ಬೆಂಗಳೂರು:
ಕರ್ನಾಟಕದಲ್ಲಿ ಅತ್ಯಂತ ಹಿರಿಯ ವಯಸ್ಸಿನ ಕೊರೊನಾ ರೋಗಿ ಗುಣಮುಖರಾಗಿ ಡಿಸ್ಜಾರ್ಜ್ ಆಗಿದ್ದಾರೆ.
ಕೊರೊನಾ ವೈರಸ್ ಭಯ ಬೇಡ ಕಾಳಜಿ ವಹಿಸಿ ಅಂತ ಸರ್ಕಾರ, ಆರೋಗ್ಯ ಇಲಾಖೆ, ವೈದ್ಯ ಲೋಕ ಜಾಗೃತಿ ಮೂಡಿಸುತ್ತಲೇ ಇದೆ. ಕೊರೊನಾ ಭಯಕ್ಕೆ ಅದೆಷ್ಟೋ ಜನ ಆಸ್ಪತ್ರೆ ಮೆಟ್ಟಿಲು ಹತ್ತುವುದಕ್ಕೂ ಹಿಂಜರಿಯುತ್ತಾರೆ. ಆದರೆ, ವೈದ್ಯ ಲೋಕಕ್ಕೆ ಸಂತಸ ಮೂಡಿಸಿದ್ದಾರೆ ಈ ಅಜ್ಜಿ.
‘ಮಾರ್ಸಿಲಿನ್ ಸಾಲ್ಡಾನಾ’ ಎಂಬ 99 ವರ್ಷ ತುಂಬಿ 100ನೇ ವಸಂತಕ್ಕೆ ಕಾಲಿಟ್ಟಿದ್ದ ವೃದ್ಧೆಗೆ ಕೊರೊನಾ ಕಾಡಿತ್ತು. ಜೂನ್ 18ಕ್ಕೆ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಾಗಿದ್ದರು. ಬೆಂಗಳೂರಿನ ಕುಮಾರಸ್ವಾಮಿ ಲೇಔಟ್ ನಿವಾಸಿಯಾಗಿರುವ ವೃದ್ಧೆಯ ಪುತ್ರ – ಸೊಸೆ – ಮೊಮ್ಮಕ್ಕಳಿಗೆ ಸೋಂಕು ತಗುಲಿತ್ತು.
