ತುಮಕೂರು:
ಸಾರ್ವಜನಿಕರಿಗೆ ಸ್ವಚ್ಛ ಭಾರತ, ಹಾಗೂ ಸೇನೆಯ ಬಗ್ಗೆ ಅರಿವು ಮೂಡಿಸಿ ಸೇನೆಗೆ ಸೇರಲು ಉತ್ತೇಜನ ನೀಡಲು ವೆಲಿಂಗ್ಟನ್ (ಊಟಿ) ಮದ್ರಾಸ್ ರೆಜಮೆಂಟ್ ನಿಂದ ದೆಹಲಿಗೆ ಸೈಕಲ್ ಜಾಥಾ ಹೊರಟಿರುವ ಸೈನಿಕರ ತಂಡ ತುಮಕೂರಿಗೆ ಆಗಮಿಸಿದ ಸಂದರ್ಭದಲ್ಲಿ ಮಾಜಿ ಸೈನಿಕರ ಸಮನ್ವಯ ಸಮಿತಿ ವತಿಯಿಂದ ಸ್ವಾಗತಿಸಲಾಯಿತು.
ಇನ್ ಫ್ಯಾಂಟ್ರಿ ದಿನಾಚರಣೆ ಅಂಗವಾಗಿ ವೆಲ್ಲಿಂಗ್ಟನ್ (ಊಟಿ) ಮದ್ರಾಸ್ ರೆಜಮೆಂಟ್ ನಿಂದ ದೆಹಲಿಗೆ ಸೈಕಲ್ ಜಾಥಾ ಹೊರಟಿದ್ದು ಇದರಲ್ಲಿ 15 ಸೈನಿಕರ ತಂಡವಿದೆ. ಕ್ಯಾಪ್ಟನ್ ಶುಭಂ ಸಿಂಗ್ ಅವರ ನೇತೃತ್ವದಲ್ಲಿ ತಂಡವು ದಾರಿಯಲ್ಲಿ ಸ್ವಚ್ಛ ಭಾರತ, ನಾಗರಿಕರಿಗೆ ಸೇನೆಯ ಬಗ್ಗೆ ಅರಿವು ಮೂಡಿಸುವ ಮೂಲಕ ಸೇನೆಗೆ ಸೇರಲು ಉತ್ತೇಜನ ಹಾಗೂ ಮಾಜಿ ಸೈನಿಕರನ್ನು ಭೇಟಿ ಮಾಡಿ ಅವರ ಜೊತೆ ವಿಚಾರ ವಿನಿಮಯ ಮಾಡುತ್ತಿದ್ದಾರೆ.
ತುಮಕೂರು ಜಿಲ್ಲಾ ಮಾಜಿ ಸೈನಿಕರ ಸಮನ್ವಯ ಸಮಿತಿಯ ಅಧ್ಯಕ್ಷರಾದ ರೇಣುಕಾ ಪ್ರಸಾದ್ ತಂಡವನ್ನು ಸ್ವಾಗತಿಸಿದರು. ಸಹ ಕಾರ್ಯದರ್ಶಿ ಮುದ್ದುಲಿಂಗೇಶ್, ನಿರ್ದೇಶಕರಾದ ನಾಗರಾಜ್ ಹಾಗೂ ಸಾರ್ವಜನಿಕರು ಭಾಗವಹಿಸಿದ್ದರು.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
