ಮೊದಲೆರಡು ಕೋವಿಡ್-19 ಅಲೆಯಲ್ಲಿ ಹಲವಾರು ಬಗೆಯ ಪ್ರಾಯೋಗಿಕ ಔಷಧಗಳು ಮುನ್ನೆಲೆಗೆ ಬಂದಿದ್ದವು. ಈ ಔಷಧಗಳ ಸಹಾಯದಿಂದ ಸೋಂಕಿತರು ರೋಗ ಲಕ್ಷಣಗಳನ್ನು ನಿಭಾಯಿಸಲು ಸಾಧ್ಯವಾಯಿತಾದರೂ,
ಆರಂಭದಲ್ಲಿ ಕೊರೊನಾ ವೈರಸ್ ಬಗ್ಗೆ ಹೆಚ್ಚೇನೂ ತಿಳಿದಿರಲಿಲ್ಲ. ಹೀಗಾಗಿ ವೈದ್ಯರು ಹಾಗೂ ವೈದ್ಯಕೀಯ ವೃತ್ತಿಪರರು ರೋಗಿಗಳ ಆರೋಗ್ಯದ ಮೇಲೆ ದೀರ್ಘಕಾಲೀನ ಅಡ್ಡ ಪರಿಣಾಮ ಬೀರುವ ರೋಗ ಲಕ್ಷಣಗಳಿಗೆ ಚಿಕಿತ್ಸೆ ನೀಡಲು ತಮ್ಮ ಆದ್ಯತೆಯನ್ನು ನಿಗದಿಪಡಿಸಿಕೊಂಡಿದ್ದರು.
ಕೊರೊನಾದ ಪ್ರಥಮ ಅಲೆಯ ಸಂದರ್ಭದಲ್ಲಿ ಐವರ್‌ಮೆಕ್ಟಿನ್, ಹೈಡ್ರಾಕ್ಸಿಕ್ಲೋರೋಕ್ವಿನ್ ಹಾಗೂ ಎಚ್‌ಐವಿ ನಿರೋಧಕ ಔಷಧ ಮಿಶ್ರಣಗಳು, ಲೋಪಿನಾವಿರ್/ರಿಟೊನಾವಿರ್ ಔಷಧಗಳ ಬಳಕೆ ವೇಗ ಪಡೆದುಕೊಂಡವಾದರೂ, ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ಈ ಚಿಕಿತ್ಸೆಗಳನ್ನು ನಿಲ್ಲಿಸಿತು. ಹಾಗೂ ತನ್ನ ಚಿಕಿತ್ಸಾ ಶಿಷ್ಟಾಚಾರದ ಪಟ್ಟಿಯಿಂದ ಹಿಂಪಡೆಯಿತು.
ಇನ್ನೊಂದೆಡೆ ಸರ್ಕಾರಿ ಸಮಿತಿಯು ಸಾಧಾರಣದಿಂದ ತೀವ್ರ ಅಸೌಖ್ಯಕ್ಕೆ ಗುರಿಯಾಗಿರುವ ರೋಗಿಗಳಿಗೆ ಚಿಕಿತ್ಸೆ ನೀಡಲು ರೆಮ್‌ಡೆಸಿವಿರ್ ಹಾಗೂ ಟೋಸಿಲಿಜುಮಾಬ್ ಔಷಧಗಳನ್ನು ತನ್ನ ಚಿಕಿತ್ಸಾ ಶಿಷ್ಟಾಚಾರ ಪಟ್ಟಿಯಲ್ಲಿ ಉಳಿಸಿಕೊಂಡಿತು.
ಗಂಭೀರವಾದ ಕೊರೊನಾ ಸೋಂಕು ದೇಹದಲ್ಲಿ ದೀರ್ಘಕಾಲದ ಹಾಗೂ ವ್ಯವಸ್ಥಿತ ಉರಿಯೂತ ಸ್ಪಂದನೆ ಉಂಟು ಮಾಡುವ ಸಾಧ್ಯತೆ ಇದೆ. SARS COV-2 ವೈರಸ್‌ನಿಂದ ಉಂಟಾಗುವ ಉರಿಯೂತ ತಗ್ಗಿಸುವಲ್ಲಿ ಸ್ಡಿರಾಯ್ಡ್‌ಗಳು ನೆರವಾಗುತ್ತವೆ.
ಇನ್ಯಾವುದೇ ಆಯಂಟಿ-ವೈರಲ್ ಔಷಧದ ರೀತಿಯೇ ಕೋವಿಡ್-19 ಮಾತ್ರೆ ಕೂಡಾ ವೈರಸ್‌ನ ದ್ವಿಗುಣಗುಳ್ಳುವ ಸಾಮರ್ಥ್ಯವನ್ನು ಶೂನ್ಯಗೊಳಿಸುತ್ತದೆ. ಲಸಿಕೆಗಳು ವೈರಸ್ ದೇಹ ಪ್ರವೇಶಿಸದಂತೆ ತಡೆದರೆ, ಈ ಮಾತ್ರೆಗಳು ಸೋಂಕಿನ ನಂತರ ಹೆಚ್ಚು ಹಾನಿಯಾಗುವುದನ್ನು ತಡೆಗಟ್ಟುತ್ತವೆ.
ಇತ್ತೀಚೆಗೆ ಔಷಧ ತಯಾರಿಕಾ ದೈತ್ಯ ಕಂಪನಿ ಮರ್ಕ್ ಅಭಿವೃದ್ಧಿ ಪಡಿಸಿರುವ ಮಾಲ್‌ನ್ಯುಪಿರಾವಿರ್ ಎಂಬ ಬಾಯಿ ಮೂಲಕ ನುಂಗುವ ಆಯಂಟಿ ವೈರಲ್ ಮಾತ್ರೆಗೆ ಕೇಂದ್ರ ಔಷಧ ಮತ್ತು ಮಾಪಕ ನಿಯಂತ್ರಣ ಸಂಘಟನೆಯು ರೋಗಿಗಳಲ್ಲಿ ಆಮ್ಲಜನಕ ಪ್ರಮಾಣವು ಶೇ. 93ರಷ್ಟಿದ್ದು, ರೋಗ ಉಲ್ಬಣಿಸುವ ಅಪಾಯವಿದ್ದಾಗ ‘ತುರ್ತು ಸಂದರ್ಭಗಳ ನಿಯಂತ್ರಿತ ಬಳಕೆ’ಗೆ ಅನುಮೋದನೆ ನೀಡಿದೆ.
ಇತ್ತೀಚೆಗೆ ಈ ಐದು ದಿನ ಅವಧಿಯ, ₹ 1399 ದರದ ಸೌಮ್ಯದಿಂದ ಸಾಧಾರಣ ಸೋಂಕಿಗೆ ಬಳಸಲಾಗುವ ಈ ಮಾತ್ರೆಯು ಭಾರತದಲ್ಲಿ ಬಿಡುಗಡೆಯಾಯಿತು. ಇದೇ ಬಗೆಯ ಮಾತ್ರೆಗಳನ್ನು ಡಾ. ರೆಡ್ಡೀಸ್, ನ್ಯಾಟ್ಕೊ, ಮೈಲಾನ್ ಹಾಗೂ ಹೆಟೆರೊ ಔಷಧ ಕಂಪನಿಗಳು ತಯಾರಿಸುವ ಪ್ರಯತ್ನದಲ್ಲಿವೆ.
ಔಷಧ ನಿಯಂತ್ರಕರು ಈ ಬಾಯಿ ಮೂಲಕ ಸೇವಿಸುವ ಆಯಂಟಿವೈರಲ್ ಮಾತ್ರೆಯನ್ನು ಅನುಮೋದಿಸಿದ್ದರೂ, ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ಪ್ರಧಾನ ನಿರ್ದೇಶಕರಾದ ಡಾ. ಬಲರಾಂ ಭಾರ್ಗವ್ ಈ ಮಾತ್ರೆಗಳ ದುರ್ಬಳಕೆಯಿಂದ ಉಂಟಾಗುವ ಅಪಾಯಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.
ಅಮೆರಿಕ ಮತ್ತು ಬ್ರಿಟನ್‌ನಲ್ಲಿ ಫೈಜರ್ ಕಂಪನಿ ಅಭಿವೃದ್ಧಿ ಪಡಿಸಿರುವ ಮತ್ತೊಂದು ಆಯಂಟಿವೈರಲ್ ಮಾತ್ರೆ ಪ್ಲಾಕ್ಸೋವಿಡ್ ಆಗಿದೆ.
