ಮಿಡಿಗೇಶಿ
ತರಕಾರಿ ಹೊತ್ತೊಯ್ಯುತ್ತಿದ್ದ ಬುಲೆರೋ ವಾಹನ ಟೈರ್ ಸಿಡಿದು ರಸ್ತೆಯಲ್ಲಿ ಪಲ್ಟಿ ಹೊಡೆದಿದೆ. ತರಕಾರಿಯೆಲ್ಲಾ ರಸ್ತೆಯಲ್ಲಿ ಚೆಲ್ಲಾಪಿಲಿಯಾಗಿ ಬಿದ್ದು ದೋಸ್ತ್ ವಾಹನದ ಚಾಲಕ ಮಂಜುನಾಥ್ ಮತ್ತು ಮತ್ತೋರ್ವ ರವಿ ಎಂಬಿಬ್ಬರು ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಮಿಡಿಗೇಶಿ ಬಸ್ ನಿಲ್ದಾಣದಲ್ಲಿ ಎಂ.ಇ.ಎಸ್ ಕಾನ್ವೆಂಟ್ ಶಾಲೆಯ ಮುಂಭಾಗ ಆ. 3 ರಂದು ಬೆಳಗಿನ ಜಾವ 4-30 ಗಂಟೆಯ ಸಮಯದಲ್ಲಿ ಈ ಘಟನೆ ಜರುಗಿದೆ. ದೋಸ್ತ್ ವಾಹನ ಟೈರ್ ಸಿಡಿದ ಕರ್ಕಶ ಶಬ್ದಕ್ಕೆ ಸಮೀಪದ ಪೊಲೀಸ್ ಠಾಣೆಯಲ್ಲಿ ಕರ್ತವ್ಯ ನಿರತರಾಗಿದ್ದ ಗೋವಿಂದರಾಜು ಹಾಗೂ ಸಿಬ್ಬಂದಿ ಸ್ಥಳಕ್ಕೆ ಬೇಟಿ ನೀಡಿದ್ದಾರೆ. ರಸ್ತೆ ಮಧ್ಯೆ ಪಲ್ಟಿಯಾಗಿ ಬಿದ್ದಿದ್ದ ವಾಹನವನ್ನು ತೆಗೆಸಿದ್ದು, ಪ್ರಕರಣವನ್ನು ದಾಖಲಿಸಿಕೊಳ್ಳಲಾಗಿದೆ. ಚಾಲಕ ಮಂಜುನಾಥ್ ಹಾಗೂ ರವಿ ಪಾವಗಡ ಪಟ್ಟಣದ ನಿವಾಸಿಗಳಾಗಿರುತ್ತಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
