ನವದೆಹಲಿ : ಇರಾನ್ ನಲ್ಲಿ ನಡೆಯುತ್ತಿರುವ ಸಂಘರ್ಷದ ನಡುವೆ ತಿಂಗಳ ಆರಂಭದಲ್ಲೇ ದೇಶದಲ್ಲಿ ವಾಣಿಜ್ಯ ಎಲ್ಪಿಜಿ ದರ ಮತ್ತೆ ಏರಿಕೆ ಮಾಡಲಾಗಿದೆ. ದೆಹಲಿಯಲ್ಲಿ 42 ರೂ. ಕೋಲ್ಕತ್ತಾದಲ್ಲಿ 53.5 ರೂಪಾಯಿ ಏರಿಕೆ ಕಂಡಿದೆ. ಇದರ ಜೊತೆಗೆ 5 ಕೆಜಿ ಸಿಲಿಂಡರ್ ಬೆಲೆ 11 ರೂಪಾಯಿಗೆ ಏರಿಕೆಯಾಗಿದೆ. ಹೊಸ ದರ ಇಂದಿನಿAದಲೇ ಅನ್ವಯವಾಗಲಿದೆ, ದೇಶೀಯ ಅಡುಗೆ ಅನಿಲ ಬೆಲೆಯಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ.
ಕಳೆದ ಮೇ 1 ರಿಂದ ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ಗಳ ಮೇಲೆ 2ನೇ ಬಾರಿಗೆ ಏರಿಕೆ ಮಾಡಲಾಗಿದೆ. ಪಂಚ ರಾಜ್ಯಗಳ ಚುನಾವಣೆ ಮುಗಿದ ಬೆನ್ನಲ್ಲೇ, ಕೇಂದ್ರ ಸರ್ಕಾರ ಮೇ 1 ರಂದು ಪ್ರತಿ ವಾಣಿಜ್ಯ ಸಿಲಿಂಡರ್ ದರವನ್ನು 933 ರೂ.ಗಳಷ್ಟು ಹೆಚ್ಚಳ ಮಾಡಲಾಗಿತ್ತು. ಇದರ ಬೆನ್ನಲ್ಲೇ ಇಂದು ಮತ್ತೆ ದರ ಏರಿಕೆ ಮಾಡಲಾಗಿದೆ.
ದೇಶದಲ್ಲಿ ಕಳೆದ ಐದು ತಿಂಗಳ ಅವಧಿಯಲ್ಲಿ ವಾಣಿಜ್ಯ ಬಳಕೆಯ ಸಿಲಿಂಡರ್ ಬೆಲೆ ದ್ವಿಗುಣಗೊಂಡಿದ್ದು ರಾಷ್ಟç ರಾಜಧಾನಿ ದೆಹಲಿಯಲ್ಲಿ 19 ಕೆಜಿ ವಾಣಿಜ್ಯ ಸಿಲಿಂಡರ್ 3,113.5 ರೂ.ಗೆ ತಲುಪಿದೆ. ಇದರಿಂದಾಗಿ ದೈನಂದಿನ ಕಾರ್ಯಾಚರಣೆಗಳಿಗೆ ಅಡುಗೆ ಅನಿಲ ಅವಲಂಬಿಸಿರುವ ರೆಸ್ಟೋರೆಂಟ್ಗಳು, ಹೋಟೆಲ್ಗಳು, ಅಡುಗೆ ಸೇವೆ ಒದಗಿಸುವ ಮತ್ತು ಸಾವಿರಾರು ಸಣ್ಣ ವ್ಯವಹಾರಗಳ ಮೇಲೆ ಬಿಸಿತಟ್ಟಿದೆ.
ದೆಹಲಿಯಲ್ಲಿ 19 ಕೆಜಿ ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ನ ಬೆಲೆ 42 ರೂ. ಹೆಚ್ಚಿಸಲಾಗಿದ್ದು, ಜೂನ್ 1 ರಿಂದ ಚಿಲ್ಲರೆ ದರ 3,113.50 ರೂ.ಗೆ ತಲುಪಿದೆ. ಕೋಲ್ಕತ್ತಾದಲ್ಲಿ, ಹೆಚ್ಚಳ 53.50 ರೂ.ಗೆ ಹೆಚ್ಚಾಗಿದ್ದು, ಪ್ರತಿ ಸಿಲಿಂಡರ್ಗೆ 3,255.50 ರೂ.ಗೆ ತಲುಪಿದೆ.
5 ಕೆಜಿ ಫ್ರೀ ಟ್ರೇಡ್ ಎಲ್ಪಿಜಿ ಸಿಲಿಂರ್ಗಳ ಬೆಲೆ ಸಹ 11 ರೂ. ಹೆಚ್ಚಿಸಲಾಗಿದೆ. ದೆಹಲಿಯಲ್ಲಿ, ಈ ಸಿಲಿಂಡರ್ಗಳ ಬೆಲೆ ಈಗ 821.50 ರೂ.ಗಳಾಗಲಿವೆ. ಆದಾಗ್ಯೂ, ದೇಶೀಯ ಎಲ್ಪಿಜಿ ಸಿಲಿಂಡರ್ ಬೆಲೆಗಳು ಬದಲಾಗದೆ ಉಳಿದಿವೆ.
ವರ್ಷದ ಆರಂಭದಿAದಲೂ ವಾಣಿಜ್ಯ ಎಲ್ಪಿಜಿ ಬೆಲೆಗಳು ನಾಟಕೀಯವಾಗಿ ಏರಿವೆ. ದೆಹಲಿಯಲ್ಲಿ, ಜನವರಿಯಲ್ಲಿ 19 ಕೆಜಿ ವಾಣಿಜ್ಯ ಸಿಲಿಂಡರ್ ಬೆಲೆ 1,691.50 ರೂ.ಗಳಾಗಿತ್ತು. ನಂತರದ ತಿಂಗಳುಗಳಲ್ಲಿ ಪುನರಾವರ್ತಿತ ಪರಿಷ್ಕರಣೆಗಳೊಂದಿಗೆ, ಬೆಲೆ ಈಗ 3,113.50 ರೂ.ಗಳಿಗೆ ಏರಿಕೆ ಕಂಡಿದೆ.
ಫೆಬ್ರವರಿಯಲ್ಲಿ, ಬೆಲೆಯನ್ನು 49 ರೂ.ಗಳಷ್ಟು ಹೆಚ್ಚಿಸಲಾಗಿತ್ತು. ಮಾರ್ಚ್ನಲ್ಲಿ 115 ರೂ.ಗಳ ಮತ್ತೊಂದು ಹೆಚ್ಚಳ ಕಂಡುಬAದಿದೆ. ಏಪ್ರಿಲ್ನಲ್ಲಿ ಪ್ರತಿ ಸಿಲಿಂಡರ್ಗೆ 993 ರೂ.ಗಳಷ್ಟು ಏರಿಕೆ ಮಾಡಲಾಗಿತ್ತು. ಮೇ ತಿಂಗಳಲ್ಲಿ ಏರಿಕೆಯಾಗಿ ಉಳಿದ ನಂತರ, ಜೂನ್ನಲ್ಲಿ ದರಗಳು ಮತ್ತೆ ಏರಿಕೆ ಮಾಡಲಾಗಿದೆ. ಇದರ ಪರಿಣಾಮವಾಗಿ ಕೇವಲ ಐದು ತಿಂಗಳೊಳಗೆ ವಾಣಿಜ್ಯ ಎಲ್ಪಿಜಿ ದರಗಳು ದ್ವಿಗುಣಗೊಂಡಿವೆ. ಇದರಿಂದ ಹೋಟೆಲ್ ಮಾಲೀಕರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ಪ್ರಮುಖ ನಗರ ಕೇಂದ್ರಗಳಲ್ಲಿ ವಾಣಿಜ್ಯ ಎಲ್ಪಿಜಿ ಬೆಲೆಗಳು ತೀವ್ರವಾಗಿ ಏರಿವೆ. ಮುಂಬೈನಲ್ಲಿ, 19 ಕೆಜಿ ಸಿಲಿಂಡರ್ ಬೆಲೆ 3,024.50 ರೂ.. ಚೆನ್ನೆöÊನಲ್ಲಿ ಬೆಲೆ 3,232 ರೂ.ಗೆ ಏರಿಕೆಯಾಗಿದೆ. ಹೈದರಾಬಾದ್ ಮತ್ತು ಪಾಟ್ನಾ ಅತ್ಯಂತ ದುಬಾರಿ ಮಾರುಕಟ್ಟೆಗಳಲ್ಲಿ ಸೇರಿವೆ, ಬೆಲೆಗಳು ಕ್ರಮವಾಗಿ 3,294 ರೂ. ಮತ್ತು 3,322 ರೂ..
ದೆಹಲಿ ಮತ್ತು ಪಕ್ಕದ ನಗರಗಳಲ್ಲಿ ಸಂಕುಚಿತ ನೈಸರ್ಗಿಕ ಅನಿಲ ಬೆಲೆಗಳನ್ನು ಕೆಜಿಗೆ 2 ರೂ. ಹೆಚ್ಚಿಸಲಾಗಿದೆ. ಇತ್ತೀಚಿನ ಪರಿಷ್ಕರಣೆಯು ಸಿಎನ್ಜಿ ದರಗಳನ್ನು ಕೆಜಿಗೆ 83.09 ರೂಪಾಯಿಗೆ ಏರಿಕೆ ಮಾಡಲಾಗಿತ್ತು ಎರಡು ವಾರಗಳಿಗಿಂತ ಕಡಿಮೆ ಅವಧಿಯಲ್ಲಿ ಇದು ನಾಲ್ಕನೇ ಹೆಚ್ಚಳವಾಗಿದೆ. ಮೇ 15 ರಿಂದ, ಸಿಎನ್ಜಿ ಬೆಲೆಗಳು ಕೆಜಿಗೆ 6 ರೂ.ಗಳಷ್ಟು ಏರಿಕೆಯಾಗಿವೆ.
ಬಾಕ್ಸ್
ಹೈಲೆಟ್ಸ್
ಕಳೆದ ಐದು ತಿಂಗಳಲ್ಲಿ 1600 ರೂಪಾಯಿಂದ 3115ಕ್ಕೆ ಹೆಚ್ಚಳ
ಐದು ಕೆಜಿ ಸಿಲಿಂಡರ್ ಬೆಲೆ 11 ರೂಪಾಯಿ ಏರಿಕೆ
ಹೋಟೆಲ್,ರೆಸ್ಟೋರೆಂಟ್ ಸೇರಿದಂತೆ ವಿವಿಧ ದೈನಂಧಿನ ಬಳಕೆ ಮೇಲೆ ಪರಿಣಾಮ
ಇರಾನ್ ಸಂಘರ್ಷದ ನಂತರ ಅಡುಗೆ ಅನಿಲ ಬೆಲೆ ಮತ್ತೆ ಏರಿಕೆ
ಗ್ರಾಹಕರು, ಜನಸಾಮಾನ್ಯರಿಗೆ ಮತ್ತಷ್ಟು ಹೊರೆ
