ಲಂಡನ್ :
ಲಾರಿ ಕಂಟೇನರ್ ಒಳಗೆ ಒಂದಲ್ಲ, ಎರಡಲ್ಲ ಬರೋಬ್ಬರಿ 39 ಜನರ ಶವ ಪತ್ತೆಯಾಗಿರುವ ಅಚ್ಚರಿಯ ಘಟನೆ ಈಸ್ಟರ್ನ್ ಅವೆನ್ಯೂನ ವಾಟರ್ಗ್ಲೇಡ್ ಇಂಡಸ್ಟ್ರಿಯಲ್ ಪಾರ್ಕ್ ಬಳಿ ನಡೆದಿದೆ.
ಈ ಲಾರಿ ಬಲ್ಗೇರಿಯಾದಿಂದ ಬಂದಿರಬಹುದು ಎಂದು ಪೊಲೀಸರ ಅನುಮಾನ ವ್ಯಕ್ತಪಡಿಸಿದ್ದಾರೆ. ಲಾರಿ ಚಾಲಕ ಉತ್ತರ ಐರ್ಲೆಂಡ್ ಮೂಲದ 25ರ ಯುವಕ. ಆತನನ್ನು ಪೊಲೀಸರು ಬಂಧಿಸಿದ್ದಾರೆ.
ಘಟನೆ ಬೆಳಕಿಗೆ ಬರುತ್ತಿದ್ದಂತೆ ಒಬ್ಬರಾದರೂ ಬದುಕಿರಬಹುದೆಂಬ ಶಂಕೆಯೊಂದಿಗೆ ಆಯಂಬುಲೆನ್ಸ್ ಕರೆಯಿಸಿಕೊಳ್ಳಲಾಗಿತ್ತು. ಆದರೆ, ಎಲ್ಲರೂ ಮೃತಪಟ್ಟಿದ್ದರು.
ಮೃತರಲ್ಲಿ 38 ಜನ ವಯಸ್ಕರಾಗಿದ್ದು, ಒಬ್ಬರು ಮಾತ್ರ ಹದಿಹರೆಯದವರಾಗಿದ್ದರು. ಮಾನವ ಕಳ್ಳಸಾಗಣೆ ಇದಾಗಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
