ಇಂಡಿಯನ್ ಪ್ರೀಮಿಯರ್ ಲೀಗ್ (IPL) 2022ರಲ್ಲಿ ಮುಂಬೈ ಇಂಡಿಯನ್ಸ್ (MI) ಇದುವರೆಗೆ ಗೆಲುವು ದಾಖಲಿಸಲು ವಿಫಲವಾಗಿದ್ದರೂ, ತಂಡದಲ್ಲಿ ಕೆಲವು ಸಕಾರಾತ್ಮಕ ಅಂಶಗಳು ಕಂಡುಬಂದಿವೆ. ಇನ್ನು ತಂಡದ ಯುವ ಆಟಗಾರರಾದ ಇಶಾನ್ ಕಿಶನ್ ಮತ್ತು ತಿಲಕ್ ವರ್ಮಾ ಉತ್ತಮ ಪ್ರದರ್ಶನ ತೋರುತ್ತಿದ್ದಾರೆ.
ಇನ್ನು ಅವ್ರ ಮೇಲಿನ ಹೂಡಿಕೆಯು ಎಂಐಗೆ ಲಾಭಾಂಶವನ್ನ ಮರುಪಾವತಿಸಿದೆ. ಫ್ರಾಂಚೈಸಿ ಇಶಾನ್ ಕಿಶನ್‌ಗಾಗಿ 15.25 ಕೋಟಿ ರೂ.ಗಳ ಬೃಹತ್ ಮೊತ್ತವನ್ನ ಖರ್ಚು ಮಾಡಿದ್ರೆ, ತಿಲಕ್ 1.7 ಕೋಟಿ ರೂಪಾಯಿಯೊಂದಿಗೆ ತಂಡ ಸೇರಿಕೊಂಡರು.
ಅದ್ರಂತೆ, ತಿಲಕ್ ಎರಡೂ ಪಂದ್ಯಗಳಲ್ಲೂ ಉತ್ತಮ ಪ್ರದರ್ಶನ ನೀಡಿದ್ದು, ತಮ್ಮದೇ ಆದ ಹೆಸರನ್ನ ಗಳಿಸಿದ್ದಾರೆ. ಇನ್ನು ಒಂದೆರಡು ಉತ್ತಮ ಪ್ರದರ್ಶನದ ನಂತ್ರ ತಿಲಕ್ ಇತ್ತೀಚೆಗೆ ತಮ್ಮ ಐಪಿಎಲ್ ಸಂಬಳದ ಬಗ್ಗೆ ಮಾತನಾಡಿದ್ದು, ಕನಸಿನ ಬಗ್ಗೆ ಬಹಿರಂಗಪಡಿಸಿದ್ದಾರೆ.
ಸಂದರ್ಶನವೊಂದರಲ್ಲಿ ಮಾತನಾಡಿದ ಎಡಗೈ ಬ್ಯಾಟ್ಸ್ಮನ್, ತನ್ನ ಐಪಿಎಲ್ ಹಣದಿಂದ ತನ್ನ ಹೆತ್ತವರಿಗೆ ಮನೆ ಖರೀದಿಸುವ ಗುರಿಯನ್ನು ಹೊಂದಿದ್ದೇನೆ ಎಂದು ಹೇಳಿದರು.
ಐಪಿಎಲ್ ಇತಿಹಾಸದಲ್ಲೇ ಭಾರೀ ಮುಖಭಂಗ: ದೊಡ್ಡ ಬದಲಾವಣೆಗೆ ಸಿಎಸ್ಕೆ ಸಜ್ಜು?
‘ಬೆಳೆಯುತ್ತಿರುವಾಗ, ನಾವು ಸಾಕಷ್ಟು ಆರ್ಥಿಕ ತೊಂದರೆಗಳನ್ನ ಎದುರಿಸಿದ್ದೇವೆ. ನನ್ನ ತಂದೆ ತಮ್ಮ ಅತ್ಯಲ್ಪ ಸಂಬಳದೊಂದಿಗೆ ನನ್ನ ಕ್ರಿಕೆಟ್ ವೆಚ್ಚಗಳನ್ನ ಮತ್ತು ನನ್ನ ಹಿರಿಯ ಸಹೋದರನ ಅಧ್ಯಯನವನ್ನ ನೋಡಿಕೊಳ್ಳಬೇಕಾಗಿತ್ತು. ಕಳೆದ ಕೆಲವು ವರ್ಷಗಳಲ್ಲಿ, ಕೆಲವು ಪ್ರಾಯೋಜಕತ್ವ ಮತ್ತು ಪಂದ್ಯದ ಶುಲ್ಕದೊಂದಿಗೆ, ನಾನು ನನ್ನ ಕ್ರಿಕೆಟ್ ವೆಚ್ಚವನ್ನ ನೋಡಿಕೊಳ್ಳಲು ಸಾಧ್ಯವಾಯಿತು’ ಎಂದು ತಿಲಕ್ ಹೇಳಿದರು.
‘ನಮಗೆ ಇನ್ನೂ ಸ್ವಂತ ಮನೆ ಇಲ್ಲ. ಹಾಗಾಗಿ ಈ ಐಪಿಎಲ್‌ನಲ್ಲಿ ನಾನು ಸಂಪಾದಿಸಿದ ಎಲ್ಲದರೊಂದಿಗೆ, ನನ್ನ ಹೆತ್ತವರಿಗಾಗಿ ಮನೆ ಕಟ್ಟಿಸುವುದು ನನ್ನ ಏಕೈಕ ಗುರಿಯಾಗಿದೆ. ಈ ಐಪಿಎಲ್ ಹಣವು ನನ್ನ ವೃತ್ತಿಜೀವನದ ಉಳಿದ ದಿನಗಳಲ್ಲಿ ಮುಕ್ತವಾಗಿ ಆಡಲು ಅನುವು ಮಾಡಿಕೊಡುತ್ತೆ’ ಎಂದರು.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
