ಬೆಂಗಳೂರು
ಕೇರಳ ಹಾಗೂ ಕರ್ನಾಟಕದ ನಡುವೆ ಈಗಾಗಲೇ ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲು ಸಂಚಾರ ಮಾಡುತ್ತಿದ್ದು, ಲೋಕಸಭಾ ಚುನಾವಣೆ ಬಳಿಕ ಮತ್ತೊಂದು ರೈಲು ಸಂಚರಿಸಲಿದೆ ಎಂದು ವರದಿಗಳು ತಿಳಿಸಿವೆ.
ಕೊಚ್ಚಿಯ ಎರ್ನಾಕುಲಂ ಹಾಗೂ ಬೆಂಗಳೂರು ನಡುವೆ ಹೊಸ ವಂದೇ ಭಾರತ್ ರೈಲು ಸಂಚಾರ ಮಾಡಲಿದೆ ಎಂದು ತಿಳಿದು ಬಂದಿದೆ. ಈಗ ಚುನಾವಣಾ ನೀತಿ ಸಂಹಿತೆ ಜಾರಿಯಲ್ಲಿರುವುದರಿಂದ ಭಾರತೀಯ ರೈಲ್ವೆ ಇಲಾಖೆ ಎರ್ನಾಕುಲಂ ರೈಲನ್ನು ವಿಳಂಬ ಮಾಡಿದೆ. ಒಮ್ಮೆ ಸಂಹಿತೆ ಮುಗಿದ ಬಳಿಕ ವಂದೇ ಭಾರತ್ ಓಡಿಸುವ ಕಾರ್ಯ ಕೈಗೊಳ್ಳಲಾಗುವುದು ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.
ಎರ್ನಾಕುಲಂ ಮಾರ್ಷಲಿಂಗ್ ಯಾರ್ಡ್‌ನಲ್ಲಿ ಪಿಟ್‌ಲೈನ್‌ನ ವಿದ್ಯುದ್ದೀಕರಣ ಪೂರ್ಣಗೊಂಡಿದೆ. ಈಗ ಎರ್ನಾಕುಲಂ ರೈಲು ನಿಲ್ದಾಣ (ERS) ಜಂಕ್ಷನ್‌ನಿಂದ ಹೆಚ್ಚಿನ ಎಕ್ಸ್ಪ್ರೆಸ್ ರೈಲುಗಳನ್ನು ಓಡಿಸಬಹುದು. ವಿದ್ಯುದ್ದೀಕರಿಸಿದ ಪಿಟ್‌ಲೈನ್‌ಗೆ ಏಪ್ರಿಲ್ 30 ರಂದು ಚಾಲನೆ ನೀಡಲಾಯಿತು. ವಂದೇ ಭಾರತ್ ರೈಲುಗಳನ್ನು ರಾಷ್ಟ್ರವ್ಯಾಪಿ ಯಾರ್ಡ್‌ಗಳನ್ನು ಸಿದ್ಧಪಡಿಸಲು ರೈಲ್ವೆ ನಿರ್ದೇಶನ ನೀಡಿದೆ.
ಕೇರಳಕ್ಕೆ ಇದೀಗ ಎರಡು ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲುಗಳು ಈಗ ತಿರುವನಂತಪುರಂ-ಕಾಸರಗೋಡು ಮತ್ತು ತಿರುವನಂತಪುರಂ-ಮಂಗಳೂರು ಮಾರ್ಗಗಳ ನಡುವೆ ಸಂಚರಿಸುತ್ತಿವೆ. ಎರ್ನಾಕುಲಂನಿಂದ ಮೂರನೇ ವಂದೇ ಭಾರತ್ ಕೇವಲ ಒಂಬತ್ತು ಗಂಟೆಗಳಲ್ಲಿ ಬೆಂಗಳೂರು ತಲುಪುವ ನಿರೀಕ್ಷೆಯಿದೆ. ವಂದೇ ಭಾರತ್‌ನಲ್ಲಿ ದುರಸ್ತಿ ಕಾರ್ಯಗಳಿಗಾಗಿ ರೈಲ್ವೇ ಇತ್ತೀಚೆಗೆ ತನ್ನ ಎರ್ನಾಕುಲಂ ಮಾರ್ಷಲಿಂಗ್ ಯಾರ್ಡ್‌ನಲ್ಲಿ ಕೆಲಸಗಳನ್ನು ನಡೆಸಿದೆ.
ವಂದೇ ಭಾರತ್ ಎಕ್ಸ್ಪ್ರೆಸ್ ವಿಶೇಷ ರೈಲಿನಂತೆ ಓಡುವ ಸಾಧ್ಯತೆಯಿದೆ. ಅದರ ಸೇವೆಗಾಗಿ ಕಾರ್ಯಸಾಧ್ಯವಾದ ಸಮಯದ ಎರ್ನಾಕುಲಂ ರೈಲು ನಿಲ್ದಾಣದಲ್ಲಿ ಸ್ಲಾಟ್ ಅನ್ನು ನಿಗದಿಪಡಿಸಲಾಗಿದೆ ಎನ್ನಲಾಗಿದೆ. ತಿರುವನಂತಪುರಂ-ಶೋರನೂರು ವೈನಾಡ್ ಎಕ್ಸ್ಪ್ರೆಸ್ ನಿಲುಗಡೆ ಸ್ಥಳಾಂತರಗೊಂಡ ನಂತರ ಮೇ 1 ರಿಂದ ಎರ್ನಾಕುಲಂ ನಿಂದ ಎರ್ನಾಕುಲಂ ಟೌನ್ ರೈಲು ನಿಲ್ದಾಣದಲ್ಲಿ ಪ್ಲಾಟ್‌ಫಾರ್ಮ್ ಸಾಮರ್ಥ್ಯ ಸುಧಾರಿಸಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page SUBSCRIBE ಮಾಡಿ
