ಬಾಗಲಕೋಟೆ:
ಹಲ್ಲಿರಲಿ, ಹಲ್ಲಿಲ್ಲದೇ ಇರಲಿ ಹಾವಿಗೆ ಹಾಲು ಎರೆಯಲೇಬೇಕು ಮಾಜಿ ಸಿಎಂ ಸಿದ್ದರಾಮಯ್ಯ ಶೋಭಾ ಕರಂದ್ಲಾಜೆ ವಿರುದ್ಧ ಹರಿಹಾಯ್ದಿದ್ದಾರೆ.
ನಿನ್ನೆ ನಗರದಲ್ಲಿ ಮಾತನಾಡುತ್ತಿದ್ದ ಸಂಸದೆ ಶೋಭಾ ಕರಂದ್ಲಾಜೆ, ಮಾಜಿ ಸಿಎಂ ಸಿದ್ದರಾಮಯ್ಯ ಹಲ್ಲಿಲ್ಲದ ಹಾವು. ಅವರಿಗೆ ಈಗ ಯಾರೂ ಹಾಲೆರೆಯುತ್ತಿಲ್ಲ ಎಂದು ಹೇಳಿದ್ದರು. ಈ ಹೇಳಿಕೆಗೆ ತಿರುಗೇಟು ನೀಡಿದ ಅವರು, ಹಲ್ಲಿರಲಿ, ಹಲ್ಲಿಲ್ಲದೇ ಇರಲಿ ಹಾವಿಗೆ ಹಾಲು ಎರೆಯಲೇಬೇಕು. ನಾನು ಮನುಷ್ಯ, ಒಬ್ಬ ಹ್ಯೂಮನ್ ಬಿಯಿಂಗ್. ಎಲ್ಲೋ ಶೋಭಾ ಕರಂದ್ಲಾಜೆ ಅವರೇ ಹಾವಿನ ಕುಟುಂಬಕ್ಕೆ ಸೇರಿದವರಿರಬೇಕು. ಹೀಗಾಗಿ ಮಾತನಾಡುತ್ತಾರೆ. ಮಾತಾಡುವಾಗ ಅವರು ಬಹಳ ಜವಾಬ್ದಾರಿಯಿಂದ ಮಾತನಾಡಬೇಕು ಎಂದು ತಿಳಿಸಿದ್ದಾರೆ.
ಯಡಿಯೂರಪ್ಪನಿಗೆ ಸತ್ಯ ಹೇಳಿ ಗೊತ್ತಿಲ್ಲ ಎಂದು ನಾನು ಹಲವು ಬಾರಿ ಹೇಳಿದ್ದೇನೆ. ಯಡಿಯೂರಪ್ಪರ ಬಳಿ ಬಾಂಬೇ ಇಲ್ಲ, ಇದ್ರೆ ತಾನೆ ಹುಸಿಯಾಗೋದು. ಬಾಂಬ್ ಇಲ್ಲ ಅಂದ ಮೇಲೆ ಹುಸಿಯೂ ಆಗಲ್ಲ, ಬ್ಲಾಸ್ಟೂ ಆಗಲ್ಲ ಎಂದು ಸಿದ್ದರಾಮಯ್ಯ ವ್ಯಂಗ್ಯವಾಡಿದ್ದಾರೆ.
ಜೆಡಿಎಸ್ ಹಾಗೂ ಕಾಂಗ್ರೆಸ್ ಜಂಟಿಯಾಗಿ ಉಪ ಚುನಾವಣಾ ಪ್ರಚಾರ ವಿಚಾರಕ್ಕೆ ಪ್ರತಿಕ್ರಿಯಿಸಿ, ಮುಂಬರುವ 20 ರಂದು ಬೆಂಗಳೂರಿನಲ್ಲಿ ಕಾಂಗ್ರೆಸ್ -ಜೆಡಿಎಸ್ ಜಂಟಿ ಪತ್ರಿಕಾಗೋಷ್ಠಿ ಕರೆಯುತ್ತೇವೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
