ಇಷ್ಟುದಿನ ರಷ್ಯಾ ಯುದ್ಧಾಪರಾಧಗಳನ್ನ ಮಾಡ್ತಿದೆ, ಅಮಾಯಕರನ್ನ ಸಾಮೂಹಿಕವಾಗಿ ಹತ್ಯೆ ಮಾಡ್ತಿದೆ ಅಂತ ಸಾಲು ಸಾಲು ಆರೋಪ ಮಾಡಿದ್ದ ಯುಕ್ರೇನ್ ಬಣ್ಣ ಕೂಡ ಈಗ ಬಯಲಾಗಿದೆ. ಯುಕ್ರೇನ್ ಯೋಧರು ಯುದ್ಧಾಪರಾಧ ಮಾಡ್ತಿರೋದು ವಿಡಿಯೋವೊಂದರಲ್ಲಿ ಗೊತ್ತಾಗಿದೆ.
ಟೆಲಿಗ್ರಾಂನಲ್ಲಿ ಹರಿದಾಡ್ತಿರೋ ಈ ವಿಡಿಯೋದಲ್ಲಿ, ರಷ್ಯಾದ ಯುದ್ಧ ಖೈದಿಗಳನ್ನ ಯುಕ್ರೇನ್ ಯೋಧರು ಗುಂಡಿಕ್ಕಿ ಕೊಂದಿರೋದು ಬೆಳಕಿಗೆ ಬಂದಿದೆ. ರಷ್ಯಾದ ಒಟ್ಟು ನಾಲ್ವರು ಯೋಧರನ್ನ ಹೀಗೆ ಕೊಲ್ಲಲಾಗಿದೆ. ಯುಕ್ರೇನ್ ಯೋಧರೇ ರಷ್ಯಾ ಯೋಧರನ್ನ ಕೊಂದಿರೋದಕ್ಕೆ ಯೋಧರ ನಡುವಿನ ಸಂಭಾಷಣೆ, ಅವರ ಸಮವಸ್ತ್ರಗಳೇ ಸಾಕ್ಷಿ. ರಷ್ಯಾ ಯೋಧರನ್ನ ಕೊಂದ ಬಳಿಕ ಯುಕ್ರೇನ್ ಯೋಧರು ಯುಕ್ರೇನ್ ಪರ ಘೋಷಣೆಗಳನ್ನ ಕೂಗಿದ್ದಾರೆ.
ರಷ್ಯಾ ಯೋಧರ ಮೃತದೇಹಳ ಸಮೀಪದಲ್ಲೇ ರಷ್ಯಾದ ಟ್ಯಾಂಕ್ವೊಂದು ನಿಂತಿದೆ. ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರೋ ಈ ವಿಡಿಯೋವನ್ನ ನ್ಯೂಯಾರ್ಕ್ ಟೈಮ್ಸ್ ಮತ್ತು ಬಿಬಿಸಿ ವೇರಿಫೈ ಮಾಡಿದೆ. ಯುಕ್ರೇನ್ ರಾಜಧಾನಿ ಕಿಯವ್ ಹೊರವಲಯದ ಮಿಟ್ರಿವ್ಕಾ ಅನ್ನೋಕಡೆ ಈ ಘಟನೆ ನಡೆದಿದೆ. ಅಂತಾರಾಷ್ಟ್ರೀಯ ಕಾನೂನು ಪ್ರಕಾರ ಯುದ್ಧಖೈದಿಗಳ ಈ ರೀತಿ ನಡೆದುಕೊಳ್ಳುವಂತಿಲ್ಲ. ಘಟನೆ ಬಗ್ಗೆ ಪ್ರತಿಕ್ರಿಯಿಸಿರೋ ಯುಕ್ರೇನ್ ವಿದೇಶಾಂಗ ಮಂತ್ರಿ ಕುಲೇಬಾ, ನಾವು ಖಂಡಿತವಾಗಿಯೂ ಈ ಬಗ್ಗೆ ತನಿಖೆ ನಡೆಸ್ತೀವಿ ಎಂದಿದ್ದಾರೆ.
ಪತ್ರಕರ್ತರ ಬಟ್ಟೆ ಬಿಚ್ಚಿಸಿದ ಮಧ್ಯ ಪ್ರದೇಶ ಪೊಲೀಸ್‌: ರಾಹುಲ್‌ ಗಾಂಧಿ ಆಕ್ರೋಶ
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ
