ಕೈರೋ
ಈಜಿಪ್ಟ್ ರಾಜಧಾನಿ ಕೈರೋದಲ್ಲಿನ ಮ್ಯೂಸಿಯಂ ಬಳಿ ಸಂಭವಿಸಿದ ಸ್ಫೋಟಕ್ಕೆ ಬಸ್ ನಲ್ಲಿದ್ದ 14 ಪ್ರವಾಸಿಗರು ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಮಾಧ್ಯಮ ವರದಿ ಮಾಡಿದೆ.
ಆದಾಗ್ಯೂ ಸ್ಥಳೀಯ ಪ್ರಾಧಿಕಾರ ಗಾಯಾಳುಗಳ ಸಂಖ್ಯೆಯನ್ನು ನಿಖರವಾಗಿ ಹೇಳಿಲ್ಲ.ದಕ್ಷಿಣ ಆಫ್ರಿಕಾದ ಪ್ರವಾಸಿಗರಿದ್ದ ಬಸ್ ಹಾಗೂ ನಾಗರಿಕರ ಕಾರ್ ನ ಕಿಟಕಿ ಗಾಜುಗಳಿಗೆ ಹಾನಿಯಾಗಿವೆ ಎಂದು ಮಾಧ್ಯಮ ವರದಿ ತಿಳಿಸಿದೆ.2013 ರ ಜುಲೈನಿಂದ ಈಜಿಪ್ಟ್ ನಲ್ಲಿ ಭಯೋತ್ಪಾದಕ ಚಟುವಟಿಕೆ ತೀವ್ರಗೊಂಡಿದೆ.
ಈ ಭಯೋತ್ಪಾದಕ ದಾಳಿಗಳು ಮೊದಲಿಗೆ ಪೊಲೀಸರು ಮತ್ತು ಭದ್ರತಾ ಸಿಬ್ಬಂದಿಯನ್ನು ಗುರಿಯಾಗಿಸಿದ್ದವು. ಇಸ್ಲಾಮಿಕ್ ಸ್ಟೇಟ್ ಉಗ್ರ ಸಂಘಟನೆಯೊಂದಿಗೆ ಸಿನೈ ಮೂಲದ ಗುಂಪು ನಿಕಟ ಸಂಬಂಧ ಹೊಂದಿದ್ದು ಈ ಸಿನೈ ಸಂಘಟನೆ ದಾಳಿಗಳ ಹೊಣೆ ಹೊತ್ತುಕೊಂಡಿದೆ.
