ನವದೆಹಲಿ :
ಪ್ರಾಣಿಗಳಿಂದ ಉತ್ಪತ್ತಿಯಾಗಬಲ್ಲ ವೈರಸ್ಗಳ ಬಗ್ಗೆ ನಡೆಸಿದ ವ್ಯಾಪಕ ಸಂಶೋಧನೆಯಿಂದಾಗಿ ಬ್ಯಾಟ್ ವುಮನ್ ಎಂಬ ಖ್ಯಾತಿಯನ್ನು ಗಳಿಸಿರುವ ಚೀನಾದ ವೈರಾಲಜಿಸ್ಟ್ ಶಿ ಝೆಂಗ್ಲಿ ಇದೀಗ ಮತ್ತೊಂದು ಆಘಾತಕಾರಿ ಎಚ್ಚರಿಕೆ ನೀಡಿದ್ದಾರೆ. ತಮ್ಮ ಇತ್ತೀಚಿನ ಲೇಖನದಲ್ಲಿ ಭವಿಷ್ಯದಲ್ಲಿ ಮತ್ತೊಂದು ಕೊರೊನಾ ವೈರಸ್ ಹೊರಹೊಮ್ಮುವ ಸಾಧ್ಯತೆಯಿದೆ ಎಂದು ಶಿ ಹೇಳಿದ್ದಾರೆ.
ವುಹಾನ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿಯ ಶಿ ಹಾಗೂ ಅವರ ತಂಡವು 40 ವಿವಿಧ ಕೊರೊನಾ ವೈರಸ್ ಪ್ರಭೇಧಗಳ ಮೌಲ್ಯಮಾಪನವನ್ನು ನಡೆಸಿದೆ. ಇದು ಮಾನವರ ಮೇಲೆ ಹರಡಲಿದೆ ಎಂದು ಅಧ್ಯಯನದಲ್ಲಿ ತಿಳಿದು ಬಂದಿದೆ. ಈ 40 ಪ್ರಭೇದಗಳಲ್ಲಿ ಅರ್ಧಕ್ಕೆ ಅರ್ಧದಷ್ಟು ಅತ್ಯಂತ ಅಪಾಯಕಾರಿ ಎಂದು ತಿಳಿಸಲಾಗಿದೆ.
ಭವಿಷ್ಯದ ಸೋಂಕುಗಳ ಬಗ್ಗೆ ನಡೆಸಲಾದ ಅಧ್ಯಯನದಲ್ಲಿ ಭವಿಷ್ಯದಲ್ಲಿ ಅಪಾಯಕಾರಿ ಕೊರನಾ ವೈರಸ್ ಸಂಬಂಧಿ ಕಾಯಿಲೆಗಳು ಹುಟ್ಟಿಕೊಳ್ಳಲಿದೆ ಎಂದು ಸಂಶೋಧನೆಯು ತಿಳಿಸಿದೆ.ವುಹಾನ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿಯಲ್ಲಿ ಸಂಭಾವ್ಯ ಲ್ಯಾಬ್ ಸೋರಿಕೆಯಿಂದ COVID-19 ಹುಟ್ಟಿಕೊಂಡಿದೆ ಎಂಬ ಅಮೆರಿಕದ ಕೆಲ ರಾಜಕಾರಣಿಗಳ ಬಲವಾದ ಆರೋಪದ ಬಳಿಕ ಶಿ ಝೆಂಗ್ಲಿ ಕೆಲವು ವಿವಾದದಲ್ಲಿ ಸಿಲುಕಿದ್ದರು.
ಆದರೆ ಲ್ಯಾಬ್ನಲ್ಲಿ ನಿಜವಾಗಿಯೂ ವೈರಸ್ ಸೋರಿಕೆಯಾಯ್ತೇ ಎನ್ನುವುದು ಇಂದಿಗೂ ಅನುಮಾನಾಸ್ಪದವಾಗಿಯೇ ಉಳಿದಿದೆ. ಅನೇಕ ವಿಜ್ಞಾನಿಗಳು ಬಾವಲಿಗಳಿಂದ ಈ ಸೋಂಕು ಹುಟ್ಟಿಕೊಂಡಿರಬಹುದು ಎಂದು ಅಂದಾಜಿಸಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
