ಚಳ್ಳಕೆರೆ
ನಗರದಾದ್ಯಂತ ವಿವಿಧ ರಸ್ತೆಗಳಲ್ಲಿ ವಾಹನಗಳ ತಪಾಸಣೆಯೂ ಸೇರಿದಂತೆ ಜನರ ಸಂಚಾರವನ್ನು ನಿಯಂತ್ರಿಸುವಲ್ಲಿ ಹಗಲುರಾತ್ರಿ ಶ್ರಮಿಸುತ್ತಿರುವ ಪೊಲೀಸ್ ಇಲಾಖೆಯ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿರುವ ತಪ್ಪಸ್ಸ್ ಫೌಂಡೇಷನ್ ಕರ್ತವ್ಯನಿರತ ಪೊಲೀಸರಿಗೆ ಕುಡಿಯಲು ಶುದ್ದ ನೀರು ಹಾಗೂ ಹಣ್ಣನ್ನು ವಿತರಿಸುವ ಮೂಲಕ ಪೊಲೀಸರು ಕಾರ್ಯವನ್ನು ಶ್ಲಾಘಿಸಿದ್ದಾರೆ.
ಅಧ್ಯಕ್ಷ ರಾಜುಬೂದಿಹಳ್ಳಿ ಪತ್ರಿಕೆಯೊಂದಿಗೆ ಮಾತನಾಡಿ, ಕೇವಲ ರಸ್ತೆಬದಿ ಕಾರ್ಯನಿರ್ವಹಿಸುವ ಪೊಲೀಸರಿಗೆಷ್ಟೇಯಲ್ಲದೆ, ಠಾಣೆಯಲ್ಲೂ ಸಹ ಕಾರ್ಯನಿರ್ವಹಿಸುವ ಸಿಬ್ಬಂದಿ ವರ್ಗಕ್ಕೆ ಹಣ್ಣು ನೀರು ವಿತರಿಸಲಾಗಿದೆ. ಬಿಸಿಲ ಬೇಗೆಯಲ್ಲಿ ಕೆಲಸ ಮಾಡುವುದು ಕಷ್ಟಕರ ಅದು ಇಡೀ ದೇಶವೇ ಕೊರೋನಾ ವೈರಾಣುವಿನಲ್ಲಿ ತತ್ತರಿಸಿರುವ ಸಂದರ್ಭದಲ್ಲಿ ಜನರಲ್ಲಿ ಜಾಗೃತಿ ಮೂಡಿಸುವ ಕಾರ್ಯವನ್ನು ಆರೋಗ್ಯ ಇಲಾಖೆ ಮಾಡುತ್ತಿದ್ದರೆ ಅದರ ಸಂಪೂರ್ಣ ಅನುಷ್ಠಾನವನ್ನು ಪೊಲೀಸ್ ಇಲಾಖೆ ದಕ್ಷತೆಯಿಂದ ಮಾಡುತ್ತಿದೆ ಎಂದರು.
ಎಲ್ಲರ ಪರಿಶ್ರಮದಿಂದ ಜನರ ಪ್ರಾಣಕ್ಕೆ ಕಂಟಕವಾಗಿರುವ ಕೊರೋನಾ ಕೂಡಲೇ ಈ ಭೂಮಿಬಿಟ್ಟು ತೊಲಗಬೇಕು ಎಂದರು. ಇದೇ ಸಂದರ್ಭದಲ್ಲಿ ಯುವಕ ಆದರ್ಶ ಸಹ ಕರ್ತವ್ಯನಿರತ ಪೊಲೀಸರಿಗೆ ನೀರು ವಿತರಣೆ ಮಾಡಿದರು.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
