ರಷ್ಯಾ – ಉಕ್ರೇನ್​ ಯುದ್ಧ: ಕೀವ್​​ಗೆ ಅಮೆರಿಕ ನೀಡುತ್ತಿರುವ ಮಿಲಿಟರಿ ಉಪಕರಣಗಳ ಸಹಾಯ ಹೇಗಿದೇ ಗೊತ್ತಾ!?

ಹೊಸ 800 ಮಿಲಿಯನ್ ಡಾಲರ್ ಶಸ್ತ್ರಾಸ್ತ್ರಗಳ​ ನೆರವಿನ ಪ್ಯಾಕೇಜ್ ಅಮೆರಿಕ ಘೋಷಿಸಿದೆ. ಈ ಶಸ್ತ್ರಾಸ್ತ್ರಗಳನ್ನು ಉಕ್ರೇನಿಯನ್ ಮಿಲಿಟರಿ ಈಗಾಗಲೇ ರಷ್ಯನ್ನರ ವಿರುದ್ಧ ಪರಿಣಾಮಕಾರಿಯಾಗಿ ಬಳಸುತ್ತಿದೆ. ರಷ್ಯಾದ ಪಡೆಗಳು ಉಡಾಯಿಸುತ್ತಿರುವ ಕ್ಷಿಪಣಿಗಳ ಅಗಾಧ ದಾಳಿಯಿಂದ ನಗರಗಳನ್ನು ರಕ್ಷಿಸಲು ತುರ್ತಾಗಿ ಅಗತ್ಯವಿರುವ ವಾಯು ರಕ್ಷಣಾ ವ್ಯವಸ್ಥೆಗಳನ್ನು ಈ ಪ್ಯಾಕೇಜ್​ ಒಳಗೊಂಡಿದೆ.

ಮಂಗಳೂರು ವಿಮಾನ ನಿಲ್ದಾಣಕ್ಕೆ ಬಾಂಬಿಟ್ಟ ಆದಿತ್ಯ ರಾವ್‌ಗೆ 20 ವರ್ಷ ಜೈಲು ಶಿಕ್ಷೆ ..!

ಉಕ್ರೇನಿಯನ್ನರು ಬಳಸಲು ತಿಳಿದಿರುವ ವ್ಯವಸ್ಥೆಗಳನ್ನು ಮಾತ್ರ ಅಮೆರಿಕ ಕೀವ್​​​ ರಕ್ಷಣಾ ಪಡೆಗಳಿಗೆ ಒದಗಿಸುತ್ತಿದೆ. ಕೆಲ ಕ್ಷಿಪಣಿ ಬಳಸುವ ಬಗ್ಗೆ ಈಗಾಗಲೇ ಉಕ್ರೇನಿಯನ್ನರು ತರಬೇತಿ ಪಡೆದಿದ್ದಾರೆ ಮತ್ತು ಬಳಸಲು ಸಜ್ಜುಗೊಂಡಿದ್ದಾರೆ ಹಿರಿಯ ರಕ್ಷಣಾ ಅಧಿಕಾರಿಯೊಬ್ಬರು ಬುಧವಾರ ಹೇಳಿದ್ದಾರೆ.

ರಷ್ಯಾದ ನಿರ್ಮಿತ ಮಿಗ್ – 29 ಫೈಟರ್ ಜೆಟ್‌ಗಳು ಯುಎಸ್ ಮೂಲಕ ಉಕ್ರೇನ್‌ಗೆ ನೀಡುವುದು ಮತ್ತು ಉಕ್ರೇನ್‌ನಲ್ಲಿ ಹಾರಾಟ – ನಿಷೇಧ ವಲಯ ಸ್ಥಾಪನೆ. ಇವು ಉಕ್ರೇನ್‌ ಸಹಾಯದ ಪಟ್ಟಿಯಿಂದ ಹೊರಗುಳಿದಿವೆ.

ಈ ಎರಡು ವಿಷಯಗಳ ಬಗ್ಗೆ ಝೆಲೆನ್ಸ್‌ಕಿ ಪದೇ ಪದೆ ವಿನಂತಿಸಿದ್ರೂ ಯುಎಸ್ ಮತ್ತು ನ್ಯಾಟೋ ದೃಢವಾಗಿ ತಿರಸ್ಕರಿಸಿವೆ. ಈ ಸೌಲಭ್ಯಗಳನ್ನು ಉಕ್ರೇನ್​ಗೆ ನೀಡಿದರೆ, ರಷ್ಯಾದೊಂದಿಗೆ ವ್ಯಾಪಕ ಯುದ್ಧವನ್ನು ಪ್ರಚೋದಿಸಬಹುದು ಎಂದು ಅಮೆರಿಕ ಮತ್ತು ನ್ಯಾಟೋ ನಂಬುತ್ತಿದೆ.

ಇಳಿದ ಕಚ್ಚಾತೈಲ, ಜನರು ತುಸು ನಿರಾಳ: ಪೆಟ್ರೋಲ್-ಡೀಸೆಲ್ ದಿಢೀರ್ ಏರಿಕೆ ಸಾಧ್ಯತೆ ಕಡಿಮೆ

ಹೊಸದಾಗಿ ಭರವಸೆ ನೀಡಿದ ಶಸ್ತ್ರಾಸ್ತ್ರಗಳು ಮತ್ತು ಉಪಕರಣಗಳು ಯಾವುವು ಎಂದರೆ, 800 ಸ್ಟಿಂಗರ್​ ಆಯಂಟಿ-ಏರ್​ಕ್ರಾಫ್ಟ್​ ಸಿಸ್ಟಮ್ಸ್​, ಎರಡು ಸಾವಿರ ಸರ್ಫೇಸ್​-ಟು-ಏರ್​ ಜಾವೆಲಿನ್​ ಮಿಸೈಲ್​​​ಗಳಾಗಿವೆ.

ಇವು ಭುಜದ ಮೇಲಿಟ್ಟು ಫೈರ್​ ಮಾಡಬಹುದು ಅಥವಾ ಲಾಂಚರ್​ಗಳಿಂದ ಉಡಾಯಿಸಬಹುದಾಗಿದೆ. ಸಾವಿರ ಕೆಜಿಗಿಂತ ಕಡಿಮೆ ತೂಕ ಹೊಂದಿರುವ ಆಯಂಟಿ-ಅರ್ಮೊರ್​ ಆಯುಧಗಳು, 6 ಸಾವಿರ ಎಟಿ-4 ಪೋರ್ಟಬಲ್ ಆಯಂಟಿ-ಟ್ಯಾಂಕ್​ ಆಯುಧಗಳನ್ನು ಅಮೆರಿಕ ಉಕ್ರೇನ್​​​ನಗೆ ನೀಡುತ್ತಿದೆ.

100 ಯುದ್ಧತಂತ್ರದ ಮಾನವರಹಿತ ವ್ಯವಸ್ಥೆಗಳು ಹೊಂದಿರುವ ಆಯುಧಗಳು, 100 ಗ್ರೆನೆಡ್​ ಲಾಂಚರ್​ಗಳು, 500 ರೈಫಲ್ಸ್​, ಸಾವಿರ ಪಿಸ್ತೂಲ್​ಗಳು, 400 ಮಷಿನ್​ಗನ್​ಗಳು ಮತ್ತು 400 ಶಾಟ್​ಗನ್​​ಗಳು. 20 ದಶಲಕ್ಷಕ್ಕೂ ಹೆಚ್ಚು ಮದ್ದುಗುಂಡುಗಳನ್ನು ಹೊಂದಿರುವ ಸಣ್ಣ ಶಸ್ತ್ರಾಸ್ತ್ರ ಮತ್ತು ಗ್ರೆನೇಡ್ ಲಾಂಚರ್ ಮತ್ತು ಮಾರ್ಟರ್ ರೌಂಡ್ಸ್​; 25 ಸಾವಿರ ರಕ್ಷಾ ಕವಚಗಳು ಮತ್ತು ಹೆಲ್ಮೆಟ್​ಗಳನ್ನ ಅಮೆರಿಕ ಝೆಲೆನ್ಸ್ಕಿ ಅವರಿಗೆ ರವಾನೆ ಮಾಡುತ್ತಿದೆ.

ಇನ್ನು 600 ಸ್ಟಿಂಗರ್​ ಆಯಂಟಿ-ಏರ್​ಕ್ರಾಫ್ಟ್​ ಸಿಸ್ಟಮ್ಸ್​, 2600 ಜಾವೆಲಿನ್ ಆಂಟಿ-ಆರ್ಮರ್ ಸಿಸ್ಟಮ್ಸ್, ಐದು ಎಂಐ-17 ಹೆಲಿಕಾಪ್ಟರ್​ಗಳು, ಮೂರು ಗಸ್ತು ದೋಣಿಗಳು. ನಾಲ್ಕು ಕೌಂಟರ್-ಆರ್ಟಿಲರಿ ಮತ್ತು ಕೌಂಟರ್-ಮಾನವರಹಿತ ವೈಮಾನಿಕ ವ್ಯವಸ್ಥೆ ಟ್ರ್ಯಾಕಿಂಗ್ ರಾಡಾರ್‌ಗಳು, ನಾಲ್ಕು ಕೌಂಟರ್-ಮಾರ್ಟರ್ ರಾಡಾರ್ ಸಿಸ್ಟಮ್‌ಗಳು, 200 ಗ್ರೆನೇಡ್ ಲಾಂಚರ್‌ಗಳು ಮತ್ತು ಮದ್ದುಗುಂಡುಗಳು

ಕೊನೆಯಾಗುತ್ತಾ ಯುದ್ದ.? NATO ಸದಸ್ಯತ್ವ ನಿರಾಕರಿಸಿ ರಷ್ಯಾ ಜೊತೆ ರಾಜಿ ಇಂಗಿತ ವ್ಯಕ್ತಪಡಿಸಿದ ಉಕ್ರೇನ್​ ಅಧ್ಯಕ್ಷ..!

200 ಶಾಟ್‌ಗನ್‌ಗಳು ಮತ್ತು 200 ಮೆಷಿನ್ ಗನ್‌ಗಳು, ಸುಮಾರು 40 ದಶಲಕ್ಷಕ್ಕೂ ಹೆಚ್ಚು ಮದ್ದುಗುಂಡುಗಳನ್ನು ಹೊಂದಿರುವ ಸಣ್ಣ ಶಸ್ತ್ರಾಸ್ತ್ರ ಮತ್ತು 1 ಮಿಲಿಯನ್​ನಷ್ಟು ಗ್ರೆನೇಡ್, ಮಾರ್ಟರ್ ಮತ್ತು ಫಿರಂಗಿಗಳು, 70 ಹೈ ಮೊಬಿಲಿಟಿ ಮಲ್ಟಿಪರ್ಪಸ್ ವೀಲ್ಡ್ ವೆಹಿಕಲ್ಸ್ (HMMWVs)ಗಳನ್ನು ಅಮೆರಿಕ ಉಕ್ರೇನ್​ಗೆ ರವಾನಿಸಲು ನಿರ್ಧರಿಸಿದೆ.

ಇಷ್ಟೇ ಅಲ್ಲ ಇತರ ವಾಹನಗಳು, ಚಿಕಿತ್ಸೆ ಬೆಂಬಲಿಸಲು ಮತ್ತು ಸ್ಥಳಾಂತರಿಸುವಿಕೆಯನ್ನು ಎದುರಿಸಲು ಮಿಲಿಟರಿ ವೈದ್ಯಕೀಯ ಉಪಕರಣಗಳು ಸೇರಿದಂತೆ ಈಗಾಗಲೇ 1.2 ಶತಕೋಟಿ ಡಾಲರ್​ ಭದ್ರತಾ ನೆರವನ್ನು ಉಕ್ರೇನ್‌ ಅಮೆರಿಕ ತಲುಪಿಸಿದೆ ಅಥವಾ ಭರವಸೆ ನೀಡಿದೆ ಎಂಬುದಾಗಿ ವೈಟ್​ಹೌಸ್ ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.

            ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ