ಬೆಂಗಳೂರು :
‘ನೋ ಹೆಲ್ಮೆಟ್ – ನೋ ಪೆಟ್ರೋಲ್’ ನಿಯಮವನ್ನು ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಕಡ್ಡಾಯಗೊಳಿಸಲಾಗಿದ್ದು, ಸೋಮವಾರದಿಂದಲೇ ಈ ಆದೇಶ ಜಾರಿಗೆ ಬರಲಿದೆ.
ಈಗಾಗಲೇ ನಗರದ ಕೆಲವು ಬಂಕ್ಗಳಲ್ಲಿ ಈ ನಿಯಮ ಜಾರಿಯಲ್ಲಿದೆ. ಬಳಿಕ ನಿಯಮವನ್ನು ಪರಿಣಾಮಕಾರಿಯಾಗಿ ಜಾರಿ ಮಾಡಲಾಗುತ್ತದೆ. ಆ ದಿನದಿಂದ ಸವಾರರು ಹೆಲ್ಮೆಟ್ ಧರಿಸಿರದಿದ್ದರೆ ದ್ವಿಚಕ್ರ ವಾಹನಕ್ಕೆ ಪೆಟ್ರೋಲ್ ಸಿಗುವುದಿಲ್ಲ ಎಂದು ಸಂಚಾರ ವಿಭಾಗದ ಹೆಚ್ಚುವರಿ ಪೊಲೀಸ್‌ ಆಯುಕ್ತ ಪಿ.ಹರಿಶೇಖರನ್‌ ತಿಳಿಸಿದ್ದಾರೆ.
ಅಮೆರಿಕದ ಅಧ್ಯಯನದ ಪ್ರಕಾರ, ಉತ್ತಮ ಹೆಲ್ಮೆಟ್ಗಳು ಧರಿಸುವುದರಿಂದ ಅಪಘಾತಗೊಂಡ ಗಾಯಾಳು ಬದುಕುವ ಸಾಧ್ಯತೆ ಶೇ 42ರಷ್ಟು ಹೆಚ್ಚಿರುತ್ತದೆ. ಅಲ್ಲದೇ ಶೇ69ರಷ್ಟು ಜನರು ಗಾಯಗೊಳ್ಳುವುದರಿಂದ ಪಾರಾಗಬಹುದು. ಈ ಹಿನ್ನೆಲೆಯಲ್ಲಿ ಪೆಟ್ರೋಲ್ ಬಂಕ್ಗಳಲ್ಲಿ ಇನ್ಮುಂದೆ ಹೆಲ್ಮೆಟ್ ಇದ್ದರೆ ಮಾತ್ರ ಇಂಧನ ನೀಡುವಂತೆ ಬಂಕ್ ಮಾಲೀಕರಿಗೆ ಸೂಚನೆ ನೀಡಲಾಗುವುದ. ಆಗಸ್ಟ್ 5ರಿಂದ ಈ ಯೋಜನೆ ಚಾಲನೆಗೆ ಬರುವ ಸಾಧ್ಯತೆ ಇದ್ದು, ಈ ಮೂಲಕ ಪ್ರಯಾಣಿಕರ ಸುರಕ್ಷತೆ ಒಂದು ಹೆಜ್ಜೆ ಮುಂದಿಡಲಾಗುವುದು ಎಂದರು.
ಈ ಕುರಿತು ಚರ್ಚಿಸಲು ಒಂದೆರೆಡು ದಿನಗಳಲ್ಲಿ ಬಂಕ್ ಮಾಲೀಕರ ಸಭೆ ಕರೆಯಲಾಗುತ್ತದೆ. ಈ ವೇಳೆ ಅವರ ಸಹಕಾರ, ನೆರವಿನೊಂದಿಗೆ ಅವರಿಂದ ಒಂದು ಒಳ್ಳೆಯ ಕೆಲಸಕ್ಕೆ ಸಾಮಾಜಿಕ ಜಾಗೃತಿ ಮೂಡಿಸಲು ನಿಯಮ ಜಾರಿ ಮಾಡುವ ಬಗ್ಗೆ ಅಂತಿಮ ತೀರ್ಮಾನ ಕೈಗೊಳ್ಳಲಾಗುತ್ತದೆ ಎಂದು ಅವರು ತಿಳಿಸಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
