ಹೊಸಪೇಟೆ:
ಹಂಪಿಯ ವಿರೂಪಾಕ್ಷ ದೇವಾಲಯ ತೆರೆದಿದ್ದು ಭಕ್ತಾದಿಗಳ ದರ್ಶನಕ್ಕೆ ಅವಕಾಶ ನೀಡಲಾಗಿದೆ, ಆದರೆ ಕೊರೋನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಹಂಪಿ ಸ್ಮಾರಕ ವೀಕ್ಷಣೆಗೆ ಪ್ರವಾಸಿಗರು ಇನ್ನೂ ಕಾಯಬೇಕಾಗಿದೆ. ಹಂಪಿಯಲ್ಲಿನ ಸ್ಮಾರಕಗಳನ್ನು ಇನ್ನೂ ಮೂರು ತಿಂಗಳ ಕಾಲ ತೆರೆಯದಿರಲು ಪ್ರವಾಸಿಗರು ಹೆಚ್ಚು ಸಮಯ ಕಾಯಬೇಕಾಗುತ್ತದೆ.
ಮೂರು ತಿಂಗಳವರೆಗೆ ಪ್ರವಾಸಿಗರಿಗೆ ದೇವಾಲಯ ಸಂಕೀರ್ಣವನ್ನು ತೆರೆಯುವ ಸಾಧ್ಯತೆಯಿಲ್ಲ ಎಂದು ಹಂಪಿ ವಿಶ್ವ ಪರಂಪರೆಯ ಪ್ರದೇಶ ನಿರ್ವಹಣಾ ಪ್ರಾಧಿಕಾರದ ಮೂಲಗಳು ತಿಳಿಸಿವೆ. ಇನ್ನೂ ಆರು ತಿಂಗಳು ಹಂಪಿ ತೆರೆಯುವ ಉದ್ದೇಶವಿರಲಿಲ್ಲ, ಆದರೆ ಸರ್ಕಾರದ ನಿರ್ಧಾರಕ್ಕೆ ನಾವು ಮನ್ನಣೆ ನೀಡಬೇಕಾಗಿದೆ, ಸರ್ಕಾರ ದೇವಾಲಯ ತೆರೆಯಲು ಅನುಮತಿ ನೀಡಿದೆ ಆದರೆ ಸ್ಮಾರಕ ತೆರೆಯಲು ಯಾವುದೇ ಸೂಚನೆ ನೀಡಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಹಂಪಿಯ ಬಡವಿ ಲಿಂಗ ದೇವಾಲಯವನ್ನು ಲಾಕ್ ಡೌನ್ ಸಮಯದಲ್ಲೂ ತೆರೆದು ದೈನಂದಿನ ಪೂಜಾ ಕಾರ್ಯ ಕೈಗೊಳ್ಳಲಾಗಿತ್ತು. ಕಲ್ಲಿನ ರಥ ಸೇರಿದಂತೆ ಉಳಿದಂತೆ ತುಂಗಭದ್ರ ನದಿ ದಂಡೆ ಮೇಲಿನ ಹಲವು ಸ್ಮಾರಕಗಳ ದರ್ಶನಕ್ಕೆ ಇನ್ನೂ ಕೆಲ ದಿನಗಳ ಕಾಲ ಅವಕಾಶವಿಲ್ಲ ಎಂದು ಹೇಳಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
