ಟಾಲಿವುಡ್ ನ ಯಂಗ್ ಟೈಗರ್ ಎನ್ ಟಿ ಆರ್ ಅಭಿನಯಿಸುತ್ತಿರುವ ಅರವಿಂದಸಮೇತ ವೀರಾ ರಾಘವ ಚಿತ್ರದ ಬಗ್ಗೆ ಅಭಿಮಾನಿಗಳಿಗೆ ಕೂತೂಹಲ ಹೆಚ್ಚಾಗಿಯೇ ಇದೆ. ಇದೀಗ ಕುತೂಹಲ ಹೆಚ್ಚಿಸಲು ಚಿತ್ರತಂಡ ಟೀಸರ್ ಒಂದನ್ನು ಬಿಡುಗಡೆ ಮಾಡಿದೆ.
ಯಂಗ್ ಟೈಗರ್ ಎನ್ ಟಿ ಆರ್ ಅಭಿನಯಿಸುತ್ತಿರುವ ನೂತನ ಚಿತ್ರ ರವಿಂದ ಸಮೇತ ವೀರಾ ರಾಘವ. ಈ ಚಿತ್ರವನ್ನು ನಿರ್ದೇಶಕ ತ್ರಿವಿಕ್ರಮ್ ನಿರ್ದೇಶನ ಮಾಡುತ್ತಿದ್ದಾರೆ. ಎನ್ ಟಿಆರ್ ಮತ್ತು ತ್ರಿವಿಕ್ರಮ್ ಕಾಂಬಿನೇಷನ್ ನಲ್ಲಿ ಮೂಡಿ ಬರುತ್ತಿರುವ ಮೊದಲ ಚಿತ್ರ ಇದಾಗಿದ್ದು, ಈ ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ನಿರೀಕ್ಷೆಗಳು ಸಾಕಷ್ಟಿವೆ.
ಈ ಚಿತ್ರದಲ್ಲಿ ಎನ್ ಟಿಆರ್ ಸಿಕ್ಸ್ ಪ್ಯಾಕ್ ಲುಕ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನು ಈ ಚಿತ್ರದ ಟೀಸರ್ ಬಿಡುಗಡೆ ಮಾಡಲಾಗುತ್ತೆ ಎಂಬ ಸುದ್ದಿಗೆ ಸಂಭ್ರಮಿಸಿದ್ದ ಅಭಿಮಾನಿಗಳಿಗೆ ಇಂದು ಡಬಲ್ ಧಮಾಕ ರೀತಿಯಲ್ಲಿ ಹಬ್ಬದ ವಾತಾವರಣ ಸೃಷ್ಠಿಯಾಗಿದೆ. ಒಂದು ಕಡೆ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮವಾದರೆ ಇನ್ನೊಂದು ಕಡೆ ಎನ್ ಟಿ ಆರ್ ಚಿತ್ರದ ಟೀಸರ್ ಬಿಡುಗಡೆ ಗೊಂಡಿದ್ದು ಅಭಿಮಾನಿಗಳಿಗೆ ಹಬ್ಬ ತಂದಂತಾಗಿದೆ.
ರಾಯಲಸೀಮ ಭಾಷಾ ಶೈಲಿಯಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರದಲ್ಲಿ ಫವರ್ ಫುಲ್ ಡೈಲಾಗ್ ಗಳು ಕೇಳಿ ಬರುತ್ತಿವೆ. ಜಗಪತಿ ಬಾಬು ವಿಲನ್ ಆಗಿ ಅಭಿನಯ ಮಾಡುತ್ತಿದ್ದು, ಹೀರೋ ಮತ್ತು ವಿಲನ್ ಇಬ್ಬರಿಗೂ ಸರಿಸಮವಾಗಿ ಡೈಲಾಗ್ ಗಳನ್ನು ಬರೆದಿದ್ದಾರೆ ತ್ರಿವಿಕ್ರಮ್.
ಎನ್ ಟಿಆರ್ ನ ಡೈಲಾಗ್ ಡೆಲಿವರಿ ಬಗ್ಗೆ ಮಾತನಾಡುವಂತಿಲ್ಲ ಎನ್ನುತ್ತಿದೆ ಚಿತ್ರತಂಡ. ಸಿನಿಮಾಗಾಗಿ ಎಂತಹ ಡೈಲಾಗ್ ಕೊಟ್ಟರೂ ಅದಕ್ಕೆ ನ್ಯಾಯ ಒದಗಿಸುತ್ತಾರೆ ನಟ ಎನ್ ಟಿ ಆರ್. ಈ ನಿಟ್ಟಿನಲ್ಲಿ ಎನ್ ಟಿಆರ್ ಗಾಗಿಯೇ ಫವರ್ ಫುಲ್ ಡೈಲಾಗ್ ಗಳನ್ನು ಬರೆಯಲಾಗಿದೆ ಎಂಬುದು ಚಿತ್ರತಂಡದ ಮಾಹಿತಿಯಾಗಿದೆ.
ಎನ್ ಟಿಆರ್ ಜೊತೆಗೆ ನಾಯಕಿಯಾಗಿ ಪೂಜಾ ಹೆಗಡೆ ಅಭಿನಯಿಸುತ್ತಿದ್ದು, ಇಷಾರೆಬ್ಬ ಎರಡನೇ ನಾಯಕ ನಟಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಎನ್ ಟಿಆರ್ ತಂದೆಯಾಗಿ ಮೆಗಾ ಬ್ರದರ್ ನಾಗಬಾಬು ಅಭಿನಯಿಸಿದ್ದಾರೆ.
