ಬೆಂಗಳೂರು:
ಕಳೆದ ವಾರದಿಂದ, ವಾರ್ಡ್ನಲ್ಲಿರುವ ಬ್ಯಾಂಕ್ ಅವೆನ್ಯೂ ಮತ್ತು ಟ್ರಿನಿಟಿ ಎನ್ಕ್ಲೇವ್ನಲ್ಲಿರುವ 400ಕ್ಕೂ ಹೆಚ್ಚು ಮನೆಗಳಲ್ಲಿ ಅಡುಗೆಗಾಗಿ ಪಿಎನ್ ಜಿಯನ್ನು ಬಳಸಲಾರಂಭಿಸಲಾಗಿದೆ. ಜನವರಿ 17 ರಂದು ಇಲ್ಲಿ ಔಪಚಾರಿಕವಾಗಿ ಪಿಎನ್ ಜಿ ಸೇವೆ ಪ್ರಾರಂಭಿಸಲಾಗಿದೆ.
ಪಿಎನ್ ಜಿ ಬಳಕೆಯಿಂದ ಖುಷಿಯಾಗಿರುವ ಇಲ್ಲಿನ ನಿವಾಸಿ ಕೊಚ್ಚು ಶಂಕರ್ ಅವರು, “ನಾನು ಗ್ಯಾಸ್ ಸಿಲಿಂಡರ್ಗಾಗಿ ತಿಂಗಳಿಗೆ 1,000 ರೂ. ವೆಚ್ಚ ಮಾಡುತ್ತಿದ್ದೆ. ಪಿಎನ್ ಜಿ ಬಳಕೆಯಿಂದ ನನ್ನ ಗ್ಯಾಸ್ ವೆಚ್ಚ 600 ರೂ.ಗೆ ಇಳಿದಿದೆ.
ನಾವು ಈಗ ಕೂಲಿಂಗ್ಗಾಗಿ PNG ಅನ್ನು ಬಳಸಲು ಪ್ರಾರಂಭಿಸಿದ್ದೇವೆ. ಅಡುಗೆಗೂ ಉತ್ತಮವಾಗಿದೆ ಮತ್ತು ಅದರ ಸುರಕ್ಷತೆಯೂ ಉತ್ತಮವಾಗಿದೆ. ನನ್ನ ಹೆಂಡತಿ ಇದರಿಂದ ಸಂತೋಷವಾಗಿದ್ದಾರೆ” ಎಂದು ಹೇಳಿದ್ದಾರೆ.
ಹೊರಮಾವಿನ ಇನ್ನೂ ಕೆಲವು ಪ್ರದೇಶಗಳಿಗೆ ಪೈಪ್ಲೈನ್ ಸಂಪರ್ಕಗಳನ್ನು ನೀಡಲಾಗಿದೆ. ಆದರೆ ಇನ್ನೂ ಅನಿಲ ಪೂರೈಕೆ ಆರಂಭವಾಗಿಲ್ಲ ಎಂದು ಅವರು ತಿಳಿಸಿದ್ದಾರೆ.
ಮುಂದೆ ವಿಜ್ಞಾನ ನಗರ ಮತ್ತು ರಾಮಮೂರ್ತಿ ನಗರಕ್ಕೆ ಸಂಪರ್ಕ ಸಿಗಲಿದ್ದು, ಇಲ್ಲಿ ಸುಮಾರು 48 ಕಿ.ಮೀ ಉದ್ದದ ಗ್ಯಾಸ್ ಪೈಪ್ಲೈನ್ ಅಳವಡಿಸಲಾಗುವುದು ಎಂದು GAIL ನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಎರಡು ಕೊರೋನಾ ಅಲೆಯ ಪರಿಣಾಮ ಕಾರ್ಮಿಕರ ಕೊರತೆಯಿಂದಾಗಿ ಯೋಜನೆ ವಿಳಂಬವಾಗುತ್ತಿದೆ. ನಗರದಾದ್ಯಂತ ಗೇಲ್ ಸಾಧಿಸಿರುವ ಪ್ರಗತಿಯ ಬಗ್ಗೆ ಮಾಹಿತಿ ನೀಡಿದ ಅಧಿಕಾರಿ, ನಗರದಲ್ಲಿ ಈಗಾಗಲೇ 1,600 ಕಿ.ಮೀ ಗ್ಯಾಸ್ ಪೈಪ್ ಲೈನ್ ಹಾಕಲಾಗಿದೆ.
“ಸುಮಾರು 45,000 ಮನೆಗಳಿಗೆ ಅನಿಲ ಪೂರೈಕೆ ಪರೀಕ್ಷೆ ಮತ್ತು ಕಾರ್ಯಾರಂಭ ಮಾಡಲಾಗಿದೆ. ಮೇ ವೇಳೆಗೆ ಇನ್ನೂ 1.2 ಲಕ್ಷ ಮನೆಗಳಿಗೆ ಗ್ಯಾಸ್ ಪೂರೈಕೆ ಮಾಡುವ ಭರವಸೆ ಇದೆ ಎಂದಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
![](https://prajapragathi.com/wp-content/uploads/2022/01/png.jpg)