ಕಾಲೇಜಿಗೆ ಚಕ್ಕರ್ ಹಾಕಿ ಮಟಮಟ ಮಧ್ಯಾಹ್ನವೇ ಸ್ಮಾರ್ಟ್ ಸಿಟಿ ಪಾರ್ಕ್ನಲ್ಲಿ ಪ್ರೇಮಿಗಳು ಡ್ಯುಯೆಟ್ ಬಿಜಿಯಾಗಿದ್ದಾರೆ. ಪ್ರಜ್ಞೆ ಮರೆತು ಪಾರ್ಕ್ನಲ್ಲೇ ಪ್ರೇಮಿಗಳು ಪರಸ್ಪರ ಚುಂಬಿಸಿತ್ತಾ ಸಾರ್ವಜನಿಕರಿಗೆ ಹಿರಿಸುಮುರಿಸು ಉಂಟು ಮಾಡುತ್ತಿದ್ದಾರೆ.
ಪ್ರೇಮಿಗಳ ಲವ್ವಿಡವ್ವಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ತುಮಕೂರು ನಗರದ ಹೃದಯ ಭಾಗದಲ್ಲಿ ಈ ಪಾರ್ಕ್ ಇದೆ. ಇದರ ಪಕ್ಕವೇ ಪಿಯು ಕಾಲೇಜು ಮೈದಾನವೂ ಇದೆ. ಈ ಪಾರ್ಕ್ಗೆ ಸಾಲು ಮರದ ತಿಮ್ಮಕ್ಕ ಪಾರ್ಕ್ ಎಂದು ಹೆಸರಿದೆ. ಸ್ಮಾರ್ಟ್ ಸಿಟಿ ಕಾಮಗಾರಿಯಿಂದ ಪಾರ್ಕ್ ಅನ್ನು ಅಭಿವೃದ್ಧಿ ಪಡಿಸಲಾಗಿದೆ. ಹಿರಿಯ ನಾಯಕರಿಗೆ ಅನುಕೂಲವಾಗಬೇಕಿದ್ದ ಪಾರ್ಕ್ ಈಗ ಪ್ರೇಮಿಗಳ ಪಾಲಾಗಿದೆ.
ಕೆಲ ವಿದ್ಯಾರ್ಥಿಗಳು ಕಾಲೇಜಿಗೆ ಬಂಕ್‌ ಹಾಕಿ ಪಾರ್ಕ್ನಲ್ಲಿ ಮೈಮರೆಯುತ್ತಾ ಕೂರುತ್ತಿರುವ ದೃಶ್ಯ ಇತರರಿಗೂ ಮುಜುಗರ ಉಂಟು ಮಾಡಿದೆ.
ಚಿಕ್ಕ ವಯಸ್ಸಿಗೆ ಲವ್ ಅಂತ ಹೋಗಿ ಅದೆಷ್ಟು ಜನರ ಬದುಕು ಹಾಳಾಗಿದೆ. ಮದ್ವೆ ಆಗ್ತಾರೆ ಅಂತ ಗ್ಯಾರಂಟಿನೂ ಇಲ್ಲ. ಗಟ್ಟಿ ನಿರ್ಧಾರವೂ ತೆಗೆದುಕೊಳ್ಳೋಕೆ ಆಗದೆ, ಬದುಕು ಕಟ್ಟಿಕೊಳ್ಳೋಕು ಆಗದೆ ಸಾವಿನ ಮನೆಯ ಕದ ತಟ್ಟಿದವರೆಷ್ಟೋ? ಲವ್ ಮಾಡಲಿ ಬೇಡ ಅಂದಿಲ್ಲ, ಹಾಗೇ ಪ್ರಬುದ್ಧತೆಯೂ ಇರಲಿ. ಹೀಗೆ ಸಾರ್ವಜನಿಕರಿಗೆ ಹಿರಿಸುಮುರಿಸು ಉಂಟು ಮಾಡುತ್ತಾ, ಕಾಲೇಜಿಗೂ ಚಕ್ಕರ್ ಹಾಕಿ ಮೈಮರೆಯುವುದು ಎಷ್ಟು ಸರಿ ಎಂದು ಹಿರಿಯ ನಾಗರಿಕರು ಅಸಮಾಧಾನ ಹೊರಹಾಕಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
