ಮುಂಬೈ :
ಗ್ಲೋಬಲ್‌ ಫಿನ್‌ಟೆಕ್‌ ಫೆಸ್ಟಿವಲ್‌ 2025ರಲ್ಲಿ ನವಿ ಯುಪಿಐ ಬಯೊಮೆಟ್ರಿಕ್‌ ಅಥೆಂಟಿಕೇಶನ್ ಮತ್ತು ಸರಳೀಕೃತ ಯುಪಿಐ ಖಾತೆ ರಚನೆ ಸೌಲಭ್ಯವನ್ನು ಪರಿಚಯಿಸಿದೆ. ಈ ಹೊಸತನದೊಂದಿಗೆ ಭಾರತದಲ್ಲಿ ಬಯೋಮೆಟ್ರಿಕ್ ಆಧಾರಿತ ಪಾವತಿ ಸೌಲಭ್ಯವನ್ನು ಪರಿಚಯಿಸಿದ ಮೊದಲ ಯುಪಿಐ ಅಪ್ಲಿಕೇಶನ್ ಎಂಬ ಹೆಗ್ಗಳಿಕೆಗೆ ನವಿ ಯುಪಿಐ ಪಾತ್ರವಾಗಿದೆ. ಈ ಸೌಲಭ್ಯವು ಗ್ರಾಹಕರಿಗೆ ಫೋನ್‌ ಫಿಂಗರ್‍ಪ್ರಿಂಟ್‌, ಮುಖಚರ್ಯೆ ಗುರುತು ಮೂಲಕ ಪಿನ್ ನಮೂದಿಸದೆಯೇ ಪಾವತಿ ಪೂರ್ಣಗೊಳಿಸುವ ಅವಕಾಶ ಕಲ್ಪಿಸಿದೆ.
ಸುರಕ್ಷಿತ, ಒಎಸ್‌-ಸ್ಥಳೀಯ ತಂತ್ರಜ್ಞಾನ ಬಳಸಿ ನಿರ್ಮಿಸಲಾದ ಬಯೋಮೆಟ್ರಿಕ್ ದೃಢೀಕರಣವು ಯುಪಿಐ ಪಾವತಿಗಳನ್ನು ವೇಗ ಮತ್ತು ಹೆಚ್ಚು ಅರ್ಥಗರ್ಭಿತವಾಗಿಸುತ್ತದೆ. ಬಳಕೆದಾರರು ಇನ್ನು ಪ್ರತಿ ಬಾರಿ ಪಿನ್ ನೆನಪಿಟ್ಟುಕೊಳ್ಳುವ ಅಥವಾ ನಮೂದಿಸುವ ಅಗತ್ಯವಿಲ್ಲದೆ ತಮ್ಮ ಮೊಬೈಲ್‌ ಫೋನ್‌ಗಳಲ್ಲಿ ನೇರವಾಗಿ ವಹಿವಾಟು ಗಳನ್ನು ಅನುಮೋದಿಸಬಹುದು. ಈ ದೃಢೀಕರಣವು ಫೋನ್‌ನ ಸುರಕ್ಷಿತ ಪರಿಸರದಲ್ಲಿ ನಡೆಯುವು ದರಿಂದ, ವೈಯಕ್ತಿಕ ಮಾಹಿತಿ ಮೊಬೈಲ್‌ ಸಾಧನದಿಂದ ಸೋರಿಕೆಯಾಗಲು ಬಿಡುವುದಿಲ್ಲ. ಈ ಮೂಲಕ ಹೊಸ ಪಾವತಿ ವಿಧಾನವು ಸುರಕ್ಷಿತ ಮಾರ್ಗಗಳಲ್ಲಿ ಒಂದೆನಿಸಿಕೊಂಡಿದೆ.
ಈ ವೈಶಿಷ್ಟ್ಯದಿಂದ ವಿಫಲ ವಹಿವಾಟುಗಳು ಕಡಿಮೆಯಾಗುವುದು, ಬಳಕೆಯನ್ನು ಸುಲಭವನ್ನಾಗಿಸು ವುದು ಮತ್ತು ಫಿಶಿಂಗ್ ಮತ್ತು ಸೋಶಿಯಲ್‌ ಎಂಜಿನಿಯರಿಂಗ್ ಅಪಾಯಗಳ ವಿರುದ್ಧ ರಕ್ಷಣೆ ನೀಡುವ ಗುರಿಯನ್ನು ಈ ಹೊಸ ವಿಧಾನ ಹೊಂದಿದೆ. ಬಳಕೆದಾರರು ಅಪ್ಲಿಕೇಶನ್‌ನಲ್ಲಿ ಯಾವುದೇ ಸಮಯದಲ್ಲಿ ಬಯೋಮೆಟ್ರಿಕ್ ದೃಢೀಕರಣವನ್ನು ಸಕ್ರಿಯಗೊಳಿಸಬಹುದು ಅಥವಾ ನಿಷ್ಕ್ರಿಯಗೊಳಿಸಬಹುದು.
ಬಳಕೆದಾರರ ಯುಪಿಐ ಖಾತೆಗಳನ್ನು ಎಂದಿಗಿಂತಲೂ ವೇಗವಾಗಿ ಹೊಂದಿಸಲು ಸಾಧ್ಯವಾಗುವಂತೆ ನವಿ ಅಪ್ಲಿಕೇಶನ್ ಸರಳೀಕೃತ ಆನ್‌ಬೋರ್ಡಿಂಗ್ ವ್ಯವಸ್ಥೆಯನ್ನು ಪರಿಚಯಿಸುತ್ತದೆ. ಈ ವಿಧಾನದಲ್ಲಿ ಹಂತಗಳನ್ನು ಕಡಿಮೆ ಮಾಡಿ, ಸ್ವಯಂ-ಪರಿಶೀಲನೆಯನ್ನು ಸುಧಾರಿಸುತ್ತದೆ ಮತ್ತು ಹೊಸ ಬಳಕೆದಾರರಿಗೆ ನಿಮಿಷಗಳಲ್ಲಿ ವಹಿವಾಟು ಪ್ರಾರಂಭಿಸಲು ಸಹಾಯ ಮಾಡುತ್ತದೆ.
ಈ ಬಗ್ಗೆ ಮಾತನಾಡಿದ ನವಿ ಲಿಮಿಟೆಡ್ (ಹಿಂದೆ ನವಿ ಟೆಕ್ನಾಲಜೀಸ್ ಲಿಮಿಟೆಡ್) ನ ಎಂಡಿ ಮತ್ತು ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ರಾಜೀವ್ ನರೇಶ್ “ ಸುರಕ್ಷತೆ ಮತ್ತು ಸರಳತೆ ನಮ್ಮ ಉತ್ಪನ್ನ ತತ್ವದ ಆಧಾರಸ್ತಂಭಗಳಾಗಿವೆ” . “ಈ ಹೊಸ ವಿಧಾನದ ಬಿಡುಗಡೆಯೊಂದಿಗೆ ನಾವು ಡಿಜಿಟಲ್ ಪಾವತಿಗೆ ಸಂಬಂಧಿಸಿದ ವಿಧಾನಗಳಲ್ಲಿ ನಂಬಿಕೆ ಮತ್ತು ಇದರ ಅನುಕೂಲತೆಗಾಗಿ ಹೊಸ ಮಾನದಂಡವನ್ನು ಹೊಂದಿಸುತ್ತಿದ್ದೇವೆ.” ಎಂದರು.
ಆಂಡ್ರಾಯ್ಡ್ ಮತ್ತು ಐಒಎಸ್‌ ಸಾಧನಗಳಲ್ಲಿ ಈ ವೈಶಿಷ್ಟ್ಯಗಳನ್ನು ಹಂತಗಳಲ್ಲಿ ಪರಿಚಯಿಸಲಾಗುತ್ತಿದೆ ಮತ್ತು ಈ ಹೊಸ ವಿಧಾನ ಎಲ್ಲಾ ನವಿ ಯುಪಿಐ ಬಳಕೆದಾರರಿಗೆ ಮುಂಬರುವ ದಿನಗಳಲ್ಲಿ ಲಭ್ಯವಿರುತ್ತದೆ.
