ಕೇರಳ :
The Citizenship Amendment Bill is an attack on the secular and democratic character of India. The move to decide citizenship on the basis of religion amounts to a rejection of the Constitution. It will only take our country backward. Our hard-fought freedom is at stake. pic.twitter.com/Yg9Y8QJLUx
— Pinarayi Vijayan (@vijayanpinarayi) December 11, 2019
ರಾಜ್ಯಸಭೆಯಲ್ಲಿ ಬುಧವಾರ ಅಂಗೀಕರಿಸಲ್ಪಟ್ಟ ವಿವಾದಾತ್ಮಕ ಪೌರತ್ವ (ತಿದ್ದುಪಡಿ) ಮಸೂದೆಗೆ ಪ್ರತಿಕ್ರಿಯಿಸಿದ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್, ಈ ವಿಧೇಯಕವು ಭಾರತೀಯ ಸಂವಿಧಾನದ ಅಡಿಪಾಯವನ್ನೇ ಛಿದ್ರಗೊಳಿಸಿದೆ ಎಂದು ಹೇಳಿದರು.
ಪೌರತ್ವ (ತಿದ್ದುಪಡಿ) ಮಸೂದೆಯು ಮುಸ್ಲಿಮೇತರ ನಿರಾಶ್ರಿತರಾದ ಹಿಂದೂ, ಸಿಖ್, ಬೌದ್ಧ, ಜೈನ್, ಪಾರ್ಸಿ ಮತ್ತು ಮೂರು ದೇಶಗಳ (ಅಫ್ಘಾನಿಸ್ತಾನ, ಬಾಂಗ್ಲಾದೇಶ ಮತ್ತು ಪಾಕಿಸ್ತಾನ) ಕ್ರಿಶ್ಚಿಯನ್ ನಿರಾಶ್ರಿತರಿಗೆ ಭಾರತೀಯ ಪೌರತ್ವಕ್ಕೆ ಅರ್ಜಿ ಸಲ್ಲಿಸಲು ಅನುವು ಮಾಡಿಕೊಡುತ್ತದೆ.
“ಸಂಸತ್ತಿನಲ್ಲಿ ಎರಡು ಸದನದಲ್ಲಿ ಅಂಗೀಕಾರವಾದ ಮಸೂದೆ ಭಾರತೀಯ ಸಂವಿಧಾನದ ಅಡಿಪಾಯವನ್ನು ಅಲುಗಾಡಿಸಿದೆ ಪೌರತ್ವ (ತಿದ್ದುಪಡಿ) ಮಸೂದೆಯೂ ಭಾರತ ಇಷ್ಟೂ ದಿನ ಪಾಲಿಸಿದ ಜಾತ್ಯತೀತತೆಯ ಪರಿಕಲ್ಪನೆಗೆ ಸನಿಹದಲ್ಲೂ ಇಲ್ಲ ಎಂದಿದ್ದಾರೆ. ದೇಶದ ಅಸ್ಸಾಂ ಭಾಗಗಳಲ್ಲಿ ಪ್ರತಿಭಟನೆಗೆ ನಾಂದಿ ಹಾಡಿದ ವಿವಾದಾತ್ಮಕ ಮಸೂದೆಯನ್ನು ಬುಧವಾರ ರಾಜ್ಯಸಭೆಯಲ್ಲಿ ಅಂಗೀಕರಿಸಲಾಗಿದ್ದು, 125 ಸದಸ್ಯರು ಪರವಾಗಿ ಮತ ಚಲಾಯಿಸಿದ್ದಾರೆ ಮತ್ತು ವಿರುದ್ಧ 105 ಮತ ಚಲಾಯಿಸಿದ್ದಾರೆ.
“ಈ ಶಾಸನದಿಂದ ಜನರು ಕೋಮುವಾದಿಗಳಾಗುತ್ತಾರೆ ಇದರಿಂದ ಮತವಾರು ವಿಭಜನೆ ಸುಲಭ ಮತ್ತು ಅವರಲ್ಲಿ ಘರ್ಷಣೆಯನ್ನು ಸೃಷ್ಟಿಸಲು ಆರ್‌ಎಸ್‌ಎಸ್‌ನ ವಕ್ರ ಕಲ್ಪನೆಯ ಉತ್ಪನ್ನವಾಗಿದೆ. ಕೋಮುವಾದ ಮತ್ತು ಜನರ ನಡುವಿನ ದ್ವೇಷವೇ ಅವರ ರಾಜಕೀಯ ಅಸ್ತ್ರಗಳು ಎಂದು ಬಿಜೆಪಿ ಮತ್ತೊಮ್ಮೆ ಸಾಬೀತುಪಡಿಸಿದೆ ”ಎಂದು ಪಿನರಾಯ್ ಹೇಳಿದರು.
“ಫ್ಯಾಸಿಸಂ ಅನ್ನು ಕೆಂದ್ರ ಸರ್ಕಾರ ವೈರಸ್ ನಂತೆ ನಿಧಾನವಾಗಿ ನಿಖರವಾಗಿ ಹರಡುತ್ತಿದೆ. ಇದನ್ನು ತಡೆಯಲು ಬಲವಾದ ಕಾರ್ಯವಿಧಾನ ಇರಬೇಕಿದೆ , ”ಎಂದು ಅವರು ಹೇಳಿದರು.ಏತನ್ಮಧ್ಯೆ, ಮಸೂದೆಯನ್ನು ಕಾನೂನು ಬದ್ಧವಾಗಿ ಮತ್ತು ರಾಜಕೀಯವಾಗಿ ವಿರೋಧಿಸಲಾಗುವುದು ಎಂದು ಪ್ರತಿಪಕ್ಷ ನಾಯಕ ರಮೇಶ್ ಚೆನ್ನಿಥಾಲಾ ಹೇಳಿದ್ದಾರೆ.
“ಧರ್ಮದ ಹೆಸರಿನಲ್ಲಿ ಪೌರತ್ವ ನೀಡುವುದನ್ನು ಯಾವುದೇ ರೀತಿಯಲ್ಲೂ ಸ್ವೀಕಾರಾರ್ಹವಲ್ಲ. ಧರ್ಮದ ಆಧಾರದ ಮೇಲೆ ದೇಶವನ್ನು ವಿಭಜಿಸುವುದು ಬ್ರಿಟಿಷರ ಆಲೋಚನೆಯಾಗಿತ್ತು. ಅದರ ಫಲಿತಾಂಶವೆಂದರೆ ದೇಶದ ವಿಭಜನೆ ಮತ್ತು ನಂತರದ ಕೋಮು ಗಲಭೆಗಳು. ಅಮಿತ್ ಶಾ ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರು ಅದೇ ಹಾದಿಯನ್ನು ಅನುಸರಿಸುತ್ತಿದ್ದಾರೆ ”ಎಂದು ರಮೇಶ್ ಚೆನ್ನಿಥಾಲಾ ಹೇಳಿದರು.
ಸುಪ್ರೀಂ ಕೋರ್ಟ್‌ನಲ್ಲಿ ಈ ಕಾನೂನಿನ ವಿರುದ್ದ ಕಾನೂನುಬದ್ಧವಾಗಿ ಹೋರಾಡುವ ಮೂಲಕ ಮತ್ತು ಬೀದಿಗಳಲ್ಲಿ ಪ್ರತಿಭಟಿಸುವ ಮೂಲಕ ಕಾಂಗ್ರೆಸ್ ಸಿಎಬಿಗೆ ಸವಾಲು ಹಾಕಲಿದೆ ಎಂದು ಅವರು ಹೇಳಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
