ಹಾನಗಲ್ಲ :
ಕಾಯಕ ವಿಕಾಸ ವಾದದ ಮೂಲಕ ಮಾತು ಕೃತಿಯಾಗಿ ಹನ್ನೆರಡನೇ ಶತಮಾನದ ಶರಣರ ಜೀವಪರ ಸಿದ್ಧಾಂತ ಕಾರ್ಯರೂಪಕ್ಕೆ ಬರಬೇಕಾಗಿದೆ, ದುಡಿಮೆಯ ಮಹತ್ವ ಅರಿತರೆ ಮಾತ್ರ ಯುವಕರು ಜೀವನ ಕಟ್ಟಿಕೊಳ್ಳಲು ಸಾಧ್ಯ ಎಂದು ಸಂಸದ ಶಿವಕುಮಾರ ಉದಾಸಿ ನುಡಿದರು.
ಹಾನಗಲ್ಲಿನ ಶ್ರೀ ಕುಮಾರೇಶ್ವರ ವಿರಕ್ತಮಠದಲ್ಲಿ ಲಿಂ.ಕುಮಾರಶಿವಯೋಗಿಗಳವರ 98 ನೇ ಪುಣ್ಯ ಸ್ಮರಣೋತ್ಸವದ ಮುಖ್ಯ ಅತಿಥಿಯಾಗಿ ಮಾತನಾಡಿದ ಅವರು, 12 ನೇ ಶತಮಾನದ ಬಹಳಷ್ಟು ಸಮಸ್ಯೆಗಳು ಇನ್ನೂ ಜೀವಂತವಾಗಿವೆ. ವಚನಗಳು ಆಚರಣೆಯಾಗಬೇಕು. ಗುಣಮಟ್ಟದ ಶಿಕ್ಷಣಕ್ಕೆ ಆದ್ಯತೆ ಬೇಕಾಗಿದೆ.
ಜಗತ್ತಿನ ಮೊದಲ ಪಾರ್ಲಿಮೆಂಟ ನೀಡಿದ ಬಸವಾದಿ ಶರಣರ ಕಾಲದ ಚಿಂತನೆಗಳು ಸಾಕಾರವಾಗಬೇಕಾದಲ್ಲಿ ಅಂತಹದ್ದೇ ಬದ್ಧತೆ ನಮ್ಮೆಲ್ಲರಲ್ಲಿರಬೇಕಾಗುತ್ತದೆ. ಹಾನಗಲ್ಲ ಲಿಂ.ಕುಮಾರಶಿವಯೋಗಿಗಳು ಈ ನಾಡಿನಲ್ಲಿ ಬಡವ ಬಲ್ಲಿದರ ಬದುಕನ್ನು ಹಸನುಗೊಳಿಸಲು, ಧರ್ಮ ಸಂಸ್ಕಾರದ ಸತ್ಯ ಜೀವನವನ್ನು ಅಳವಡಿಸಿಕೊಳ್ಳಲು ಸಾರಿದ ಸಂದೇಶಗಳು ನಮ್ಮ ಆಚರಣೆ ಮೂಲಕ ಕಾರ್ಯರೂಪಕ್ಕೆ ಬರಬೇಕು ಎಂದರು.
ದೂರದ ರಾಜ್ಯಗಳ ಯುವಕರು ಹಾವೇರಿಯಂತಹ ಜಿಲ್ಲಾ ಕೇಂದ್ರಗಳಿಗೆ ಬಂದು ವಿವಿಧ ಸಣ್ಣ ಪುಟ್ಟ ಉದ್ಯಮಗಳಲ್ಲಿ ಸೇವೆ ಸಲ್ಲಿಸಿ ಬದಕು ಕಟ್ಟಿಕೊಳ್ಳುತ್ತಾರೆ. ಆದರೆ ಇಲ್ಲಿನ ಯುವಕರು ಬೇರೆಡೆಗೆ ಕೆಲಸ ಹುಡುಕಲು ಯತ್ನಿಸುತ್ತಾರೆ. ಇಲ್ಲಿಯೇ ಇರುವ ಕೆಲಸಗಳನ್ನು ಶ್ರದ್ಧೆಯಿಂದ ಪೂರೈಸಿ ಜೀವನ ಕಟ್ಟಿಕೊಳ್ಳುವಾಗ ಸ್ವಾಭಿಮಾನ ಅಡ್ಡಿಬರಬಾರದು. ಶ್ರದ್ಧೆಯಿಂದ ಮಾಡಿದ ಸೇವೆ ಸಾರ್ಥಕ ಜೀವನಕ್ಕೆ ಸಾಕ್ಷಿಯಾಗುತ್ತದೆ ಎಂದು ಶಿವಕುಮಾರ ಉದಾಸಿ ತಿಳಿಸಿದರು.
ಶರಣ ಸಾಹಿತಿ ಸಿದ್ದಣ್ಣ ಲಂಗೋಟಿ ಅನುಭಾವ ಚಿಂತನೆಗಳನ್ನು ನೀಡಿ, ಬೌದ್ಧಿಕ ಡೊಂಬರಾಟದ ನಡುವೆ ವಾಸ್ತವವನ್ನು ಮರೆಯುತ್ತಿದ್ದೇವೆ. ಪ್ರಪಂಚಕ್ಕೆ ಬೇಕಾದ ಶ್ರೇಷ್ಟ ತತ್ವಜ್ಞಾನ ನೀಡಿರುವುದು ಭಾರತ ದೇಶ. ಆದರೆ ದೀಪದ ಕೆಳಗೆ ಕತ್ತಲು ಎಂಬಂತೆ ಬಸವಾದಿ ಶರಣರ ಚಿಂತನೆಗಳು ಕರ್ನಾಟಕದಲ್ಲಿಯೇ ಕಾಣದಂತಾಗಿ ಇಡೀ ಜಗದ ತುಂಬ ಬೆಳಕಾಗಲು ಸಾಧ್ಯವಾಗುತ್ತಿದೆ. ಜಗದೆಲ್ಲ ಭಾಷೆಗಳಿಗೆ ಕನ್ನಡದ ವಚನಗಳು ಭಾಷಾಂತರವಾಗಿ ಇದರ ಸತ್ಯ ಸತ್ವವನ್ನು ಜಗತ್ತೇ ಆರ್ಥ ಮಾಡಿಕೊಂಡು ಬದುಕಲು ಸನ್ನದ್ಧವಾಗಿರುವಾಗ ಕರ್ನಾಟದಲ್ಲಿಯೇ ವಚನಗಳನ್ನ ಪ್ರೀತಿಸುವವರು ಕಡಿಮೆಯಾಗಿದ್ದಾರೆ. ವಚನ ಕ್ರಾಂತಿ ಎಂದರೆ ಅದೊಂದು ಜೀವನದ ಯಶದ ಕ್ರಾಂತಿ ಎಂದರು.
ರಾಣಿಬೆನ್ನೂರು ಶನೇಶ್ವರಮಠದ ಶಿವಯೋಗಿ ಶಿವಾಚಾರ್ಯರು ನೇತೃತ್ವ ವಹಿಸಿ ಮಾತನಾಡಿ, ಬದುಕಿನ ವಿಕಾಸಕ್ಕೆ ಆಧ್ಯಾತ್ಮಿಕ ಜ್ಞಾನವೂ ಬೇಕು. ಲೌಕಿಕ ಸುಜ್ಞಾನವಿರಬೇಕು. ಇಂಗ್ಲೀಷ ಮೋಹ ಬಿಡಿ. ಕೆಲವೇ ವರ್ಷಗಳಲ್ಲಿ ಇಂಗ್ಲೀಷ ನಮ್ಮಿಂದ ದೂರವಾಗುತ್ತದೆ. ನಮ್ಮ ಸಂಸ್ಕøತಿ ಭಾಷೆಯನ್ನು ಪ್ರೀತಿಸಿ. ಧಾರ್ಮಿಕ ಚಿಂತನೆಗೆ ಒತ್ತು ನೀಡಿರಿ ಎಂದ ಅವರು, ಹಾನಗಲ್ಲ ಕುಮಾರಶಿವಯೋಗಿಗಳವರ ಹೆಸರಿನಲ್ಲಿ ರಾಣೀಬೆನ್ನೂರಿನಲ್ಲಿ ಸಂಗೀತ ಪಾಠಶಾಲೆ ಆರಂಭಿಸಿದ್ದೇವೆ. ಹಾನಗಲ್ಲ ತಾಲೂಕಿನಲ್ಲಿ 1 ಲಕ್ಷ ಬಿಲ್ವ ಪತ್ರಿ ವೃಕ್ಷಗಳನ್ನು ನೆಡುವ ಕಾರ್ಯಕ್ಕೆ ಚಾಲನೆ ನೀಡಿದ್ದೇವೆ ಎಂದರು.
ಹುಬ್ಬಳ್ಳಿ ಮೂರುಸಾವಿರ ಮಠದ ಜಗದ್ಗುರು ಗುರುಸಿದ್ಧರಾಜಯೋಗೀಂದ್ರ ಸ್ವಾಮೀಜಿ, ಬಮ್ಮನಹಳ್ಳಿ ವಿರಕ್ತಮಠದ ಶಿವಯೋಗೀಶ್ವರ ಸ್ವಾಮೀಜಿ, ಅಕ್ಕಿಆಲೂರು ಮುತ್ತಿನಕಂತಿಮಠದ ಚಂದ್ರಶೇಖರ ಶಿವಾಚಾರ್ಯರು, ಹೇರೂರು ಗುಬ್ಬಿನಂಜುಡೇಶ್ವರಮಠದ ನಂಜುಂಡ ಪಂಡಿತಾರಾಧ್ಯ ಶಿವಾಚಾರ್ಯರು, ಹಾವೇರಿ ಹುಕ್ಕೇರಿಮಠದ ಸದಾಶಿವಮಹಾಸ್ವಾಮಿಗಳು ವೇದಿಕೆಯಲ್ಲಿದ್ದರು.
ಹಾವೇರಿ ವೈದ್ಯ ದಂಪತಿಗಳಾದ ಡಾ.ಪ್ರಮೋದ ಹೆಗ್ಗೇರಿ, ಡಾ.ತ್ರಿವೇಣಿ ಹೆಗ್ಗೇರಿ,. ನಿವೃತ್ತ ಶಿಕ್ಷಕರಾದ ವಿ.ಎಲ್.ಚಹ್ವಾಣ, ಟಿ.ಆರ್.ವೇದಂಭಟ್ಟನವರ, ಟಿ.ಎ.ಅಣಜಿ, ಬಿ.ಆರ್.ಕುಲಕರ್ಣಿ, ಡಿ.ಜಿ.ವೇರ್ಣೆಕರ, ಎ.ವಿ.ತಿರುಮಲೆ, ಎನ್‍ಎನ್‍ಎಸ್ ಪ್ರಶಸ್ತಿ ಪುರಸ್ಕøತ ಡಾ.ಪ್ರಕಾಶ ಹೊಳೇರ ಹಾಗೂ ದತ್ತಿ ದಾನಿಗಳನ್ನು ಸನ್ಮಾನಿಸಲಾಯಿತು. ಡಾ.ವಿಶ್ವನಾಥ ಬೋಂದಾಡೆ ಸನ್ಮಾನಿತರ ಪರಿಚಯ ಮಾಡಿಕೊಟ್ಟರು.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ
