ಜಮ್ಮು:
ವಾಯುಸೇನೆ ವಿಂಗ್ ಕಮಾಂಡರ್ ಅಭಿನಂದನ್ ಅವರನ್ನು ಬಿಡುಗಡೆಗೊಳಿಸಿದ ಬೆನ್ನಲ್ಲೇ ಗಡಿಯಲ್ಲಿ ಪಾಕಿಸ್ತಾನ ಪುಂಡಾಟ ಮತ್ತೆ ಮುಂದುವರಿಸಿದೆ.
ಈ ದಾಳಿಯಲ್ಲಿ ಪೂಂಚ್ನ ಸಲ್ಟೋರಿ ಎಂಬಲ್ಲಿ 9 ತಿಂಗಳ ಹೆಣ್ಣು ಮಗು, 5 ವರ್ಷದ ಬಾಲಕ ಹಾಗೂ ಒಬ್ಬ ಮಹಿಳೆ ಸೇರಿ ಒಂದೇ ಕುಟುಂಬದ ಮೂವರು ಮೃತಪಟ್ಟಿದ್ದಾರೆ.
ಜಮ್ಮು ಮತ್ತು ಕಾಶ್ಮೀರದ ಪೂಂಚ್ ಜಿಲ್ಲೆಯ ನಾಗರಿಕ ವಸತಿ ಪ್ರದೇಶದ ಮೇಲೆ ತೀವ್ರತರದ ದಾಳಿ ನಡೆಸಿದ ಪಾಕ್ ಯೋಧರು, ಮಾರ್ಟಾರ್ ಬಾಂಬ್ಗಳನ್ನು ಸಿಡಿಸುತ್ತಿದ್ದಾರೆ. ಹೋವಿಟ್ಜರ್ 105 ಎಂಎಂ ಸೇರಿ ಭಾರಿ ಗನ್ಗಳನ್ನು ಬಳಸಿ ಗುಂಡಿನ ಸುರಿಮಳೆಗೈಯ್ಯುತ್ತಿದ್ದಾರೆ.
ಫೂಂಚ್ ಜಿಲ್ಲೆಯ ರುಬಾನಾ ಕೋಸಾರ್ (24ವರ್ಷ) ಹಾಗೂ ಆಕೆಯ 5ವರ್ಷದ ಪುತ್ರ ಫಾಝಾನ್ ಹಾಗೂ 9 ತಿಂಗಳ ಮಗು ಶಬನಮ್ ಸಾವನ್ನಪ್ಪಿರುವುದಾಗಿ ವರದಿ ವಿವರಿಸಿದೆ. ರುಬಾನಾ ಕೌಸರ್ ಪತಿ ಮೊಹಮ್ಮದ್ ಯೂನಿಸ್ ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಮನ್ಕೋಟ್ನಲ್ಲಿ ನಸೀಂ ಅಖ್ತರ್ ಎಂಬ ಮಹಿಳೆಗೂ ಪಾಕ್ ಯೋಧರು ಸಿಡಿಸಿದ ಗುಂಡು ತಗುಲಿ ಗಂಭೀರವಾಗಿ ಗಾಯಗೊಂಡಿದ್ದಾಳೆ. ಇದಲ್ಲದೆ ಕೃಷ್ಣಘಾಟಿ ಮತ್ತು ಬಾಳಾಕೋಟ್ ಪ್ರದೇಶದಲ್ಲಿ ಕೂಡ ಪಾಕ್ ಯೋಧರು ಅಪ್ರಚೋದಿತ ಗುಂಡಿನ ದಾಳಿ ಮುಂದುವರಿಸಿದ್ದಾರೆ ಎನ್ನಲಾಗಿದೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ
![](https://prajapragathi.com/wp-content/uploads/2019/03/convoy-attack759.jpg)