ಬೆಂಗಳೂರು:
ಬಿಜೆಪಿ MLA ರಾಜ್ಕುಮಾರ್ ಪಾಟೀಲ್ ವಿರುದ್ಧ ಸ್ಫೋಟಕ ಆರೋಪ ಕೇಳಿ ಬರುತ್ತಿದ್ದು, ನನ್ನ ಮಗನಿಗೆ ಲೀಗಲ್ ಉತ್ತರದಾಯಿತ್ವ ಕೊಡಿ, ಮದ್ವೆ ಆಗ್ತೀನಿ ಅಂತ ಮಗು ಕೊಟ್ಟು ಕೈ ಕೊಟ್ಟಿದ್ದಾರೆ. ನನ್ನ ಮಗನಿಗೆ ನ್ಯಾಯ ಬೇಕು ಅಂತ ಮಹಿಳೆ ವಕೀಲ ಜಗದೀಶ್ ಸಂಪರ್ಕ ಮಾಡಿದ್ದು, ಘಟನೆಯ ಮಾಹಿತಿ ನೀಡಿದ್ದಾರೆ.
ಈ ಬಗ್ಗೆ ಫೇಸ್ಬುಕ್ ಲೈವ್ನಲ್ಲಿ ಮಾತನಾಡಿರುವ ಮಹಿಳೆ, ರಾತ್ರೋರಾತ್ರಿ 10ಕ್ಕೂ ಹೆಚ್ಚು ಜನ ಮನೆಗೆ ನುಗ್ಗಿದ್ರು, ಯಾಕೆ ಏನು ಎತ್ತ ಹೇಳದೆ ಠಾಣೆಯಲ್ಲಿ ಕೂಡಿ ಹಾಕಿದ್ದರೂ, ನನ್ನ ಮೇಲೆ ಕಂಪ್ಲೆಂಟ್ ಇಲ್ಲ, ಕೇಸ್ ಇಲ್ಲ, ಫೋನ್ ಕಿತ್ಕೊಂಡಿದ್ದಾರೆ. ಸ್ಟೇಷನ್ನಲ್ಲಿ ಫೈವ್ ಸ್ಟಾರ್ ಟ್ರೀಟ್ಮೆಂಟ್ ಎಲ್ಲಾ ಕೊಟ್ಟಿದ್ದಾರೆ, ಅವರು ಹೇಳಿದಂತೆ ಬರೆದುಕೊಟ್ಟರೆ ಸೆಟ್ಲ್ ಮೆಂಟ್ ಮಾಡ್ತಾರಂತೆ
ಪೊಲೀಸರಿಂದ ನನಗೆ ತೊಂದರೆ ಆಗಿಲ್ಲ, ದೊಡ್ಡವರಿಂದ ತೊಂದರೆ ಆಗಿದೆ, ಇಷ್ಟು ಕೊಡ್ತಾರೆ ನೀವು ಒಪ್ಪಿಕೊಳ್ಳಿ ಅಂತ ಸೆಟ್ಲ್ಮೆಂಟ್ಗೆ ಕೂತಿದ್ದರು, ಅವರೇ ಮುಂದೆ ಬರ್ಲಿ, ಪಿಕ್ಚರ್ಗೆ ಬರಲಿ ಅಂತ ನಾನು ಕೇಳ್ತಾ ಇದ್ದೇನೆ, ಅನ್ಯಾಯ ಮಾಡಿದವರಿಗೆ ಪನಿಷ್ಮೆಂಟ್ ಆಗಬೇಕು, ದುಡ್ಡು ಬೇಡ.
ಕಾಂಗ್ರೆಸ್ನವರು ಹೇಳಿ ಮಾಡ್ಸಿದ್ದಾರೆ ಅಂತ ಬರೆದುಕೊಡಬೇಕಂತೆ, ನನಗೂ ಕಾಂಗ್ರೆಸ್ಗೂ ಯಾವ ಸಂಬಂಧವೂ ಇಲ್ಲ, ಯಾರೂ ಗೊತ್ತಿಲ್ಲ. 8 ವರ್ಷದಿಂದಲೂ ನ್ಯಾಯ ಕೇಳ್ತಿದ್ದೇನೆ, ಸಿಎಂಗೆ ದೂರು ಕೊಟ್ಮೇಲೆ ಇಷ್ಟೆಲ್ಲಾ ಆಗಿದೆ.
ಅವ್ನು ನನ್ನ ಮಗನಿಗೆ ಒಂದು ಜೀವನ ಕೊಟ್ಟರೆ ಸಾಕು, ಬೇರೆ ಏನೂ ಬೇಕಿಲ್ಲ, ನನ್ನ ಜೀವನ ಕಷ್ಟ ಪಟ್ಟುಕೊಂಡು ನೋಡಿಕೊಂಡು ಬಂದಿದ್ದೇನೆ, ಈಗ ನೋಡಿದ್ರೆ ನನ್ನ ಮೇಲೆನೇ ದೌರ್ಜನ್ಯ ನಡೀತಿದೆ ಎಂದು ಮಹಿಳೆ ಆರೋಪ ಮಾಡುತ್ತಿದ್ದು,
14 ವರ್ಷದ ಮಗನಿಗೆ ಅವರೇ ಅಪ್ಪ ಅಂತ ಒಪ್ಪಿಕೊಳ್ಳಲಿ, ನನಗೆ ಸ್ಟೇಷನ್ ಸೆಟ್ಲ್ಮೆಂಟ್ ಬೇಡ, ಲೀಗಲ್ ಆಗಿ ತಗೋತೀನಿ, ಸೋಷಿಯಲ್ ಮೀಡಿಯಾದಲ್ಲಿ ಮಹಿಳೆ ನ್ಯಾಯ ಕೇಳಿದ್ದಾರೆ.
ಇನ್ನೂ ಮಹಿಳೆ ಕೊಟ್ಟಿರೋ ಕೆಲ ಮಾಹಿತಿ ಮಾಧ್ಯಮಕ್ಕೆ ವಕೀಲ ಜಗದೀಶ್ ಹೇಳಿದ್ದು, 14 ವರ್ಷದ ಹಿಂದೆ ಶಾಸಕರಿಂದ ಅನ್ಯಾಯ ಆಗಿದೆ. ತನ್ನ ಮಗನಿಗೆ ನ್ಯಾಯ ಕೊಡಿಸಿ ಅಂತಾ ಮಹಿಳೆ ಕೇಳ್ತಿದ್ದಾರೆ, ಶಾಸಕರ ವಿರುದ್ಧ ಮಹಿಳೆ ದೂರು ಕೊಡ್ತಾರೆ ಎಂದು ಹೇಳಿದ್ದಾರೆ. ಮಹಿಳೆಯ ನಡೆ ಭಾರೀ ಕುತೂಹಲ ಕೆರಳಿಸಿದೆ .
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
