ಶೀಘ್ರದಲ್ಲೇ ಡಿಜಿಟಲ್ ಯೂನಿವರ್ಸಿಟಿ ಸ್ಥಾಪನೆ, ಯಾರ್ಯಾರಿಗೆ ಪ್ರವೇಶ? ಇಲ್ಲಿದೆ ಮಾಹಿತಿ

ಇನ್ನೂ ಆರಂಭಿಕ ಹಂತದಲ್ಲಿರುವ ಈ ಕಲ್ಪನೆಯು ಪ್ರಧಾನಿ ನರೇಂದ್ರ ಮೋದಿಯವರ ಬೆಂಬಲ ಮತ್ತು ಸಾರಥ್ಯವನ್ನು ಹೊಂದಿದೆ. 2022ರ ಕೇಂದ್ರ ಬಜೆಟ್‌ನಲ್ಲಿ ಮಾಡಲಾದ ಘೋಷಣೆಗಳ ಅನುಷ್ಠಾನದಕುರಿತ ವೆಬಿನಾರ್‌ನಲ್ಲಿ ಮೋದಿ ವಿಶ್ವವಿದ್ಯಾನಿಲಯವನ್ನು ಸ್ಥಾಪಿಸುವ ಪ್ರಕ್ರಿಯೆಯನ್ನು ವೇಗಗೊಳಿಸಲು ತೊಡಗಿಸಿಕೊಂಡಿರುವ ಮಧ್ಯಸ್ಥಗಾರರ ಜೊತೆ ಚರ್ಚೆ ನಡೆಸಿದರು. ಡಿಜಿಟಲ್ ವಿಶ್ವವಿದ್ಯಾಲಯ ನಿರ್ಮಾಣ “ಸೀಟುಗಳ ಸಮಸ್ಯೆಯನ್ನು ಪರಿಹರಿಸುತ್ತದೆ” ಎಂದು ಸಭೆಯಲ್ಲಿ ಹೇಳಿದ್ದಾರೆ.

ಡಿಜಿಟಲ್ ವಿಶ್ವವಿದ್ಯಾನಿಲಯ ಎಂದರೇನು?

ವಿವಿಧ ವಿಶ್ವವಿದ್ಯಾನಿಲಯಗಳನ್ನು ಒಟ್ಟುಗೂಡಿಸಿ ಡಿಜಿಟಲ್ ವಿಶ್ವವಿದ್ಯಾನಿಲಯವನ್ನು ರೂಪಿಸುವುದು ಸರ್ಕಾರದ ಯೋಜನೆಯಾಗಿದೆ. ಅದು ನಂತರ ಒಂದೇ ಘಟಕವಾಗಿ ವಿದ್ಯಾರ್ಥಿಗಳನ್ನು ದಾಖಲಿಸಬಹುದು.

ಈ ವಿಶ್ವವಿದ್ಯಾನಿಲಯವು ಅರ್ಹತೆಗಳ ಸಂಪೂರ್ಣ ಶ್ರೇಣಿಯನ್ನು ನೀಡುತ್ತದೆ. ಮತ್ತು ಪ್ರಮಾಣಪತ್ರ, ಕಾರ್ಯಕ್ರಮಗಳು, ಡಿಪ್ಲೊಮಾಗಳು, ಪದವಿಗಳು ಸೇರಿ ವಿದ್ಯಾರ್ಥಿಗಳಿಗೆ ಬೇಕಾದ ಎಲ್ಲಾ ಸೌಲಭ್ಯಗಳನ್ನು ನೀಡುತ್ತದೆ.

ಪ್ರಧಾನಿ, ಉನ್ನತ ಮಟ್ಟದ ಅಧಿಕಾರಿಗಳು, ಶಿಕ್ಷಣ ಸಂಸ್ಥೆಗಳ ಮುಖ್ಯಸ್ಥರು ಮತ್ತು ಎನ್‌ಜಿಒಗಳ ಪ್ರತಿನಿಧಿಗಳನ್ನು ಒಳಗೊಂಡ ಪ್ಯಾನೆಲ್ ಚರ್ಚೆಯು ಡಿಜಿಟಲ್ ವಿಶ್ವವಿದ್ಯಾಲಯವು ಪ್ರಸ್ತುತಪಡಿಸುವ ಅವಕಾಶಗಳು ಮತ್ತು ಸವಾಲುಗಳ ಬಗ್ಗೆ ಸಹ ಚರ್ಚೆ ನಡೆಸಿದೆ.

ಯೂನಿವರ್ಸಿಟಿ ಗ್ರ್ಯಾಂಟ್ಸ್ ಕಮಿಷನ್ (UGC) ಪ್ರಸ್ತಾಪಿಸಿದಂತೆ, ಸೀಟುಗಳ ಸಂಖ್ಯೆಗೆ ಯಾವುದೇ ಮಿತಿ ಇರುವುದಿಲ್ಲ, 12ನೇ ತರಗತಿಯಲ್ಲಿ ಉತ್ತೀರ್ಣರಾದ ಯಾವುದೇ ವಿದ್ಯಾರ್ಥಿ ಇಲ್ಲಿಗೆ ಸೇರಿಕೊಳ್ಳಬಹುದು. ಇದು ಅವಕಾಶಗಳನ್ನು ತೆರೆಯಲು ಮತ್ತು ಭಾರತದ ಪದವಿ ದಾಖಲಾತಿ ಅಂಕಿ ಅಂಶಗಳನ್ನು ಹೆಚ್ಚಿಸಲು ಸಹಾಯ ಮಾಡುವ ಯೋಜನೆಯಾಗಿದೆ. 18-23 ವರ್ಷ ವಯಸ್ಸಿನವರಿಗೆ ಮುಂದಿನ 15 ವರ್ಷಗಳಲ್ಲಿ 50% ಅವಕಾಶ ನೀಡಲಿದೆ.

ಮತ್ತೊಂದೆಡೆ, ಡಿಜಿಟಲ್ ಯೂನಿವರ್ಸಿಟಿ ನಿರ್ಮಾಣದ ಕೆಲವು ಸವಾಲುಗಳಲ್ಲಿ ಸ್ಥಿರ ಡಿಜಿಟಲ್ ಸಂಪರ್ಕ, ಸಾಧನಗಳ ಲಭ್ಯತೆ, ವಿದ್ಯಾರ್ಥಿಗಳ ಗಮನ ಮತ್ತು ಆನ್‌ಲೈನ್ ವಿಷಯದ ವಿತರಣಾ ಶೈಲಿಗಳು ಒಳಗೊಂಡಿವೆ ಎಂದು ಸಭೆಯಲ್ಲಿ ತಿಳಿದು ಬಂದಿದೆ.

ಸಮಿತಿಯಲ್ಲಿ ಏನೆಲ್ಲಾ ಚರ್ಚೆ ನಡೆಯಿತು?

ಎರಡೂವರೆ ಗಂಟೆಗಳ ಕಾಲ ನಡೆದ ಚರ್ಚೆಯಲ್ಲಿ ಕೇಂದ್ರ ಉನ್ನತ ಶಿಕ್ಷಣ ಕಾರ್ಯದರ್ಶಿ ಕೆ. ಸಂಜಯ್ ಮೂರ್ತಿ, ಯುಜಿಸಿ ಅಧ್ಯಕ್ಷ ಎಂ. ಜಗದೀಶ್ ಕುಮಾರ್, ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ (ಎಐಸಿಟಿಇ) ಅಧ್ಯಕ್ಷ ಅನಿಲ್ ಸಹಸ್ರಬುಧೆ, ಐಐಟಿ ಮದ್ರಾಸ್ ನಿರ್ದೇಶಕ ಪ್ರೊಫೆಸರ್ ವಿ. ಕಾಮಕೋಟಿ ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು. ಸ್ವಾತಿ ಎ. ಪಿರಾಮಲ್,

ಎನ್‌ಜಿಒ ಪಿರಾಮಲ್ ಗ್ರೂಪ್‌ನ ಉಪಾಧ್ಯಕ್ಷರು ಸಹ ಉಪಸ್ಥಿತಿಯಲ್ಲಿದ್ದರು. ವೆಬಿನಾರ್ ಸಮಯದಲ್ಲಿ ಬಂದ ಸಲಹೆಗಳ ಮೇರೆಗೆ ಡಿಜಿಟಲ್ ಯೂನಿವರ್ಸಿಟಿಯ ಕುರಿತಾದ ಮುಂದಿನ ಕಾರ್ಯಚರಣೆಗೆ ಸರ್ಕಾರವು ಮುಂದಿನ ಆರು ತಿಂಗಳಿಂದ ಒಂದು ವರ್ಷದ ಕಾಲಾವಧಿಯನ್ನು ನಿರ್ಧರಿಸಿದೆ.

ಚರ್ಚೆಯ ಸಂದರ್ಭದಲ್ಲಿ, ಡಿಜಿಟಲ್ ವಿಶ್ವವಿದ್ಯಾನಿಲಯದಲ್ಲಿ ನೀಡಲಾಗುವ ಸೀಟುಗಳ ಸಂಖ್ಯೆ ಮತ್ತು ಆನ್‌ಲೈನ್ ಕಾರ್ಯಕ್ರಮಗಳ ಸಂಖ್ಯೆಗೆ ಹೆಚ್ಚಿನ ಮಿತಿ ಇರುವುದಿಲ್ಲ ಎಂದು ಯುಜಿಸಿ ಪ್ರಸ್ತಾಪಿಸಿದೆ.

“ಅನೇಕ ಉತ್ತಮ ವಿದ್ಯಾರ್ಥಿಗಳು 12ನೇ ತರಗತಿಯಲ್ಲಿ ಎಷ್ಟು ಅಂಕ ಗಳಿಸಿದ್ದಾರೆ ಎಂಬ ಕಾರಣದಿಂದಾಗಿ ಅವರ ಆಯ್ಕೆಯ ಕಾಲೇಜಿನಲ್ಲಿ ಪ್ರವೇಶ ಪಡೆಯಲು ಸಾಧ್ಯವಾಗುತ್ತಿಲ್ಲ. ಡಿಜಿಟಲ್ ವಿಶ್ವವಿದ್ಯಾಲಯದೊಂದಿಗೆ, ಆ ಸಮಸ್ಯೆಯನ್ನು ಪರಿಹರಿಸಿ, ನಾವು ಇದನ್ನು ಸಾಧ್ಯವಾಗಿಸುತ್ತೇವೆ.

12ನೇ ತರಗತಿಯಲ್ಲಿ ಉತ್ತೀರ್ಣರಾದ ಯಾರಾದರೂ ತಮ್ಮ ಆಯ್ಕೆಯ ಕೋರ್ಸ್‌ನಲ್ಲಿ ಪ್ರವೇಶ ಪಡೆಯಬಹುದು”ಎಂದು ಚರ್ಚೆಯಲ್ಲಿ ಭಾಗಿಯಾಗಿದ್ದ ಜಗದೀಶ್ ಕುಮಾರ್ ಹೇಳಿದರು.

ವಿಶ್ವವಿದ್ಯಾನಿಲಯ ನಿರ್ಮಾಣದ ಸಲುವಾಗಿ ಎಡ್‌ಟೆಕ್‌ ಕಂಪನಿಗಳೊಂದಿಗೆ ಸಹಯೋಗದ ಬಗ್ಗೆ ಷರತ್ತು ಸೇರಿಸಲು ಆಯೋಗವು ಕಾರ್ಯನಿರ್ವಹಿಸುತ್ತಿದೆ ಎಂದು ಅವರು ಹೇಳಿದರು.

ವಿಶ್ವವಿದ್ಯಾನಿಲಯವು ತನ್ನದೇ ಆದ ನಿಯಮಾವಳಿಗಳಿಂದ ನಿಯಂತ್ರಿಸಲ್ಪಡುತ್ತದೆ. ಇದು ಯಾವ ಸಂಸ್ಥೆಗಳು ಡಿಜಿಟಲ್ ವ್ಯವಸ್ಥೆಯ ಭಾಗವಾಗಬಹುದು ಮತ್ತು ಅವರು ಯಾವ ಕೋರ್ಸ್‌ಗಳನ್ನು ನೀಡಬಹುದು ಎಂಬುದನ್ನು ನಿರ್ಧರಿಸುತ್ತದೆ. UGC ಮುಂದಿನ ಎರಡು ತಿಂಗಳೊಳಗೆ ಡಿಜಿಟಲ್ ವಿಶ್ವವಿದ್ಯಾಲಯಕ್ಕೆ ನಿಯಂತ್ರಣ ಚೌಕಟ್ಟನ್ನು ರಚಿಸಲಿದೆ.

ಸರ್ಕಾರವು ಡಿಜಿಟಲ್ ಯೂನಿವರ್ಸಿಟಿಯನ್ನು ಸ್ಥಾಪಿಸಲು ಪಿರಮಲ್ ಫೌಂಡೇಶನ್‌ನಂತಹ ಎನ್‌ಜಿಒಗಳ ಬೆಂಬಲವನ್ನು ಕೋರಿದೆ.

ದಾಖಲಾತಿ ಅನುಪಾತ ಸುಧಾರಿಸುವುದು

ಮುಂದಿನ 15 ವರ್ಷಗಳಲ್ಲಿ ಕಾಲೇಜಿಗೆ ಸೇರುವ 18-23 ವಯಸ್ಸಿನ ಜನಸಂಖ್ಯೆಯ ಶೇಕಡಾವಾರು ಪ್ರಮಾಣವನ್ನು ಪ್ರತಿನಿಧಿಸುವ ಒಟ್ಟು ದಾಖಲಾತಿ ಅನುಪಾತವನ್ನು (GER) 50 ಪ್ರತಿಶತಕ್ಕೆ ತೆಗೆದುಕೊಳ್ಳುವುದು ಡಿಜಿಟಲ್ ವಿಶ್ವವಿದ್ಯಾಲಯದ ಕಲ್ಪನೆಯಾಗಿದೆ.

ಇತ್ತೀಚಿನ ಅಖಿಲ ಭಾರತ ಉನ್ನತ ಶಿಕ್ಷಣ ಸಮೀಕ್ಷೆ  ಪ್ರಕಾರ ಭಾರತದಲ್ಲಿ ಪ್ರಸ್ತುತ GER ಸುಮಾರು 27 ಪ್ರತಿಶತದಷ್ಟಿದೆ. AISHE ವರದಿ 2019-20 ಮತ್ತು U-DISE – ಯುನಿಫೈಡ್ ಡಿಸ್ಟ್ರಿಕ್ಟ್ ಇನ್ಫರ್ಮೇಷನ್ ಸಿಸ್ಟಮ್ ಫಾರ್ ಎಜುಕೇಶನ್,

ಸರ್ಕಾರದಿಂದ ನಿರ್ವಹಿಸಲ್ಪಡುವ ಶಾಲೆಗಳ ಡೇಟಾಬೇಸ್ – ಅದೇ ವರ್ಷದ ವರದಿ, ಚರ್ಚೆಯಲ್ಲಿ ಪ್ರಸ್ತುತಪಡಿಸಲಾಗಿದೆ, ಇದು ವಿದ್ಯಾರ್ಥಿಗಳ ಸಂಖ್ಯೆ ಮತ್ತು ಅವರು ಉನ್ನತ ಶಿಕ್ಷಣಕ್ಕೆ ಹೋದಂತೆ ವ್ಯವಸ್ಥೆಯು ಕಡಿಮೆಯಾಗುತ್ತಿರುವುದನ್ನು ಸೂಚಿಸಿದೆ.

ಅಂಕಿಅಂಶಗಳ ಪ್ರಕಾರ 8ನೇ ತರಗತಿಯಲ್ಲಿ 215 ಲಕ್ಷ ವಿದ್ಯಾರ್ಥಿಗಳಿದ್ದರೆ, ಪದವಿ ಹಂತದಲ್ಲಿ 84.65 ಲಕ್ಷಕ್ಕೆ ಇಳಿದಿದೆ. ಮತ್ತು ಹೆಚ್ಚಿನ ಪದವಿಪೂರ್ವ ವಿದ್ಯಾರ್ಥಿಗಳು ಕಲೆ, ವಿಜ್ಞಾನ ಮತ್ತು ವಾಣಿಜ್ಯದಲ್ಲಿ ಸ್ನಾತಕೋತ್ತರ ಪದವಿಗಳಿಗೆ ಹೋಗುತ್ತಾರೆ. ಪ್ರಸ್ತುತ ಎಂಜಿನಿಯರಿಂಗ್, ಮ್ಯಾನೇಜ್‌ಮೆಂಟ್ ಮತ್ತು ಕಂಪ್ಯೂಟರ್ ವಿಷಯಗಳನ್ನು ಆರಿಸಿಕೊಳ್ಳುವುದು ಕಡಿಮೆಯಾಗಿದೆ ಎನ್ನಲಾಗಿದೆ.

ಈ ಕಾರಣದಿಂದಾಗಿ, “ಸ್ನಾತಕೋತ್ತರ ಪದವಿಯನ್ನು ಮರುರೂಪಿಸುವ” ಮತ್ತು “ಉದ್ಯೋಗ-ಆಧಾರಿತ ಕೋರ್ಸ್‌ಗಳನ್ನು” ಹೊಂದುವ ಅವಶ್ಯಕತೆಯಿದೆ. ಈ ಹಿನ್ನೆಲೆ ಕೇಂದ್ರ ಸರ್ಕಾರ ಡಿಜಿಟಲ್ ವಿಶ್ವವಿದ್ಯಾನಿಲಯ ಸ್ಥಾಪಿಸುವ ಗುರಿ ಹೊಂದಿದೆ.