ಕೋಲ್ಕತಾ:
2026 ರ ಇಂಡಿಯನ್ ಪ್ರೀಮಿಯರ್ ಲೀಗ್ ಆವೃತ್ತಿಗೆ ಮುಂಚಿತವಾಗಿ ಚೆನ್ನೈ ಸೂಪರ್ ಕಿಂಗ್ಸ್ ನಿಂದ ರಾಜಸ್ಥಾನ ರಾಯಲ್ಸ್ ಗೆ ಹೈ ಪ್ರೊಫೈಲ್ ವರ್ಗಾವಣೆಯನ್ನು ಪೂರ್ಣಗೊಳಿಸಿದ ನಂತರ ಸ್ಟಾರ್ ಆಲ್ರೌಂಡರ್ ರವೀಂದ್ರ ಜಡೇಜಾ ತಮ್ಮ ಮೊದಲ ಪ್ರತಿಕ್ರಿಯೆಯನ್ನು ನೀಡಿದರು.
ಶನಿವಾರ ಬೆಳಿಗ್ಗೆ ಐಪಿಎಲ್ ಆಡಳಿತ ಮಂಡಳಿಯು ವಿನಿಮಯ ಒಪ್ಪಂದವನ್ನು ದೃಢಪಡಿಸಿತು, ಇದರ ಪರಿಣಾಮವಾಗಿ ಜಡೇಜಾ 14 ಕೋಟಿ ರೂ.ಗೆ ಉದ್ಘಾಟನಾ ಚಾಂಪಿಯನ್ಗಳೊಂದಿಗೆ ಸೇರಿಕೊಂಡರು. ಸಂಜು ಸ್ಯಾಮ್ಸನ್ 18 ಕೋಟಿ ರೂ.ಗೆ ಐದು ಬಾರಿಯ ಚಾಂಪಿಯನ್ ಚೆನ್ನೈ ತಂಡದೊಂದಿಗೆ ಒಪ್ಪಂದವನ್ನು ಮಾಡಿಕೊಂಡರು.
“ರಾಜಸ್ಥಾನ್ ರಾಯಲ್ಸ್ ನನಗೆ ನನ್ನ ಮೊದಲ ವೇದಿಕೆ ಮತ್ತು ಮೊದಲ ಗೆಲುವಿನ ರುಚಿಯನ್ನು ನೀಡಿದ ತಂಡ. ಮತ್ತೆ ಈ ತಂಡಕ್ಕೆ ಮರಳುವುದು ವಿಶೇಷವೆನಿಸುತ್ತದೆ. ಇದು ನನಗೆ ಕೇವಲ ಒಂದು ತಂಡವಲ್ಲ, ಇದು ತವರು. ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿ ನಾನು ನನ್ನ ಮೊದಲ ಐಪಿಎಲ್ ಗೆದ್ದಿದ್ದೇನೆ ಮತ್ತು ಪ್ರಸ್ತುತ ಆಟಗಾರರ ಗುಂಪಿನೊಂದಿಗೆ ಹೆಚ್ಚಿನದನ್ನು ಗೆಲ್ಲಲು ನಾನು ಆಶಿಸುತ್ತೇನೆ” ಎಂದು ಜಡೇಜಾ ಹೇಳಿದರು.
ಐಪಿಎಲ್ನ ಮೊದಲ ಎರಡು ಸೀಸನ್ಗಳಲ್ಲಿ ಜಡೇಜಾ ರಾಯಲ್ಸ್ ತಂಡವನ್ನು ಪ್ರತಿನಿಧಿಸಿದ್ದರು. ಆ ಅವಧಿಯಲ್ಲಿ ಅಂದಿನ ನಾಯಕನಾಗಿದ್ದ ಶೇನ್ ವಾರ್ನ್ ಅವರು ಜಡೇಜಾಗೆ “ರಾಕ್ಸ್ಟಾರ್” ಎಂಬ ಬಿರುದು ನೀಡಿದ್ದರು. 2012 ರಿಂದ, 36 ವರ್ಷ ವಯಸ್ಸಿನ ಜಡೇಜಾ ಚೆನ್ನೈ ತಂಡದ ಪ್ರಮುಖ ಭಾಗವಾಗಿದ್ದರು. 2016 ಮತ್ತು 2017 ರಲ್ಲಿ ಫ್ರಾಂಚೈಸಿಯನ್ನು ಅಮಾನತುಗೊಳಿಸಿದಾಗ. ಅವರು ಗುಜರಾತ್ ತಂಡದ ಪರ ಆಡಿದ್ದರು. ವಿಶೇಷವಾಗಿ 2023 ರ ಪ್ರಶಸ್ತಿ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದರು. ಗುಜರಾತ್ ಟೈಟಾನ್ಸ್ ವಿರುದ್ಧ ಅಹಮದಾಬಾದ್ನಲ್ಲಿ ನಡೆದಿದ್ದ ಫೈನಲ್ನಲ್ಲ ಕೊನೆಯ ಎರಡು ಎಸೆತಗಳಲ್ಲಿ 10 ರನ್ ಗಳಿಸಿ ತಂಡವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದ್ದರು.
