವುದನ್ನು ಗಮನಿಸಿದ್ದಾರೆ. ಮಣ್ಣು ತುಂಬುವುದರಿಂದ ಭಾರೀ ವಾಹನಗಳು ಸುಲಭವಾಗಿ ಸಂಚರಿಸಲು ಅನುಕೂಲವಾಗುತ್ತದೆ. ಈ ಕಾಲುದಾರಿಗಳು ಪಾದಚಾರಿಗಳು ಮತ್ತು ದ್ವಿಚಕ್ರ ವಾಹನಗಳಿಗೆ ಇವೆ. ಆದರೆ, ಇದರಲ್ಲಿ ಭಾರೀ ವಾಹನಗಳನ್ನು ಓಡಿಸಲಾಗುತ್ತಿದೆ. ಇದರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಬಿಬಿಎಂಪಿ ವಲಯ ಆಯುಕ್ತರು, ಮುಖ್ಯ ಎಂಜಿನಿಯರ್‌ಗಳು ಮತ್ತು ಕಾರ್ಯಪಾಲಕ ಎಂಜಿನಿಯರ್‌ಗಳಿಗೆ ಸೂಚಿಸಿದ್ದೇವೆ” ಎಂದು ಹೇಳಿದ್ದಾರೆ ಎಂದು ಬೆಂಗಳೂರು ಮಿರರ್ ವರದಿ ಮಾಡಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page SUBSCRIBE ಮಾಡಿ
