ವಾಷಿಂಗ್ಟನ್:
ಡೊನಾಲ್ಡ್ ಟ್ರಂಪ್ ಅಮೆರಿಕದ ಚುಕ್ಕಾಣಿ ಹಿಡಿದ ಬಳಿಕ ಆಡಳಿತದಲ್ಲಿ ಹಲವು ಬದಲಾವಣೆಯನ್ನು ತಂದಿದೆ. ವಲಸಿಗರ ವಿರುದ್ಧ ಕಠಿಣ ಕ್ರಮಕೈಗೊಂಡಿದ್ದ ಸರ್ಕಾರ ಇದೀಗ ವಲಸೆ ಕಾರ್ಮಿಕರ ಉದ್ಯೋಗ ಅಧಿಕಾರ ದಾಖಲೆಗಳನ್ನು ಸ್ವಯಂಚಾಲಿತವಾಗಿ ವಿಸ್ತರಿಸಲು ನಿರಾಕರಿಸಿದೆ. ಈ ಮಹತ್ವದ ಮಾಹಿತಿಯನ್ನು ಅಮೆರಿಕದ ಗೃಹ ಭದ್ರತಾ ಇಲಾಖೆ ತಿಳಿಸಿದೆ. ಈ ಕ್ರಮವು ಸಾವಿರಾರು ವಿದೇಶಿ ಉದ್ಯೋಗಿಗಳ ಮೇಲೆ, ವಿಶೇಷವಾಗಿ ವಲಸಿಗ ಉದ್ಯೋಗಿಗಳ ದೊಡ್ಡ ಭಾಗವಾಗಿರುವ ಭಾರತೀಯರ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿದೆ.
ಅಕ್ಟೋಬರ್ 30, 2025 ರಂದ ಅಥವಾ ನಂತರ ತಮ್ಮ EAD ನವೀಕರಿಸಲು ಅರ್ಜಿ ಸಲ್ಲಿಸುವ ವಿದೇಶಿಯರು ಇನ್ನು ಮುಂದೆ ತಮ್ಮ EAD ಯ ಸ್ವಯಂಚಾಲಿತ ವಿಸ್ತರಣೆಯನ್ನು ಸ್ವೀಕರಿಸುವುದಿಲ್ಲ” ಎಂದು ಇಲಾಖೆ ಬುಧವಾರ ಹೇಳಿಕೆಯಲ್ಲಿ ತಿಳಿಸಿದೆ . ಇದರರ್ಥ, ಅಕ್ಟೋಬರ್ 30 ರ ಮೊದಲು ಸ್ವಯಂಚಾಲಿತವಾಗಿ ವಿಸ್ತರಿಸಲಾದ EAD ಗಳು ಪರಿಣಾಮ ಬೀರುವುದಿಲ್ಲ. ಹೊಸ ನಿಯಮವು “ಸಾರ್ವಜನಿಕ ಸುರಕ್ಷತೆ, ರಾಷ್ಟ್ರೀಯ ಭದ್ರತೆಯನ್ನು ರಕ್ಷಿಸಲು ಪರಿಶೀಲನೆ ಮತ್ತು ಸ್ಕ್ರೀನಿಂಗ್” ಗೆ ಆದ್ಯತೆ ನೀಡುತ್ತದೆ ಎಂದು ಟ್ರಂಪ್ ಆಡಳಿತ ತಿಳಿಸಿದೆ.
ವಲಸಿಗರು ತಮ್ಮ ಕೆಲಸದ ಪರವಾನಗಿ ಅವಧಿ ಮುಗಿದ ನಂತರವೂ 540 ದಿನಗಳವರೆಗೆ ಅಮೆರಿಕದಲ್ಲಿ ಕೆಲಸ ಮಾಡಲು ಬಿಡನ್ ಆಡಳಿತ ಅವಕಾಶ ನೀಡಿತ್ತು. ಆದರೆ ಇದೀಗ ಈ ನಿಯಮವನ್ನು ರದ್ದು ಮಾಡಲಾಗಿದೆ. ಈ ನಿಯಮಕ್ಕೆ ಸೀಮಿತ ವಿನಾಯಿತಿಗಳಿವೆ, ಇದರಲ್ಲಿ ಕಾನೂನಿನಿಂದ ಒದಗಿಸಲಾದ ವಿಸ್ತರಣೆಗಳು ಅಥವಾ TPS-ಸಂಬಂಧಿತ ಉದ್ಯೋಗ ದಾಖಲಾತಿಗಾಗಿ ಫೆಡರಲ್ ರಿಜಿಸ್ಟರ್ ಸೂಚನೆಯ ಮೂಲಕ ಒದಗಿಸಲಾಗಿದೆ” ಎಂದು US ಡಿಪಾರ್ಟ್ಮೆಂಟ್ ಆಫ್ ಹೋಮ್ಲ್ಯಾಂಡ್ ಸೆಕ್ಯುರಿಟಿಯ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಒಬ್ಬ ವ್ಯಕ್ತಿಯು ನಿರ್ದಿಷ್ಟ ಅವಧಿಗೆ ಅಮೆರಿಕದಲ್ಲಿ ಕೆಲಸ ಮಾಡಲು ಅಧಿಕಾರ ಹೊಂದಿದ್ದಾನೆ ಎಂದು ಸಾಬೀತುಪಡಿಸಲು EAD (ಫಾರ್ಮ್ I-766/EAD) ಹೊಂದಿರಬೇಕು. ಖಾಯಂ ನಿವಾಸಿಗಳು EAD ಗೆ ಅರ್ಜಿ ಸಲ್ಲಿಸುವ ಅಗತ್ಯವಿಲ್ಲ. ಗ್ರೀನ್ ಕಾರ್ಡ್ (ಫಾರ್ಮ್ I-551, ಖಾಯಂ ನಿವಾಸಿ ಕಾರ್ಡ್) ಉದ್ಯೋಗದ ಅಧಿಕಾರದ ಪುರಾವೆಯಾಗಿದೆ. ವಲಸೆರಹಿತ ಸ್ಥಾನಮಾನ ಹೊಂದಿರುವ ವ್ಯಕ್ತಿಗಳಿಗೂ (H-1B, L-1B, O ಅಥವಾ P) ಈ ದಾಖಲೆಯ ಅಗತ್ಯವಿಲ್ಲ.
